UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3711
- Click on a sentence to show its analysis
- Keep the mouse pointer over a lemma to show its meanings.
athāto nayanābhighātapratiṣedhaṃ vyākhyāsyāmaḥ // (1.1)
Par.?
yathovāca bhagavān dhanvantariḥ // (2.1) Par.?
abhyāhate tu nayane bahudhā narāṇāṃ saṃrambharāgatumulāsu rujāsu dhīmān / (3.1)
Par.?
nasyāsyalepapariṣecanatarpaṇādyamuktaṃ punaḥ kṣatajapittajaśūlapathyam // (3.2)
Par.?
dṛṣṭiprasādajananaṃ vidhimāśu kuryāt snigdhair himaiśca madhuraiśca tathā prayogaiḥ / (4.1)
Par.?
svedāgnidhūmabhayaśokarujābhighātairabhyāhatām api tathaiva bhiṣak cikitset // (4.2)
Par.?
sadyohate nayana eṣa vidhistadūrdhvaṃ syanderito bhavati doṣamavekṣya kāryaḥ / (5.1)
Par.?
abhyāhataṃ nayanamīṣadathāsyabāṣpasaṃsveditaṃ bhavati tannirujaṃ kṣaṇena // (5.2)
Par.?
sādhyaṃ kṣataṃ paṭalamekamubhe tu kṛcchre trīṇi kṣatāni paṭalāni vivarjayettu / (6.1)
Par.?
syāt piccitaṃ ca nayanaṃ hyati cāvasannaṃ srastaṃ cyutaṃ ca hatadṛk ca bhavettu yāpyam // (6.2)
Par.?
vistīrṇadṛṣṭitanurāgam asatpradarśi sādhyaṃ yathāsthitamanāviladarśanaṃ ca / (7.1)
Par.?
prāṇoparodhavamanakṣutakaṇṭharodhair unnamyamāśu nayanaṃ yadatipraviṣṭam // (7.2)
Par.?
netre vilambini vidhirvihitaḥ purastāducchiṅghanaṃ śirasi vāryavasecanaṃ ca / (8.1)
Par.?
ṣaṭsaptatirnayanajā ya ime pradiṣṭā rogā bhavantyamahatāṃ mahatāṃ ca tebhyaḥ // (8.2)
Par.?
stanyaprakopakaphamārutapittaraktair balākṣivartmabhava eva kukūṇako 'nyaḥ / (9.1)
Par.?
mṛdnāti netramatikaṇḍumathākṣikūṭaṃ nāsālalāṭam api tena śiśuḥ sa nityam // (9.2)
Par.?
sūryaprabhāṃ na sahate sravati prabaddhaṃ tasyāharedrudhiramāśu vinirlikhecca / (10.1)
Par.?
kṣaudrāyutaiśca kaṭubhiḥ pratisārayettu mātuḥ śiśorabhihitaṃ ca vidhiṃ vidadhyāt // (10.2)
Par.?
taṃ vāmayettu madhusaindhavasamprayuktaiḥ pītaṃ payaḥ khalu phalaiḥ kharamañjarīṇām // (11.1)
Par.?
syātpippalīlavaṇamākṣikasaṃyutair vā nainaṃ vamantam api vāmayituṃ yateta / (12.1)
Par.?
dattvā vacāmaśanadugdhabhuje prayojyam ūrdhvaṃ tataḥ phalayutaṃ vamanaṃ vidhijñaiḥ // (12.2)
Par.?
jambvāmradhātryaṇudalaiḥ paridhāvanārthaṃ kāryaṃ kaṣāyamavasecanam eva cāpi / (13.1)
Par.?
āścyotane ca hitamatra ghṛtaṃ guḍūcīsiddhaṃ tathāhurapi ca triphalāvipakvam // (13.2)
Par.?
nepālajāmaricaśaṅkharasāñjanāni sindhuprasūtaguḍamākṣikasaṃyutāni / (14.1)
Par.?
syādañjanaṃ madhurasāmadhukāmrakair vā kṛṣṇāyasaṃ ghṛtapayo madhu vāpi dagdham // (14.2)
Par.?
vyoṣaṃ palāṇḍu madhukaṃ lavaṇottamaṃ ca lākṣāṃ ca gairikayutāṃ guṭikāñjanaṃ vā / (15.1)
Par.?
nimbacchadaṃ madhukadārvi satāmralodhramicchanti cātra bhiṣajo 'ñjanamaṃśatulyam // (15.2)
Par.?
srotojaśaṅkhadadhisaindhavamardhapakṣaṃ śukraṃ śiśor nudati bhāvitamañjanena / (16.1)
Par.?
syande kaphādabhihitaṃ kramamācarecca bālasya rogakuśalo 'kṣigadaṃ jighāṃsuḥ // (16.2)
Par.?
samudra iva gambhīraṃ naiva śakyaṃ cikitsitam / (17.1)
Par.?
vaktuṃ niravaśeṣeṇa ślokānāmayutairapi // (17.2)
Par.?
sahasrairapi vā proktamarthamalpamatirnaraḥ / (18.1)
Par.?
tarkagranthārtharahito naiva gṛhṇātyapaṇḍitaḥ // (18.2)
Par.?
tadidaṃ bahugūḍhārthaṃ cikitsābījamīritam / (19.1)
Par.?
kuśalenābhipannaṃ tadbahudhābhiprarohati // (19.2)
Par.?
tasmānmatimatā nityaṃ nānāśāstrārthadarśinā / (20.1)
Par.?
sarvamūhyamagādhārthaṃ śāstramāgamabuddhinā // (20.2)
Par.?
Duration=0.070590019226074 secs.