UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1528
- Click on a sentence to show its analysis
- Keep the mouse pointer over a lemma to show its meanings.
hatvā tu taṃ bhīmabalaṃ virādhaṃ rākṣasaṃ vane / (1.1)
Par.?
tataḥ sītāṃ pariṣvajya samāśvāsya ca vīryavān / (1.2)
Par.?
abravīl lakṣmaṇaṃ rāmo bhrātaraṃ dīptatejasam // (1.3)
Par.?
kaṣṭaṃ vanam idaṃ durgaṃ na ca smo vanagocarāḥ / (2.1)
Par.?
abhigacchāmahe śīghraṃ śarabhaṅgaṃ tapodhanam // (2.2)
Par.?
āśramaṃ śarabhaṅgasya rāghavo 'bhijagāma ha // (3.1)
Par.?
tasya devaprabhāvasya tapasā bhāvitātmanaḥ / (4.1)
Par.?
samīpe śarabhaṅgasya dadarśa mahad adbhutam // (4.2)
Par.?
vibhrājamānaṃ vapuṣā sūryavaiśvānaropamam / (5.1)
Par.?
asaṃspṛśantaṃ vasudhāṃ dadarśa vibudheśvaram // (5.2)
Par.?
suprabhābharaṇaṃ devaṃ virajo'mbaradhāriṇam / (6.1)
Par.?
tadvidhair eva bahubhiḥ pūjyamānaṃ mahātmabhiḥ // (6.2)
Par.?
haribhir vājibhir yuktam antarikṣagataṃ ratham / (7.1)
Par.?
dadarśādūratas tasya taruṇādityasaṃnibham // (7.2)
Par.?
pāṇḍurābhraghanaprakhyaṃ candramaṇḍalasaṃnibham / (8.1)
Par.?
apaśyad vimalaṃ chattraṃ citramālyopaśobhitam // (8.2)
Par.?
cāmaravyajane cāgrye rukmadaṇḍe mahādhane / (9.1)
Par.?
gṛhīte vananārībhyāṃ dhūyamāne ca mūrdhani // (9.2)
Par.?
gandharvāmarasiddhāś ca bahavaḥ paramarṣayaḥ / (10.1)
Par.?
antarikṣagataṃ devaṃ vāgbhir agryābhir īḍire // (10.2)
Par.?
dṛṣṭvā śatakratuṃ tatra rāmo lakṣmaṇam abravīt / (11.1)
Par.?
ye hayāḥ puruhūtasya purā śakrasya naḥ śrutāḥ / (11.2)
Par.?
antarikṣagatā divyās ta ime harayo dhruvam // (11.3)
Par.?
ime ca puruṣavyāghra ye tiṣṭhanty abhito ratham / (12.1)
Par.?
śataṃ śataṃ kuṇḍalino yuvānaḥ khaḍgapāṇayaḥ // (12.2)
Par.?
urodeśeṣu sarveṣāṃ hārā jvalanasaṃnibhāḥ / (13.1)
Par.?
rūpaṃ bibhrati saumitre pañcaviṃśativārṣikam // (13.2)
Par.?
etaddhi kila devānāṃ vayo bhavati nityadā / (14.1)
Par.?
yatheme puruṣavyāghrā dṛśyante priyadarśanāḥ // (14.2)
Par.?
ihaiva saha vaidehyā muhūrtaṃ tiṣṭha lakṣmaṇa / (15.1)
Par.?
yāvaj jānāmy ahaṃ vyaktaṃ ka eṣa dyutimān rathe // (15.2)
Par.?
tam evam uktvā saumitrim ihaiva sthīyatām iti / (16.1)
Par.?
abhicakrāma kākutsthaḥ śarabhaṅgāśramaṃ prati // (16.2)
Par.?
tataḥ samabhigacchantaṃ prekṣya rāmaṃ śacīpatiḥ / (17.1)
Par.?
śarabhaṅgam anujñāpya vibudhān idam abravīt // (17.2) Par.?
ihopayāty asau rāmo yāvan māṃ nābhibhāṣate / (18.1)
Par.?
niṣṭhāṃ nayata tāvat tu tato māṃ draṣṭum arhati // (18.2)
Par.?
jitavantaṃ kṛtārthaṃ ca draṣṭāham acirād imam / (19.1)
Par.?
karma hy anena kartavyaṃ mahad anyaiḥ suduṣkaram // (19.2)
Par.?
iti vajrī tam āmantrya mānayitvā ca tāpasam / (20.1)
Par.?
rathena hariyuktena yayau divam ariṃdamaḥ // (20.2)
Par.?
prayāte tu sahasrākṣe rāghavaḥ saparicchadaḥ / (21.1)
Par.?
agnihotram upāsīnaṃ śarabhaṅgam upāgamat // (21.2)
Par.?
tasya pādau ca saṃgṛhya rāmaḥ sītā ca lakṣmaṇaḥ / (22.1)
Par.?
niṣedus tadanujñātā labdhavāsā nimantritāḥ // (22.2)
Par.?
tataḥ śakropayānaṃ tu paryapṛcchat sa rāghavaḥ / (23.1)
Par.?
śarabhaṅgaś ca tat sarvaṃ rāghavāya nyavedayat // (23.2)
Par.?
mām eṣa varado rāma brahmalokaṃ ninīṣati / (24.1)
Par.?
jitam ugreṇa tapasā duṣprāpam akṛtātmabhiḥ // (24.2)
Par.?
ahaṃ jñātvā naravyāghra vartamānam adūrataḥ / (25.1)
Par.?
brahmalokaṃ na gacchāmi tvām adṛṣṭvā priyātithim // (25.2)
Par.?
samāgamya gamiṣyāmi tridivaṃ devasevitam / (26.1)
Par.?
akṣayā naraśārdūla jitā lokā mayā śubhāḥ / (26.2)
Par.?
brāhmyāś ca nākapṛṣṭhyāś ca pratigṛhṇīṣva māmakān // (26.3)
Par.?
evam ukto naravyāghraḥ sarvaśāstraviśāradaḥ / (27.1)
Par.?
ṛṣiṇā śarabhaṅgena rāghavo vākyam abravīt // (27.2)
Par.?
aham evāhariṣyāmi sarvāṃl lokān mahāmune / (28.1)
Par.?
āvāsaṃ tv aham icchāmi pradiṣṭam iha kānane // (28.2)
Par.?
rāghaveṇaivam uktas tu śakratulyabalena vai / (29.1)
Par.?
śarabhaṅgo mahāprājñaḥ punar evābravīd vacaḥ // (29.2)
Par.?
sutīkṣṇam abhigaccha tvaṃ śucau deśe tapasvinam / (30.1)
Par.?
ramaṇīye vanoddeśe sa te vāsaṃ vidhāsyati // (30.2)
Par.?
eṣa panthā naravyāghra muhūrtaṃ paśya tāta mām / (31.1)
Par.?
yāvaj jahāmi gātrāṇi jīrṇāṃ tvacam ivoragaḥ // (31.2)
Par.?
tato 'gniṃ sa samādhāya hutvā cājyena mantravit / (32.1)
Par.?
śarabhaṅgo mahātejāḥ praviveśa hutāśanam // (32.2)
Par.?
tasya romāṇi keśāṃś ca dadāhāgnir mahātmanaḥ / (33.1)
Par.?
jīrṇāṃ tvacaṃ tathāsthīni yac ca māṃsaṃ ca śoṇitam // (33.2)
Par.?
sa ca pāvakasaṃkāśaḥ kumāraḥ samapadyata / (34.1)
Par.?
utthāyāgnicayāt tasmāc charabhaṅgo vyarocata // (34.2)
Par.?
sa lokān āhitāgnīnām ṛṣīṇāṃ ca mahātmanām / (35.1)
Par.?
devānāṃ ca vyatikramya brahmalokaṃ vyarohata // (35.2)
Par.?
sa puṇyakarmā bhuvane dvijarṣabhaḥ pitāmahaṃ sānucaraṃ dadarśa ha / (36.1)
Par.?
pitāmahaś cāpi samīkṣya taṃ dvijaṃ nananda susvāgatam ity uvāca ha // (36.2)
Par.?
Duration=0.12665796279907 secs.