UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3604
- Click on a sentence to show its analysis
- Keep the mouse pointer over a lemma to show its meanings.
evam uktvā tu saumitriṃ jātaharṣo vibhīṣaṇaḥ / (1.1)
Par.?
dhanuṣpāṇinam ādāya tvaramāṇo jagāma saḥ // (1.2)
Par.?
avidūraṃ tato gatvā praviśya ca mahad vanam / (2.1)
Par.?
darśayāmāsa tat karma lakṣmaṇāya vibhīṣaṇaḥ // (2.2)
Par.?
nīlajīmūtasaṃkāśaṃ nyagrodhaṃ bhīmadarśanam / (3.1)
Par.?
tejasvī rāvaṇabhrātā lakṣmaṇāya nyavedayat // (3.2)
Par.?
ihopahāraṃ bhūtānāṃ balavān rāvaṇātmajaḥ / (4.1)
Par.?
upahṛtya tataḥ paścāt saṃgrāmam abhivartate // (4.2)
Par.?
adṛśyaḥ sarvabhūtānāṃ tato bhavati rākṣasaḥ / (5.1)
Par.?
nihanti samare śatrūn badhnāti ca śarottamaiḥ // (5.2)
Par.?
tam apraviṣṭaṃ nyagrodhaṃ balinaṃ rāvaṇātmajam / (6.1)
Par.?
vidhvaṃsaya śaraistīkṣṇaiḥ sarathaṃ sāśvasārathim // (6.2)
Par.?
tathetyuktvā mahātejāḥ saumitrir mitranandanaḥ / (7.1)
Par.?
babhūvāvasthitastatra citraṃ visphārayan dhanuḥ // (7.2) Par.?
sa rathenāgnivarṇena balavān rāvaṇātmajaḥ / (8.1)
Par.?
indrajit kavacī khaḍgī sadhvajaḥ pratyadṛśyata // (8.2)
Par.?
tam uvāca mahātejāḥ paulastyam aparājitam / (9.1)
Par.?
samāhvaye tvāṃ samare samyag yuddhaṃ prayaccha me // (9.2)
Par.?
evam ukto mahātejā manasvī rāvaṇātmajaḥ / (10.1)
Par.?
abravīt paruṣaṃ vākyaṃ tatra dṛṣṭvā vibhīṣaṇam // (10.2)
Par.?
iha tvaṃ jātasaṃvṛddhaḥ sākṣād bhrātā pitur mama / (11.1)
Par.?
kathaṃ druhyasi putrasya pitṛvyo mama rākṣasa // (11.2)
Par.?
na jñātitvaṃ na sauhārdaṃ na jātistava durmate / (12.1)
Par.?
pramāṇaṃ na ca sodaryaṃ na dharmo dharmadūṣaṇa // (12.2)
Par.?
śocyastvam asi durbuddhe nindanīyaśca sādhubhiḥ / (13.1)
Par.?
yastvaṃ svajanam utsṛjya parabhṛtyatvam āgataḥ // (13.2)
Par.?
naitacchithilayā buddhyā tvaṃ vetsi mahad antaram / (14.1)
Par.?
kva ca svajanasaṃvāsaḥ kva ca nīcaparāśrayaḥ // (14.2)
Par.?
guṇavān vā parajanaḥ svajano nirguṇo 'pi vā / (15.1)
Par.?
nirguṇaḥ svajanaḥ śreyān yaḥ paraḥ para eva saḥ // (15.2)
Par.?
niranukrośatā ceyaṃ yādṛśī te niśācara / (16.1)
Par.?
svajanena tvayā śakyaṃ paruṣaṃ rāvaṇānuja // (16.2)
Par.?
ityukto bhrātṛputreṇa pratyuvāca vibhīṣaṇaḥ / (17.1)
Par.?
ajānann iva macchīlaṃ kiṃ rākṣasa vikatthase // (17.2)
Par.?
rākṣasendrasutāsādho pāruṣyaṃ tyaja gauravāt / (18.1)
Par.?
kule yadyapyahaṃ jāto rakṣasāṃ krūrakarmaṇām / (18.2)
Par.?
guṇo 'yaṃ prathamo nṝṇāṃ tanme śīlam arākṣasam // (18.3)
Par.?
na rame dāruṇenāhaṃ na cādharmeṇa vai rame / (19.1)
Par.?
bhrātrā viṣamaśīlena kathaṃ bhrātā nirasyate // (19.2)
Par.?
parasvānāṃ ca haraṇaṃ paradārābhimarśanam / (20.1)
Par.?
suhṛdām atiśaṅkā ca trayo doṣāḥ kṣayāvahāḥ // (20.2)
Par.?
maharṣīṇāṃ vadho ghoraḥ sarvadevaiśca vigrahaḥ / (21.1)
Par.?
abhimānaśca kopaśca vairitvaṃ pratikūlatā // (21.2)
Par.?
ete doṣā mama bhrātur jīvitaiśvaryanāśanāḥ / (22.1)
Par.?
guṇān pracchādayāmāsuḥ parvatān iva toyadāḥ // (22.2)
Par.?
doṣair etaiḥ parityakto mayā bhrātā pitā tava / (23.1)
Par.?
neyam asti purī laṅkā na ca tvaṃ na ca te pitā // (23.2)
Par.?
atimānī ca bālaśca durvinītaśca rākṣasa / (24.1)
Par.?
baddhastvaṃ kālapāśena brūhi māṃ yad yad icchasi // (24.2)
Par.?
adya te vyasanaṃ prāptaṃ kim iha tvaṃ tu vakṣyasi / (25.1)
Par.?
praveṣṭuṃ na tvayā śakyo nyagrodho rākṣasādhama // (25.2)
Par.?
dharṣayitvā tu kākutsthau na śakyaṃ jīvituṃ tvayā / (26.1)
Par.?
yudhyasva naradevena lakṣmaṇena raṇe saha / (26.2)
Par.?
hatastvaṃ devatākāryaṃ kariṣyasi yamakṣaye // (26.3)
Par.?
nidarśayasvātmabalaṃ samudyataṃ kuruṣva sarvāyudhasāyakavyayam / (27.1)
Par.?
na lakṣmaṇasyaitya hi bāṇagocaraṃ tvam adya jīvan sabalo gamiṣyasi // (27.2)
Par.?
Duration=0.087728977203369 secs.