Texts

śarabhaṅge divaṃ prāpte munisaṃghāḥ samāgatāḥ / (1.1) Par.?

abhyagacchanta kākutsthaṃ rāmaṃ jvalitatejasam // (1.2) Par.?

vaikhānasā vālakhilyāḥ samprakṣālā marīcipāḥ / (2.1) Par.?

aśmakuṭṭāś ca bahavaḥ pattrāhārāś ca tāpasāḥ // (2.2) Par.?

dantolūkhalinaś caiva tathaivonmajjakāḥ pare / (3.1) Par.?

munayaḥ salilāhārā vāyubhakṣās tathāpare // (3.2) Par.?

ākāśanilayāś caiva tathā sthaṇḍilaśāyinaḥ / (4.1) Par.?

tathordhvavāsino dāntās tathārdrapaṭavāsasaḥ // (4.2) Par.?

sajapāś ca taponityās tathā pañcatapo'nvitāḥ / (5.1) Par.?

sarve brāhmyā śriyā juṣṭā dṛḍhayogasamāhitāḥ / (5.2) Par.?

śarabhaṅgāśrame rāmam abhijagmuś ca tāpasāḥ // (5.3) Par.?

abhigamya ca dharmajñā rāmaṃ dharmabhṛtāṃ varam / (6.1) Par.?

ūcuḥ paramadharmajñam ṛṣisaṃghāḥ samāhitāḥ // (6.2) Par.?

tvam ikṣvākukulasyāsya pṛthivyāś ca mahārathaḥ / (7.1) Par.?

pradhānaś cāsi nāthaś ca devānāṃ maghavān iva // (7.2) Par.?

viśrutas triṣu lokeṣu yaśasā vikrameṇa ca / (8.1) Par.?

pitṛvratatvaṃ satyaṃ ca tvayi dharmaś ca puṣkalaḥ // (8.2) Par.?

tvām āsādya mahātmānaṃ dharmajñaṃ dharmavatsalam / (9.1) Par.?

arthitvān nātha vakṣyāmas tac ca naḥ kṣantum arhasi // (9.2) Par.?

adharmas tu mahāṃs tāta bhavet tasya mahīpateḥ / (10.1) Par.?

yo hared baliṣaḍbhāgaṃ na ca rakṣati putravat // (10.2) Par.?

yuñjānaḥ svān iva prāṇān prāṇair iṣṭān sutān iva / (11.1) Par.?

nityayuktaḥ sadā rakṣan sarvān viṣayavāsinaḥ // (11.2) Par.?

prāpnoti śāśvatīṃ rāma kīrtiṃ sa bahuvārṣikīm / (12.1) Par.?

brahmaṇaḥ sthānam āsādya tatra cāpi mahīyate // (12.2) Par.?

yat karoti paraṃ dharmaṃ munir mūlaphalāśanaḥ / (13.1) Par.?

tatra rājñaś caturbhāgaḥ prajā dharmeṇa rakṣataḥ // (13.2) Par.?

so 'yaṃ brāhmaṇabhūyiṣṭho vānaprasthagaṇo mahān / (14.1) Par.?

tvannātho 'nāthavad rāma rākṣasair vadhyate bhṛśam // (14.2) Par.?

ehi paśya śarīrāṇi munīnāṃ bhāvitātmanām / (15.1) Par.?

hatānāṃ rākṣasair ghorair bahūnāṃ bahudhā vane // (15.2) Par.?

pampānadīnivāsānām anumandākinīm api / (16.1) Par.?

citrakūṭālayānāṃ ca kriyate kadanaṃ mahat // (16.2) Par.?

evaṃ vayaṃ na mṛṣyāmo viprakāraṃ tapasvinām / (17.1) Par.?

kriyamāṇaṃ vane ghoraṃ rakṣobhir bhīmakarmabhiḥ // (17.2) Par.?

tatas tvāṃ śaraṇārthaṃ ca śaraṇyaṃ samupasthitāḥ / (18.1) Par.?

paripālaya no rāma vadhyamānān niśācaraiḥ // (18.2) Par.?

etac chrutvā tu kākutsthas tāpasānāṃ tapasvinām / (19.1) Par.?

idaṃ provāca dharmātmā sarvān eva tapasvinaḥ / (19.2) Par.?

naivam arhatha māṃ vaktum ājñāpyo 'haṃ tapasvinām // (19.3) Par.?

bhavatām arthasiddhyartham āgato 'haṃ yadṛcchayā / (20.1) Par.?

tasya me 'yaṃ vane vāso bhaviṣyati mahāphalaḥ / (20.2) Par.?

tapasvināṃ raṇe śatrūn hantum icchāmi rākṣasān // (20.3) Par.?

dattvā varaṃ cāpi tapodhanānāṃ dharme dhṛtātmā saha lakṣmaṇena / (21.1) Par.?

tapodhanaiś cāpi sabhājyavṛttaḥ sutīkṣṇam evābhijagāma vīraḥ // (21.2) Par.?