Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5673

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

tatastṛtīye divase bhrātaraḥ pañca pāṇḍavāḥ / (1.2) Par.?

snātāḥ śuklāmbaradharāḥ samaye caritavratāḥ // (1.3) Par.?

yudhiṣṭhiraṃ puraskṛtya sarvābharaṇabhūṣitāḥ / (2.1) Par.?

abhipadmā yathā nāgā bhrājamānā mahārathāḥ // (2.2) Par.?

virāṭasya sabhāṃ gatvā bhūmipālāsaneṣvatha / (3.1) Par.?

niṣeduḥ pāvakaprakhyāḥ sarve dhiṣṇyeṣv ivāgnayaḥ // (3.2) Par.?

teṣu tatropaviṣṭeṣu virāṭaḥ pṛthivīpatiḥ / (4.1) Par.?

ājagāma sabhāṃ kartuṃ rājakāryāṇi sarvaśaḥ // (4.2) Par.?

śrīmataḥ pāṇḍavān dṛṣṭvā jvalataḥ pāvakān iva / (5.1) Par.?

atha matsyo 'bravīt kaṅkaṃ devarūpam avasthitam / (5.2) Par.?

marudgaṇair upāsīnaṃ tridaśānām iveśvaram // (5.3) Par.?

sa kilākṣātivāpas tvaṃ sabhāstāro mayā kṛtaḥ / (6.1) Par.?

atha rājāsane kasmād upaviṣṭo 'syalaṃkṛtaḥ // (6.2) Par.?

parihāsepsayā vākyaṃ virāṭasya niśamya tat / (7.1) Par.?

smayamāno 'rjuno rājann idaṃ vacanam abravīt // (7.2) Par.?

indrasyāpyāsanaṃ rājann ayam āroḍhum arhati / (8.1) Par.?

brahmaṇyaḥ śrutavāṃstyāgī yajñaśīlo dṛḍhavrataḥ // (8.2) Par.?

ayaṃ kurūṇām ṛṣabhaḥ kuntīputro yudhiṣṭhiraḥ / (9.1) Par.?

asya kīrtiḥ sthitā loke sūryasyevodyataḥ prabhā // (9.2) Par.?

saṃsaranti diśaḥ sarvā yaśaso 'sya gabhastayaḥ / (10.1) Par.?

uditasyeva sūryasya tejaso 'nu gabhastayaḥ // (10.2) Par.?

enaṃ daśa sahasrāṇi kuñjarāṇāṃ tarasvinām / (11.1) Par.?

anvayuḥ pṛṣṭhato rājan yāvad adhyāvasat kurūn // (11.2) Par.?

triṃśad enaṃ sahasrāṇi rathāḥ kāñcanamālinaḥ / (12.1) Par.?

sadaśvair upasaṃpannāḥ pṛṣṭhato 'nuyayuḥ sadā // (12.2) Par.?

enam aṣṭaśatāḥ sūtāḥ sumṛṣṭamaṇikuṇḍalāḥ / (13.1) Par.?

astuvanmāgadhaiḥ sārdhaṃ purā śakram ivarṣayaḥ // (13.2) Par.?

enaṃ nityam upāsanta kuravaḥ kiṃkarā yathā / (14.1) Par.?

sarve ca rājan rājāno dhaneśvaram ivāmarāḥ // (14.2) Par.?

eṣa sarvānmahīpālān karam āhārayat tadā / (15.1) Par.?

vaiśyān iva mahārāja vivaśān svavaśān api // (15.2) Par.?

aṣṭāśītisahasrāṇi snātakānāṃ mahātmanām / (16.1) Par.?

upajīvanti rājānam enaṃ sucaritavratam // (16.2) Par.?

eṣa vṛddhān anāthāṃśca vyaṅgān paṅgūṃśca mānavān / (17.1) Par.?

putravat pālayāmāsa prajā dharmeṇa cābhibho // (17.2) Par.?

eṣa dharme dame caiva krodhe cāpi yatavrataḥ / (18.1) Par.?

mahāprasādo brahmaṇyaḥ satyavādī ca pārthivaḥ // (18.2) Par.?

śrīpratāpena caitasya tapyate sa suyodhanaḥ / (19.1) Par.?

sagaṇaḥ saha karṇena saubalenāpi vā vibhuḥ // (19.2) Par.?

na śakyante hyasya guṇāḥ prasaṃkhyātuṃ nareśvara / (20.1) Par.?

eṣa dharmaparo nityam ānṛśaṃsyaśca pāṇḍavaḥ // (20.2) Par.?

evaṃyukto mahārājaḥ pāṇḍavaḥ pārthivarṣabhaḥ / (21.1) Par.?

kathaṃ nārhati rājārham āsanaṃ pṛthivīpatiḥ // (21.2) Par.?

Duration=0.071388959884644 secs.