Texts

bhīṣma uvāca / (1.1) Par.?

prācetasasya vacanaṃ kīrtayanti purāvidaḥ / (1.2) Par.?

yasyāḥ kiṃcinnādadate jñātayo na sa vikrayaḥ // (1.3) Par.?

arhaṇaṃ tat kumārīṇām ānṛśaṃsyatamaṃ ca tat / (2.1) Par.?

sarvaṃ ca pratideyaṃ syāt kanyāyai tad aśeṣataḥ // (2.2) Par.?

pitṛbhir bhrātṛbhiścaiva śvaśurair atha devaraiḥ / (3.1) Par.?

pūjyā lālayitavyāśca bahukalyāṇam īpsubhiḥ // (3.2) Par.?

yadi vai strī na roceta pumāṃsaṃ na pramodayet / (4.1) Par.?

amodanāt punaḥ puṃsaḥ prajanaṃ na pravardhate // (4.2) Par.?

pūjyā lālayitavyāśca striyo nityaṃ janādhipa / (5.1) Par.?

apūjitāśca yatraitāḥ sarvāstatrāphalāḥ kriyāḥ / (5.2) Par.?

tadaiva tat kulaṃ nāsti yadā śocanti jāmayaḥ // (5.3) Par.?

jāmīśaptāni gehāni nikṛttānīva kṛtyayā / (6.1) Par.?

naiva bhānti na vardhante śriyā hīnāni pārthiva // (6.2) Par.?

striyaḥ puṃsāṃ paridade manur jigamiṣur divam / (7.1) Par.?

abalāḥ svalpakaupīnāḥ suhṛdaḥ satyajiṣṇavaḥ // (7.2) Par.?

īrṣyavo mānakāmāśca caṇḍā asuhṛdo 'budhāḥ / (8.1) Par.?

striyo mānanam arhanti tā mānayata mānavāḥ // (8.2) Par.?

strīpratyayo hi vo dharmo ratibhogāśca kevalāḥ / (9.1) Par.?

paricaryānnasaṃskārāstadāyattā bhavantu vaḥ // (9.2) Par.?

utpādanam apatyasya jātasya paripālanam / (10.1) Par.?

prītyarthaṃ lokayātrā ca paśyata strīnibandhanam // (10.2) Par.?

saṃmānyamānāścaitābhiḥ sarvakāryāṇyavāpsyatha / (11.1) Par.?

videharājaduhitā cātra ślokam agāyata // (11.2) Par.?

nāsti yajñaḥ striyaḥ kaścinna śrāddhaṃ nopavāsakam / (12.1) Par.?

dharmastu bhartṛśuśrūṣā tayā svargaṃ jayatyuta // (12.2) Par.?

pitā rakṣati kaumāre bhartā rakṣati yauvane / (13.1) Par.?

putrāstu sthavirībhāve na strī svātantryam arhati // (13.2) Par.?

śriya etāḥ striyo nāma satkāryā bhūtim icchatā / (14.1) Par.?

lālitā nigṛhītā ca strī śrīr bhavati bhārata // (14.2) Par.?