Texts

vyāsa uvāca / (1.1) Par.?

dhṛtarāṣṭra mahāprājña nibodha vacanaṃ mama / (1.2) Par.?

vakṣyāmi tvā kauravāṇāṃ sarveṣāṃ hitam uttamam // (1.3) Par.?

na me priyaṃ mahābāho yad gatāḥ pāṇḍavā vanam / (2.1) Par.?

nikṛtyā nirjitāś caiva duryodhanavaśānugaiḥ // (2.2) Par.?

te smarantaḥ parikleśān varṣe pūrṇe trayodaśe / (3.1) Par.?

vimokṣyanti viṣaṃ kruddhāḥ kauraveyeṣu bhārata // (3.2) Par.?

tad ayaṃ kiṃ nu pāpātmā tava putraḥ sumandadhīḥ / (4.1) Par.?

pāṇḍavān nityasaṃkruddho rājyahetor jighāṃsati // (4.2) Par.?

vāryatāṃ sādhvayaṃ mūḍhaḥ śamaṃ gacchatu te sutaḥ / (5.1) Par.?

vanasthāṃs tān ayaṃ hantum icchan prāṇair vimokṣyate // (5.2) Par.?

yathāha viduraḥ prājño yathā bhīṣmo yathā vayam / (6.1) Par.?

yathā kṛpaś ca droṇaś ca tathā sādhu vidhīyatām // (6.2) Par.?

vigraho hi mahāprājña svajanena vigarhitaḥ / (7.1) Par.?

adharmyam ayaśasyaṃ ca mā rājan pratipadyathāḥ // (7.2) Par.?

samīkṣā yādṛśī hy asya pāṇḍavān prati bhārata / (8.1) Par.?

upekṣyamāṇā sā rājan mahāntam anayaṃ spṛśet // (8.2) Par.?

atha vāyaṃ sumandātmā vanaṃ gacchatu te sutaḥ / (9.1) Par.?

pāṇḍavaiḥ sahito rājann eka evāsahāyavān // (9.2) Par.?

tataḥ saṃsargajaḥ snehaḥ putrasya tava pāṇḍavaiḥ / (10.1) Par.?

yadi syāt kṛtakāryo 'dya bhaves tvaṃ manujeśvara // (10.2) Par.?

athavā jāyamānasya yacchīlam anujāyate / (11.1) Par.?

śrūyate tan mahārāja nāmṛtasyāpasarpati // (11.2) Par.?

kathaṃ vā manyate bhīṣmo droṇo vā viduro 'pi vā / (12.1) Par.?

bhavān vātra kṣamaṃ kāryaṃ purā cārtho 'tivartate // (12.2) Par.?