UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3337
- Click on a sentence to show its analysis
- Keep the mouse pointer over a lemma to show its meanings.
tasya tadvacanaṃ śrutvā daśagrīvo mahābalaḥ / (1.1)
Par.?
deśakālahitaṃ vākyaṃ bhrātur uttaram abravīt // (1.2)
Par.?
samyag uktaṃ hi bhavatā dūtavadhyā vigarhitā / (2.1)
Par.?
avaśyaṃ tu vadhād anyaḥ kriyatām asya nigrahaḥ // (2.2)
Par.?
kapīnāṃ kila lāṅgūlam iṣṭaṃ bhavati bhūṣaṇam / (3.1)
Par.?
tad asya dīpyatāṃ śīghraṃ tena dagdhena gacchatu // (3.2)
Par.?
tataḥ paśyantvimaṃ dīnam aṅgavairūpyakarśitam / (4.1)
Par.?
samitrā jñātayaḥ sarve bāndhavāḥ sasuhṛjjanāḥ // (4.2)
Par.?
ājñāpayad rākṣasendraḥ puraṃ sarvaṃ sacatvaram / (5.1)
Par.?
lāṅgūlena pradīptena rakṣobhiḥ pariṇīyatām // (5.2)
Par.?
tasya tadvacanaṃ śrutvā rākṣasāḥ kopakarkaśāḥ / (6.1)
Par.?
veṣṭante tasya lāṅgūlaṃ jīrṇaiḥ kārpāsikaiḥ paṭaiḥ // (6.2)
Par.?
saṃveṣṭyamāne lāṅgūle vyavardhata mahākapiḥ / (7.1)
Par.?
śuṣkam indhanam āsādya vaneṣviva hutāśanaḥ // (7.2)
Par.?
tailena pariṣicyātha te 'gniṃ tatrāvapātayan // (8.1)
Par.?
lāṅgūlena pradīptena rākṣasāṃstān apātayat / (9.1)
Par.?
roṣāmarṣaparītātmā bālasūryasamānanaḥ // (9.2)
Par.?
sa bhūyaḥ saṃgataiḥ krūrai rākṣasair harisattamaḥ / (10.1)
Par.?
nibaddhaḥ kṛtavān vīrastatkālasadṛśīṃ matim // (10.2)
Par.?
kāmaṃ khalu na me śaktā nibaddhasyāpi rākṣasāḥ / (11.1)
Par.?
chittvā pāśān samutpatya hanyām aham imān punaḥ // (11.2)
Par.?
sarveṣām eva paryāpto rākṣasānām ahaṃ yudhi / (12.1)
Par.?
kiṃ tu rāmasya prītyarthaṃ viṣahiṣye 'ham īdṛśam // (12.2)
Par.?
laṅkā cārayitavyā me punar eva bhaved iti / (13.1)
Par.?
rātrau na hi sudṛṣṭā me durgakarmavidhānataḥ / (13.2)
Par.?
avaśyam eva draṣṭavyā mayā laṅkā niśākṣaye // (13.3) Par.?
kāmaṃ bandhaiśca me bhūyaḥ pucchasyoddīpanena ca / (14.1)
Par.?
pīḍāṃ kurvantu rakṣāṃsi na me 'sti manasaḥ śramaḥ // (14.2)
Par.?
tataste saṃvṛtākāraṃ sattvavantaṃ mahākapim / (15.1)
Par.?
parigṛhya yayur hṛṣṭā rākṣasāḥ kapikuñjaram // (15.2)
Par.?
śaṅkhabherīninādaistair ghoṣayantaḥ svakarmabhiḥ / (16.1)
Par.?
rākṣasāḥ krūrakarmāṇaścārayanti sma tāṃ purīm // (16.2)
Par.?
hanumāṃścārayāmāsa rākṣasānāṃ mahāpurīm / (17.1)
Par.?
athāpaśyad vimānāni vicitrāṇi mahākapiḥ // (17.2)
Par.?
saṃvṛtān bhūmibhāgāṃśca suvibhaktāṃśca catvarān / (18.1)
Par.?
rathyāśca gṛhasaṃbādhāḥ kapiḥ śṛṅgāṭakāni ca // (18.2)
Par.?
catvareṣu catuṣkeṣu rājamārge tathaiva ca / (19.1)
Par.?
ghoṣayanti kapiṃ sarve cārīka iti rākṣasāḥ // (19.2)
Par.?
dīpyamāne tatastasya lāṅgūlāgre hanūmataḥ / (20.1)
Par.?
rākṣasyastā virūpākṣyaḥ śaṃsur devyāstad apriyam // (20.2)
Par.?
yastvayā kṛtasaṃvādaḥ sīte tāmramukhaḥ kapiḥ / (21.1)
Par.?
lāṅgūlena pradīptena sa eṣa pariṇīyate // (21.2)
Par.?
śrutvā tad vacanaṃ krūram ātmāpaharaṇopamam / (22.1)
Par.?
vaidehī śokasaṃtaptā hutāśanam upāgamat // (22.2)
Par.?
maṅgalābhimukhī tasya sā tadāsīnmahākapeḥ / (23.1)
Par.?
upatasthe viśālākṣī prayatā havyavāhanam // (23.2)
Par.?
yadyasti patiśuśrūṣā yadyasti caritaṃ tapaḥ / (24.1)
Par.?
yadi cāstyekapatnītvaṃ śīto bhava hanūmataḥ // (24.2)
Par.?
yadi kaścid anukrośastasya mayyasti dhīmataḥ / (25.1)
Par.?
yadi vā bhāgyaśeṣaṃ me śīto bhava hanūmataḥ // (25.2)
Par.?
yadi māṃ vṛttasampannāṃ tatsamāgamalālasām / (26.1)
Par.?
sa vijānāti dharmātmā śīto bhava hanūmataḥ // (26.2)
Par.?
yadi māṃ tārayatyāryaḥ sugrīvaḥ satyasaṃgaraḥ / (27.1)
Par.?
asmād duḥkhānmahābāhuḥ śīto bhava hanūmataḥ // (27.2)
Par.?
tatastīkṣṇārcir avyagraḥ pradakṣiṇaśikho 'nalaḥ / (28.1)
Par.?
jajvāla mṛgaśāvākṣyāḥ śaṃsann iva śivaṃ kapeḥ // (28.2)
Par.?
dahyamāne ca lāṅgūle cintayāmāsa vānaraḥ / (29.1)
Par.?
pradīpto 'gnir ayaṃ kasmānna māṃ dahati sarvataḥ // (29.2)
Par.?
dṛśyate ca mahājvālaḥ karoti ca na me rujam / (30.1)
Par.?
śiśirasyeva saṃpāto lāṅgūlāgre pratiṣṭhitaḥ // (30.2)
Par.?
athavā tad idaṃ vyaktaṃ yad dṛṣṭaṃ plavatā mayā / (31.1)
Par.?
rāmaprabhāvād āścaryaṃ parvataḥ saritāṃ patau // (31.2)
Par.?
yadi tāvat samudrasya mainākasya ca dhīmataḥ / (32.1)
Par.?
rāmārthaṃ saṃbhramastādṛk kim agnir na kariṣyati // (32.2)
Par.?
sītāyāścānṛśaṃsyena tejasā rāghavasya ca / (33.1)
Par.?
pituśca mama sakhyena na māṃ dahati pāvakaḥ // (33.2)
Par.?
bhūyaḥ sa cintayāmāsa muhūrtaṃ kapikuñjaraḥ / (34.1)
Par.?
utpapātātha vegena nanāda ca mahākapiḥ // (34.2)
Par.?
puradvāraṃ tataḥ śrīmāñ śailaśṛṅgam ivonnatam / (35.1)
Par.?
vibhaktarakṣaḥsaṃbādham āsasādānilātmajaḥ // (35.2)
Par.?
sa bhūtvā śailasaṃkāśaḥ kṣaṇena punar ātmavān / (36.1)
Par.?
hrasvatāṃ paramāṃ prāpto bandhanānyavaśātayat // (36.2)
Par.?
vimuktaścābhavacchrīmān punaḥ parvatasaṃnibhaḥ / (37.1)
Par.?
vīkṣamāṇaśca dadṛśe parighaṃ toraṇāśritam // (37.2)
Par.?
sa taṃ gṛhya mahābāhuḥ kālāyasapariṣkṛtam / (38.1)
Par.?
rakṣiṇastān punaḥ sarvān sūdayāmāsa mārutiḥ // (38.2)
Par.?
sa tānnihatvā raṇacaṇḍavikramaḥ samīkṣamāṇaḥ punar eva laṅkām / (39.1)
Par.?
pradīptalāṅgūlakṛtārcimālī prakāśatāditya ivāṃśumālī // (39.2)
Par.?
Duration=0.20828294754028 secs.