Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6013

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

tūṣṇīṃbhūtaṃ tu rājānaṃ punar evārjuno 'bravīt / (1.2) Par.?

saṃtaptaḥ śokaduḥkhābhyāṃ rājño vākśalyapīḍitaḥ // (1.3) Par.?

kathayanti purāvṛttam itihāsam imaṃ janāḥ / (2.1) Par.?

videharājñaḥ saṃvādaṃ bhāryayā saha bhārata // (2.2) Par.?

utsṛjya rājyaṃ bhaikṣārthaṃ kṛtabuddhiṃ janeśvaram / (3.1) Par.?

videharājaṃ mahiṣī duḥkhitā pratyabhāṣata // (3.2) Par.?

dhanānyapatyaṃ mitrāṇi ratnāni vividhāni ca / (4.1) Par.?

panthānaṃ pāvanaṃ hitvā janako mauṇḍyam āsthitaḥ // (4.2) Par.?

taṃ dadarśa priyā bhāryā bhaikṣyavṛttim akiṃcanam / (5.1) Par.?

dhānāmuṣṭim upāsīnaṃ nirīhaṃ gatamatsaram // (5.2) Par.?

tam uvāca samāgamya bhartāram akutobhayam / (6.1) Par.?

kruddhā manasvinī bhāryā vivikte hetumad vacaḥ // (6.2) Par.?

katham utsṛjya rājyaṃ svaṃ dhanadhānyasamācitam / (7.1) Par.?

kāpālīṃ vṛttim āsthāya dhānāmuṣṭir vane 'caraḥ // (7.2) Par.?

pratijñā te 'nyathā rājan viceṣṭā cānyathā tava / (8.1) Par.?

yad rājyaṃ mahad utsṛjya svalpe tuṣyasi pārthiva // (8.2) Par.?

naitenātithayo rājan devarṣipitarastathā / (9.1) Par.?

śakyam adya tvayā bhartuṃ moghaste 'yaṃ pariśramaḥ // (9.2) Par.?

devatātithibhiścaiva pitṛbhiścaiva pārthiva / (10.1) Par.?

sarvair etaiḥ parityaktaḥ parivrajasi niṣkriyaḥ // (10.2) Par.?

yastvaṃ traividyavṛddhānāṃ brāhmaṇānāṃ sahasraśaḥ / (11.1) Par.?

bhartā bhūtvā ca lokasya so 'dyānyair bhṛtim icchasi // (11.2) Par.?

śriyaṃ hitvā pradīptāṃ tvaṃ śvavat saṃprati vīkṣyase / (12.1) Par.?

aputrā jananī te 'dya kausalyā cāpatistvayā // (12.2) Par.?

aśītir dharmakāmāstvāṃ kṣatriyāḥ paryupāsate / (13.1) Par.?

tvadāśām abhikāṅkṣantyaḥ kṛpaṇāḥ phalahetukāḥ // (13.2) Par.?

tāśca tvaṃ viphalāḥ kurvan kāṃl lokānnu gamiṣyasi / (14.1) Par.?

rājan saṃśayite mokṣe paratantreṣu dehiṣu // (14.2) Par.?

naiva te 'sti paro loko nāparaḥ pāpakarmaṇaḥ / (15.1) Par.?

dharmyān dārān parityajya yastvam icchasi jīvitum // (15.2) Par.?

srajo gandhān alaṃkārān vāsāṃsi vividhāni ca / (16.1) Par.?

kimartham abhisaṃtyajya parivrajasi niṣkriyaḥ // (16.2) Par.?

nipānaṃ sarvabhūtānāṃ bhūtvā tvaṃ pāvanaṃ mahat / (17.1) Par.?

āḍhyo vanaspatir bhūtvā so 'dyānyān paryupāsase // (17.2) Par.?

khādanti hastinaṃ nyāse kravyādā bahavo 'pyuta / (18.1) Par.?

bahavaḥ kṛmayaścaiva kiṃ punastvām anarthakam // (18.2) Par.?

ya imāṃ kuṇḍikāṃ bhindyāt triviṣṭabdhaṃ ca te haret / (19.1) Par.?

vāsaścāpaharet tasmin kathaṃ te mānasaṃ bhavet // (19.2) Par.?

yastvayaṃ sarvam utsṛjya dhānāmuṣṭiparigrahaḥ / (20.1) Par.?

yadānena samaṃ sarvaṃ kim idaṃ mama dīyate / (20.2) Par.?

dhānāmuṣṭir ihārthaścet pratijñā te vinaśyati // (20.3) Par.?

kā vāhaṃ tava ko me tvaṃ ko 'dya te mayyanugrahaḥ / (21.1) Par.?

praśādhi pṛthivīṃ rājan yatra te 'nugraho bhavet / (21.2) Par.?

prāsādaṃ śayanaṃ yānaṃ vāsāṃsyābharaṇāni ca // (21.3) Par.?

śriyā nirāśair adhanaistyaktamitrair akiṃcanaiḥ / (22.1) Par.?

saukhikaiḥ saṃbhṛtān arthān yaḥ saṃtyajasi kiṃ nu tat // (22.2) Par.?

yo 'tyantaṃ pratigṛhṇīyād yaśca dadyāt sadaiva hi / (23.1) Par.?

tayostvam antaraṃ viddhi śreyāṃstābhyāṃ ka ucyate // (23.2) Par.?

sadaiva yācamāneṣu satsu dambhavivarjiṣu / (24.1) Par.?

eteṣu dakṣiṇā dattā dāvāgnāviva durhutam // (24.2) Par.?

jātavedā yathā rājann ādagdhvaivopaśāmyati / (25.1) Par.?

sadaiva yācamāno vai tathā śāmyati na dvijaḥ // (25.2) Par.?

satāṃ ca vedā annaṃ ca loke 'smin prakṛtir dhruvā / (26.1) Par.?

na ced dātā bhaved dātā kutaḥ syur mokṣakāṅkṣiṇaḥ // (26.2) Par.?

annād gṛhasthā loke 'smin bhikṣavastata eva ca / (27.1) Par.?

annāt prāṇaḥ prabhavati annadaḥ prāṇado bhavet // (27.2) Par.?

gṛhasthebhyo 'bhinirvṛttā gṛhasthān eva saṃśritāḥ / (28.1) Par.?

prabhavaṃ ca pratiṣṭhāṃ ca dāntā nindanta āsate // (28.2) Par.?

tyāgānna bhikṣukaṃ vidyānna mauṇḍyānna ca yācanāt / (29.1) Par.?

ṛjustu yo 'rthaṃ tyajati taṃ sukhaṃ viddhi bhikṣukam // (29.2) Par.?

asaktaḥ saktavad gacchanniḥsaṅgo muktabandhanaḥ / (30.1) Par.?

samaḥ śatrau ca mitre ca sa vai mukto mahīpate // (30.2) Par.?

parivrajanti dānārthaṃ muṇḍāḥ kāṣāyavāsasaḥ / (31.1) Par.?

sitā bahuvidhaiḥ pāśaiḥ saṃcinvanto vṛthāmiṣam // (31.2) Par.?

trayīṃ ca nāma vārtāṃ ca tyaktvā putrāṃstyajanti ye / (32.1) Par.?

triviṣṭabdhaṃ ca vāsaśca pratigṛhṇantyabuddhayaḥ // (32.2) Par.?

aniṣkaṣāye kāṣāyam īhārtham iti viddhi tat / (33.1) Par.?

dharmadhvajānāṃ muṇḍānāṃ vṛttyartham iti me matiḥ // (33.2) Par.?

kāṣāyair ajinaiścīrair nagnānmuṇḍāñ jaṭādharān / (34.1) Par.?

bibhrat sādhūnmahārāja jaya lokāñ jitendriyaḥ // (34.2) Par.?

agnyādheyāni gurvarthān kratūn sapaśudakṣiṇān / (35.1) Par.?

dadātyaharahaḥ pūrvaṃ ko nu dharmatarastataḥ // (35.2) Par.?

tattvajño janako rājā loke 'sminn iti gīyate / (36.1) Par.?

so 'pyāsīnmohasampanno mā mohavaśam anvagāḥ // (36.2) Par.?

evaṃ dharmam anukrāntaṃ sadā dānaparair naraiḥ / (37.1) Par.?

ānṛśaṃsyaguṇopetaiḥ kāmakrodhavivarjitāḥ // (37.2) Par.?

pālayantaḥ prajāścaiva dānam uttamam āsthitāḥ / (38.1) Par.?

iṣṭāṃl lokān avāpsyāmo brahmaṇyāḥ satyavādinaḥ // (38.2) Par.?

Duration=0.86682319641113 secs.