UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2527
- Click on a sentence to show its analysis
- Keep the mouse pointer over a lemma to show its meanings.
vaiśampāyana uvāca / (1.1)
Par.?
tato devāḥ sagandharvāḥ samādāyārghyam uttamam / (1.2)
Par.?
śakrasya matam ājñāya pārtham ānarcur añjasā // (1.3)
Par.?
pādyam ācamanīyaṃ ca pratigrāhya nṛpātmajam / (2.1) Par.?
praveśayāmāsur atho puraṃdaraniveśanam // (2.2)
Par.?
evaṃ sampūjito jiṣṇur uvāsa bhavane pituḥ / (3.1)
Par.?
upaśikṣan mahāstrāṇi sasaṃhārāṇi pāṇḍavaḥ // (3.2)
Par.?
śakrasya hastād dayitaṃ vajram astraṃ durutsaham / (4.1)
Par.?
aśanīś ca mahānādā meghabarhiṇalakṣaṇāḥ // (4.2)
Par.?
gṛhītāstras tu kaunteyo bhrātṝn sasmāra pāṇḍavaḥ / (5.1)
Par.?
puraṃdaraniyogācca pañcābdam avasat sukhī // (5.2)
Par.?
tataḥ śakro 'bravīt pārthaṃ kṛtāstraṃ kāla āgate / (6.1)
Par.?
nṛttaṃ gītaṃ ca kaunteya citrasenād avāpnuhi // (6.2)
Par.?
vāditraṃ devavihitaṃ nṛloke yanna vidyate / (7.1)
Par.?
tad arjayasva kaunteya śreyo vai te bhaviṣyati // (7.2)
Par.?
sakhāyaṃ pradadau cāsya citrasenaṃ puraṃdaraḥ / (8.1)
Par.?
sa tena saha saṃgamya reme pārtho nirāmayaḥ // (8.2)
Par.?
kadācid aṭamānas tu maharṣir uta lomaśaḥ / (9.1)
Par.?
jagāma śakrabhavanaṃ puraṃdaradidṛkṣayā // (9.2)
Par.?
sa sametya namaskṛtya devarājaṃ mahāmuniḥ / (10.1)
Par.?
dadarśārdhāsanagataṃ pāṇḍavaṃ vāsavasya ha // (10.2)
Par.?
tataḥ śakrābhyanujñāta āsane viṣṭarottare / (11.1)
Par.?
niṣasāda dvijaśreṣṭhaḥ pūjyamāno maharṣibhiḥ // (11.2)
Par.?
tasya dṛṣṭvābhavad buddhiḥ pārtham indrāsane sthitam / (12.1)
Par.?
kathaṃ nu kṣatriyaḥ pārthaḥ śakrāsanam avāptavān // (12.2)
Par.?
kiṃ tvasya sukṛtaṃ karma lokā vā ke vinirjitāḥ / (13.1)
Par.?
ya evam upasaṃprāptaḥ sthānaṃ devanamaskṛtam // (13.2)
Par.?
tasya vijñāya saṃkalpaṃ śakro vṛtraniṣūdanaḥ / (14.1)
Par.?
lomaśaṃ prahasan vākyam idam āha śacīpatiḥ // (14.2)
Par.?
brahmarṣe śrūyatāṃ yat te manasaitad vivakṣitam / (15.1)
Par.?
nāyaṃ kevalamartyo vai kṣatriyatvam upāgataḥ // (15.2)
Par.?
maharṣe mama putro 'yaṃ kuntyāṃ jāto mahābhujaḥ / (16.1)
Par.?
astrahetor iha prāptaḥ kasmāccit kāraṇāntarāt // (16.2)
Par.?
aho nainaṃ bhavān vetti purāṇam ṛṣisattamam / (17.1)
Par.?
śṛṇu me vadato brahman yo 'yaṃ yaccāsya kāraṇam // (17.2)
Par.?
naranārāyaṇau yau tau purāṇāvṛṣisattamau / (18.1)
Par.?
tāvimāvabhijānīhi hṛṣīkeśadhanaṃjayau // (18.2)
Par.?
yanna śakyaṃ surair draṣṭum ṛṣibhir vā mahātmabhiḥ / (19.1)
Par.?
tad āśramapadaṃ puṇyaṃ badarī nāma viśrutam // (19.2)
Par.?
sa nivāso 'bhavad vipra viṣṇor jiṣṇostathaiva ca / (20.1)
Par.?
yataḥ pravavṛte gaṅgā siddhacāraṇasevitā // (20.2)
Par.?
tau manniyogād brahmarṣe kṣitau jātau mahādyutī / (21.1)
Par.?
bhūmer bhārāvataraṇaṃ mahāvīryau kariṣyataḥ // (21.2)
Par.?
udvṛttā hyasurāḥ kecinnivātakavacā iti / (22.1)
Par.?
vipriyeṣu sthitāsmākaṃ varadānena mohitāḥ // (22.2)
Par.?
tarkayante surān hantuṃ baladarpasamanvitāḥ / (23.1)
Par.?
devān na gaṇayante ca tathā dattavarā hi te // (23.2)
Par.?
pātālavāsino raudrā danoḥ putrā mahābalāḥ / (24.1)
Par.?
sarve devanikāyā hi nālaṃ yodhayituṃ sma tān // (24.2)
Par.?
yo 'sau bhūmigataḥ śrīmān viṣṇur madhuniṣūdanaḥ / (25.1)
Par.?
kapilo nāma devo 'sau bhagavān ajito hariḥ // (25.2)
Par.?
yena pūrvaṃ mahātmānaḥ khanamānā rasātalam / (26.1)
Par.?
darśanād eva nihatāḥ sagarasyātmajā vibho // (26.2)
Par.?
tena kāryaṃ mahat kāryam asmākaṃ dvijasattama / (27.1)
Par.?
pārthena ca mahāyuddhe sametābhyām asaṃśayam // (27.2)
Par.?
ayaṃ teṣāṃ samastānāṃ śaktaḥ pratisamāsane / (28.1)
Par.?
tān nihatya raṇe śūraḥ punar yāsyati mānuṣān // (28.2)
Par.?
bhavāṃścāsmanniyogena yātu tāvanmahītalam / (29.1)
Par.?
kāmyake drakṣyase vīraṃ nivasantaṃ yudhiṣṭhiram // (29.2)
Par.?
sa vācyo mama saṃdeśād dharmātmā satyasaṃgaraḥ / (30.1)
Par.?
notkaṇṭhā phalgune kāryā kṛtāstraḥ śīghram eṣyati // (30.2)
Par.?
nāśuddhabāhuvīryeṇa nākṛtāstreṇa vā raṇe / (31.1)
Par.?
bhīṣmadroṇādayo yuddhe śakyāḥ pratisamāsitum // (31.2)
Par.?
gṛhītāstro guḍākeśo mahābāhur mahāmanāḥ / (32.1)
Par.?
nṛttavāditragītānāṃ divyānāṃ pāram eyivān // (32.2)
Par.?
bhavān api viviktāni tīrthāni manujeśvara / (33.1)
Par.?
bhrātṛbhiḥ sahitaḥ sarvair draṣṭum arhatyariṃdama // (33.2)
Par.?
tīrtheṣvāplutya puṇyeṣu vipāpmā vigatajvaraḥ / (34.1)
Par.?
rājyaṃ bhokṣyasi rājendra sukhī vigatakalmaṣaḥ // (34.2)
Par.?
bhavāṃś cainaṃ dvijaśreṣṭha paryaṭantaṃ mahītale / (35.1)
Par.?
trātum arhati viprāgrya tapobalasamanvitaḥ // (35.2)
Par.?
giridurgeṣu hi sadā deśeṣu viṣameṣu ca / (36.1)
Par.?
vasanti rākṣasā raudrās tebhyo rakṣet sadā bhavān // (36.2)
Par.?
sa tatheti pratijñāya lomaśaḥ sumahātapāḥ / (37.1)
Par.?
kāmyakaṃ vanam uddiśya samupāyān mahītalam // (37.2)
Par.?
dadarśa tatra kaunteyaṃ dharmarājam ariṃdamam / (38.1)
Par.?
tāpasair bhrātṛbhiś caiva sarvataḥ parivāritam // (38.2)
Par.?
Duration=0.24030590057373 secs.