Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2470

Click on a sentence to show its analysis
Keep the mouse pointer over a lemma to show its meanings.

vāsudeva uvāca / (1.1) Par.?

tāṃ tūpayātvā rājendra śālvaḥ saubhapatis tadā / (1.2) Par.?

prabhūtanaranāgena balenopaviveśa ha // (1.3) Par.?

same niviṣṭā sā senā prabhūtasalilāśaye / (2.1) Par.?

caturaṅgabalopetā śālvarājābhipālitā // (2.2) Par.?

varjayitvā śmaśānāni devatāyatanāni ca / (3.1) Par.?

valmīkāṃś caiva caityāṃś ca tanniviṣṭam abhūd balam // (3.2) Par.?

anīkānāṃ vibhāgena panthānaḥ ṣaṭkṛtābhavan / (4.1) Par.?

pravaṇā nava caivāsañśālvasya śibire nṛpa // (4.2) Par.?

sarvāyudhasamopetaṃ sarvaśastraviśāradam / (5.1) Par.?

rathanāgāśvakalilaṃ padātidhvajasaṃkulam // (5.2) Par.?

tuṣṭapuṣṭajanopetaṃ vīralakṣaṇalakṣitam / (6.1) Par.?

vicitradhvajasaṃnāhaṃ vicitrarathakārmukam // (6.2) Par.?

saṃniveśya ca kauravya dvārakāyāṃ nararṣabha / (7.1) Par.?

abhisārayāmāsa tadā vegena patagendravat // (7.2) Par.?

tadāpatantaṃ saṃdṛśya balaṃ śālvapates tadā / (8.1) Par.?

niryāya yodhayāmāsuḥ kumārā vṛṣṇinandanāḥ // (8.2) Par.?

asahanto 'bhiyānaṃ tacchālvarājasya kaurava / (9.1) Par.?

cārudeṣṇaś ca sāmbaś ca pradyumnaś ca mahārathaḥ // (9.2) Par.?

te rathair daṃśitāḥ sarve vicitrābharaṇadhvajāḥ / (10.1) Par.?

saṃsaktāḥ śālvarājasya bahubhir yodhapuṃgavaiḥ // (10.2) Par.?

gṛhītvā tu dhanuḥ sāmbaḥ śālvasya sacivaṃ raṇe / (11.1) Par.?

yodhayāmāsa saṃhṛṣṭaḥ kṣemavṛddhiṃ camūpatim // (11.2) Par.?

tasya bāṇamayaṃ varṣaṃ jāmbavatyāḥ suto mahat / (12.1) Par.?

mumoca bharataśreṣṭha yathā varṣaṃ sahasradṛk // (12.2) Par.?

tad bāṇavarṣaṃ tumulaṃ viṣehe sa camūpatiḥ / (13.1) Par.?

kṣemavṛddhir mahārāja himavān iva niścalaḥ // (13.2) Par.?

tataḥ sāmbāya rājendra kṣemavṛddhir api sma ha / (14.1) Par.?

mumoca māyāvihitaṃ śarajālaṃ mahattaram // (14.2) Par.?

tato māyāmayaṃ jālaṃ māyayaiva vidārya saḥ / (15.1) Par.?

sāmbaḥ śarasahasreṇa ratham asyābhyavarṣata // (15.2) Par.?

tataḥ sa viddhaḥ sāmbena kṣemavṛddhiś camūpatiḥ / (16.1) Par.?

apāyāj javanair aśvaiḥ sāmbabāṇaprapīḍitaḥ // (16.2) Par.?

tasmin vipradrute krūre śālvasyātha camūpatau / (17.1) Par.?

vegavān nāma daiteyaḥ sutaṃ me 'bhyadravad balī // (17.2) Par.?

abhipannas tu rājendra sāmbo vṛṣṇikulodvahaḥ / (18.1) Par.?

vegaṃ vegavato rājaṃs tasthau vīro vidhārayan // (18.2) Par.?

sa vegavati kaunteya sāmbo vegavatīṃ gadām / (19.1) Par.?

cikṣepa tarasā vīro vyāvidhya satyavikramaḥ // (19.2) Par.?

tayā tvabhihato rājan vegavān apatad bhuvi / (20.1) Par.?

vātarugṇa iva kṣuṇṇo jīrṇamūlo vanaspatiḥ // (20.2) Par.?

tasmin nipatite vīre gadānunne mahāsure / (21.1) Par.?

praviśya mahatīṃ senāṃ yodhayāmāsa me sutaḥ // (21.2) Par.?

cārudeṣṇena saṃsakto vivindhyo nāma dānavaḥ / (22.1) Par.?

mahārathaḥ samājñāto mahārāja mahādhanuḥ // (22.2) Par.?

tataḥ sutumulaṃ yuddhaṃ cārudeṣṇavivindhyayoḥ / (23.1) Par.?

vṛtravāsavayo rājan yathā pūrvaṃ tathābhavat // (23.2) Par.?

anyonyasyābhisaṃkruddhāvanyonyaṃ jaghnatuḥ śaraiḥ / (24.1) Par.?

vinadantau mahārāja siṃhāviva mahābalau // (24.2) Par.?

raukmiṇeyas tato bāṇam agnyarkopamavarcasam / (25.1) Par.?

abhimantrya mahāstreṇa saṃdadhe śatrunāśanam // (25.2) Par.?

sa vivindhyāya sakrodhaḥ samāhūya mahārathaḥ / (26.1) Par.?

cikṣepa me suto rājan sa gatāsur athāpatat // (26.2) Par.?

vivindhyaṃ nihataṃ dṛṣṭvā tāṃ ca vikṣobhitāṃ camūm / (27.1) Par.?

kāmagena sa saubhena śālvaḥ punar upāgamat // (27.2) Par.?

tato vyākulitaṃ sarvaṃ dvārakāvāsi tad balam / (28.1) Par.?

dṛṣṭvā śālvaṃ mahābāho saubhasthaṃ pṛthivīgatam // (28.2) Par.?

tato niryāya kaunteya vyavasthāpya ca tad balam / (29.1) Par.?

ānartānāṃ mahārāja pradyumno vākyam abravīt // (29.2) Par.?

sarve bhavantas tiṣṭhantu sarve paśyantu māṃ yudhi / (30.1) Par.?

nivārayantaṃ saṃgrāme balāt saubhaṃ sarājakam // (30.2) Par.?

ahaṃ saubhapateḥ senām āyasair bhujagair iva / (31.1) Par.?

dhanurbhujavinirmuktair nāśayāmyadya yādavāḥ // (31.2) Par.?

āśvasadhvaṃ na bhīḥ kāryā saubharāḍ adya naśyati / (32.1) Par.?

mayābhipanno duṣṭātmā sasaubho vinaśiṣyati // (32.2) Par.?

evaṃ bruvati saṃhṛṣṭe pradyumne pāṇḍunandana / (33.1) Par.?

viṣṭhitaṃ tad balaṃ vīra yuyudhe ca yathāsukham // (33.2) Par.?

Duration=0.1125431060791 secs.