Texts

Help

Select a text:
Bibliography

Select a chapter:
(no revisions)

Associated topic(s): war

Show parallels Show headlines
Use dependency labeler

Chapter id: 9009

Click on a sentence to show its analysis
Keep the mouse pointer over a lemma to show its meanings.

saṃjaya uvāca / (1.1) Par.?

duryodhano mahārāja dhṛṣṭadyumnaśca pārṣataḥ / (1.2) Par.?

cakratuḥ sumahad yuddhaṃ śaraśaktisamākulam // (1.3) Par.?

tayor āsanmahārāja śaradhārāḥ sahasraśaḥ / (2.1) Par.?

ambudānāṃ yathā kāle jaladhārāḥ samantataḥ // (2.2) Par.?

rājā tu pārṣataṃ viddhvā śaraiḥ pañcabhir āyasaiḥ / (3.1) Par.?

droṇahantāram ugreṣuḥ punar vivyādha saptabhiḥ // (3.2) Par.?

dhṛṣṭadyumnastu samare balavān dṛḍhavikramaḥ / (4.1) Par.?

saptatyā viśikhānāṃ vai duryodhanam apīḍayat // (4.2) Par.?

pīḍitaṃ prekṣya rājānaṃ sodaryā bharatarṣabha / (5.1) Par.?

mahatyā senayā sārdhaṃ parivavruḥ sma pārṣatam // (5.2) Par.?

sa taiḥ parivṛtaḥ śūraiḥ sarvato 'tirathair bhṛśam / (6.1) Par.?

vyacarat samare rājan darśayan hastalāghavam // (6.2) Par.?

śikhaṇḍī kṛtavarmāṇaṃ gautamaṃ ca mahāratham / (7.1) Par.?

prabhadrakaiḥ samāyukto yodhayāmāsa dhanvinau // (7.2) Par.?

tatrāpi sumahad yuddhaṃ ghorarūpaṃ viśāṃ pate / (8.1) Par.?

prāṇān saṃtyajatāṃ yuddhe prāṇadyūtābhidevane // (8.2) Par.?

śalyastu śaravarṣāṇi vimuñcan sarvatodiśam / (9.1) Par.?

pāṇḍavān pīḍayāmāsa sasātyakivṛkodarān // (9.2) Par.?

tathobhau ca yamau yuddhe yamatulyaparākramau / (10.1) Par.?

yodhayāmāsa rājendra vīryeṇa ca balena ca // (10.2) Par.?

śalyasāyakanunnānāṃ pāṇḍavānāṃ mahāmṛdhe / (11.1) Par.?

trātāraṃ nādhyagacchanta kecit tatra mahārathāḥ // (11.2) Par.?

tatastu nakulaḥ śūro dharmarāje prapīḍite / (12.1) Par.?

abhidudrāva vegena mātulaṃ mādrinandanaḥ // (12.2) Par.?

saṃchādya samare śalyaṃ nakulaḥ paravīrahā / (13.1) Par.?

vivyādha cainaṃ daśabhiḥ smayamānaḥ stanāntare // (13.2) Par.?

sarvapāraśavair bāṇaiḥ karmāraparimārjitaiḥ / (14.1) Par.?

svarṇapuṅkhaiḥ śilādhautair dhanuryantrapracoditaiḥ // (14.2) Par.?

śalyastu pīḍitastena svasrīyeṇa mahātmanā / (15.1) Par.?

nakulaṃ pīḍayāmāsa patribhir nataparvabhiḥ // (15.2) Par.?

tato yudhiṣṭhiro rājā bhīmaseno 'tha sātyakiḥ / (16.1) Par.?

sahadevaśca mādreyo madrarājam upādravan // (16.2) Par.?

tān āpatata evāśu pūrayānān rathasvanaiḥ / (17.1) Par.?

diśaśca pradiśaścaiva kampayānāṃśca medinīm / (17.2) Par.?

pratijagrāha samare senāpatir amitrajit // (17.3) Par.?

yudhiṣṭhiraṃ tribhir viddhvā bhīmasenaṃ ca saptabhiḥ / (18.1) Par.?

sātyakiṃ ca śatenājau sahadevaṃ tribhiḥ śaraiḥ // (18.2) Par.?

tatastu saśaraṃ cāpaṃ nakulasya mahātmanaḥ / (19.1) Par.?

madreśvaraḥ kṣurapreṇa tadā cicheda māriṣa / (19.2) Par.?

tad aśīryata vicchinnaṃ dhanuḥ śalyasya sāyakaiḥ // (19.3) Par.?

athānyad dhanur ādāya mādrīputro mahārathaḥ / (20.1) Par.?

madrarājarathaṃ tūrṇaṃ pūrayāmāsa patribhiḥ // (20.2) Par.?

yudhiṣṭhirastu madreśaṃ sahadevaśca māriṣa / (21.1) Par.?

daśabhir daśabhir bāṇair urasyenam avidhyatām // (21.2) Par.?

bhīmasenastataḥ ṣaṣṭyā sātyakir navabhiḥ śaraiḥ / (22.1) Par.?

madrarājam abhidrutya jaghnatuḥ kaṅkapatribhiḥ // (22.2) Par.?

madrarājastataḥ kruddhaḥ sātyakiṃ navabhiḥ śaraiḥ / (23.1) Par.?

vivyādha bhūyaḥ saptatyā śarāṇāṃ nataparvaṇām // (23.2) Par.?

athāsya saśaraṃ cāpaṃ muṣṭau cicheda māriṣa / (24.1) Par.?

hayāṃśca caturaḥ saṃkhye preṣayāmāsa mṛtyave // (24.2) Par.?

virathaṃ sātyakiṃ kṛtvā madrarājo mahābalaḥ / (25.1) Par.?

viśikhānāṃ śatenainam ājaghāna samantataḥ // (25.2) Par.?

mādrīputrau tu saṃrabdhau bhīmasenaṃ ca pāṇḍavam / (26.1) Par.?

yudhiṣṭhiraṃ ca kauravya vivyādha daśabhiḥ śaraiḥ // (26.2) Par.?

tatrādbhutam apaśyāma madrarājasya pauruṣam / (27.1) Par.?

yad enaṃ sahitāḥ pārthā nābhyavartanta saṃyuge // (27.2) Par.?

athānyaṃ ratham āsthāya sātyakiḥ satyavikramaḥ / (28.1) Par.?

pīḍitān pāṇḍavān dṛṣṭvā madrarājavaśaṃ gatān / (28.2) Par.?

abhidudrāva vegena madrāṇām adhipaṃ balī // (28.3) Par.?

āpatantaṃ rathaṃ tasya śalyaḥ samitiśobhanaḥ / (29.1) Par.?

pratyudyayau rathenaiva matto mattam iva dvipam // (29.2) Par.?

sa saṃnipātastumulo babhūvādbhutadarśanaḥ / (30.1) Par.?

sātyakeścaiva śūrasya madrāṇām adhipasya ca / (30.2) Par.?

yādṛśo vai purā vṛttaḥ śambarāmararājayoḥ // (30.3) Par.?

sātyakiḥ prekṣya samare madrarājaṃ vyavasthitam / (31.1) Par.?

vivyādha daśabhir bāṇais tiṣṭha tiṣṭheti cābravīt // (31.2) Par.?

madrarājastu subhṛśaṃ viddhastena mahātmanā / (32.1) Par.?

sātyakiṃ prativivyādha citrapuṅkhaiḥ śitaiḥ śaraiḥ // (32.2) Par.?

tataḥ pārthā maheṣvāsāḥ sātvatābhisṛtaṃ nṛpam / (33.1) Par.?

abhyadravan rathaistūrṇaṃ mātulaṃ vadhakāmyayā // (33.2) Par.?

tata āsīt parāmardastumulaḥ śoṇitodakaḥ / (34.1) Par.?

śūrāṇāṃ yudhyamānānāṃ siṃhānām iva nardatām // (34.2) Par.?

teṣām āsīnmahārāja vyatikṣepaḥ parasparam / (35.1) Par.?

siṃhānām āmiṣepsūnāṃ kūjatām iva saṃyuge // (35.2) Par.?

teṣāṃ bāṇasahasraughair ākīrṇā vasudhābhavat / (36.1) Par.?

antarikṣaṃ ca sahasā bāṇabhūtam abhūt tadā // (36.2) Par.?

śarāndhakāraṃ bahudhā kṛtaṃ tatra samantataḥ / (37.1) Par.?

abhracchāyeva saṃjajñe śarair muktair mahātmabhiḥ // (37.2) Par.?

tatra rājañ śarair muktair nirmuktair iva pannagaiḥ / (38.1) Par.?

svarṇapuṅkhaiḥ prakāśadbhir vyarocanta diśastathā // (38.2) Par.?

tatrādbhutaṃ paraṃ cakre śalyaḥ śatrunibarhaṇaḥ / (39.1) Par.?

yad ekaḥ samare śūro yodhayāmāsa vai bahūn // (39.2) Par.?

madrarājabhujotsṛṣṭaiḥ kaṅkabarhiṇavājitaiḥ / (40.1) Par.?

saṃpatadbhiḥ śarair ghorair avākīryata medinī // (40.2) Par.?

tatra śalyarathaṃ rājan vicarantaṃ mahāhave / (41.1) Par.?

apaśyāma yathā pūrvaṃ śakrasyāsurasaṃkṣaye // (41.2) Par.?

Duration=0.16040802001953 secs.