Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6259

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

kathaṃ bhavati pāpātmā kathaṃ dharmaṃ karoti vā / (1.2) Par.?

kena nirvedam ādatte mokṣaṃ vā kena gacchati // (1.3) Par.?

bhīṣma uvāca / (2.1) Par.?

viditāḥ sarvadharmāste sthityartham anupṛcchasi / (2.2) Par.?

śṛṇu mokṣaṃ sanirvedaṃ pāpaṃ dharmaṃ ca mūlataḥ // (2.3) Par.?

vijñānārthaṃ hi pañcānām icchā pūrvaṃ pravartate / (3.1) Par.?

prāpya tāñ jāyate kāmo dveṣo vā bharatarṣabha // (3.2) Par.?

tatastadarthaṃ yatate karma cārabhate punaḥ / (4.1) Par.?

iṣṭānāṃ rūpagandhānām abhyāsaṃ ca cikīrṣati // (4.2) Par.?

tato rāgaḥ prabhavati dveṣaśca tadanantaram / (5.1) Par.?

tato lobhaḥ prabhavati mohaśca tadanantaram // (5.2) Par.?

lobhamohābhibhūtasya rāgadveṣānvitasya ca / (6.1) Par.?

na dharme jāyate buddhir vyājād dharmaṃ karoti ca // (6.2) Par.?

vyājena carato dharmam arthavyājo 'pi rocate / (7.1) Par.?

vyājena sidhyamāneṣu dhaneṣu kurunandana // (7.2) Par.?

tatraiva kurute buddhiṃ tataḥ pāpaṃ cikīrṣati / (8.1) Par.?

suhṛdbhir vāryamāṇo 'pi paṇḍitaiścāpi bhārata // (8.2) Par.?

uttaraṃ nyāyasambaddhaṃ bravīti vidhiyojitam / (9.1) Par.?

adharmastrividhastasya vardhate rāgamohajaḥ // (9.2) Par.?

pāpaṃ cintayate caiva prabravīti karoti ca / (10.1) Par.?

tasyādharmapravṛttasya doṣān paśyanti sādhavaḥ // (10.2) Par.?

ekaśīlāśca mitratvaṃ bhajante pāpakarmiṇaḥ / (11.1) Par.?

sa neha sukham āpnoti kuta eva paratra vai // (11.2) Par.?

evaṃ bhavati pāpātmā dharmātmānaṃ tu me śṛṇu / (12.1) Par.?

yathā kuśaladharmā sa kuśalaṃ pratipadyate // (12.2) Par.?

ya etān prajñayā doṣān pūrvam evānupaśyati / (13.1) Par.?

kuśalaḥ sukhaduḥkhānāṃ sādhūṃścāpyupasevate // (13.2) Par.?

tasya sādhusamācārād abhyāsāccaiva vardhate / (14.1) Par.?

prajñā dharme ca ramate dharmaṃ caivopajīvati // (14.2) Par.?

so 'tha dharmād avāpteṣu dhaneṣu kurute manaḥ / (15.1) Par.?

tasyaiva siñcate mūlaṃ guṇān paśyati yatra vai // (15.2) Par.?

dharmātmā bhavati hyevaṃ mitraṃ ca labhate śubham / (16.1) Par.?

sa mitradhanalābhāt tu pretya ceha ca nandati // (16.2) Par.?

śabde sparśe tathā rūpe rase gandhe ca bhārata / (17.1) Par.?

prabhutvaṃ labhate jantur dharmasyaitat phalaṃ viduḥ // (17.2) Par.?

sa dharmasya phalaṃ labdhvā na tṛpyati yudhiṣṭhira / (18.1) Par.?

atṛpyamāṇo nirvedam ādatte jñānacakṣuṣā // (18.2) Par.?

prajñācakṣur yadā kāme doṣam evānupaśyati / (19.1) Par.?

virajyate tadā kāmānna ca dharmaṃ vimuñcati // (19.2) Par.?

sarvatyāge ca yatate dṛṣṭvā lokaṃ kṣayātmakam / (20.1) Par.?

tato mokṣāya yatate nānupāyād upāyataḥ // (20.2) Par.?

śanair nirvedam ādatte pāpaṃ karma jahāti ca / (21.1) Par.?

dharmātmā caiva bhavati mokṣaṃ ca labhate param // (21.2) Par.?

etat te kathitaṃ tāta yanmāṃ tvaṃ paripṛcchasi / (22.1) Par.?

pāpaṃ dharmaṃ tathā mokṣaṃ nirvedaṃ caiva bhārata // (22.2) Par.?

tasmād dharme pravartethāḥ sarvāvasthaṃ yudhiṣṭhira / (23.1) Par.?

dharme sthitānāṃ kaunteya siddhir bhavati śāśvatī // (23.2) Par.?

Duration=0.087555885314941 secs.