Texts

Help

Select a text:
Bibliography

Select a chapter:
(no revisions)

Associated topic(s): cow

Show parallels Show headlines
Use dependency labeler

Chapter id: 9347

Click on a sentence to show its analysis
Keep the mouse pointer over a lemma to show its meanings.

bhīṣma uvāca / (1.1) Par.?

etasminn eva kāle tu vasiṣṭham ṛṣisattamam / (1.2) Par.?

ikṣvākuvaṃśajo rājā saudāso dadatāṃ varaḥ // (1.3) Par.?

sarvalokacaraṃ siddhaṃ brahmakośaṃ sanātanam / (2.1) Par.?

purohitam idaṃ praṣṭum abhivādyopacakrame // (2.2) Par.?

saudāsa uvāca / (3.1) Par.?

trailokye bhagavan kiṃ svit pavitraṃ kathyate 'nagha / (3.2) Par.?

yat kīrtayan sadā martyaḥ prāpnuyāt puṇyam uttamam // (3.3) Par.?

bhīṣma uvāca / (4.1) Par.?

tasmai provāca vacanaṃ praṇatāya hitaṃ tadā / (4.2) Par.?

gavām upaniṣad vidvānnamaskṛtya gavāṃ śuciḥ // (4.3) Par.?

gāvaḥ surabhigandhinyastathā guggulugandhikāḥ / (5.1) Par.?

gāvaḥ pratiṣṭhā bhūtānāṃ gāvaḥ svastyayanaṃ mahat // (5.2) Par.?

gāvo bhūtaṃ bhaviṣyacca gāvaḥ puṣṭiḥ sanātanī / (6.1) Par.?

gāvo lakṣmyāstathā mūlaṃ goṣu dattaṃ na naśyati / (6.2) Par.?

annaṃ hi satataṃ gāvo devānāṃ paramaṃ haviḥ // (6.3) Par.?

svāhākāravaṣaṭkārau goṣu nityaṃ pratiṣṭhitau / (7.1) Par.?

gāvo yajñasya hi phalaṃ goṣu yajñāḥ pratiṣṭhitāḥ // (7.2) Par.?

sāyaṃ prātaśca satataṃ homakāle mahāmate / (8.1) Par.?

gāvo dadati vai homyam ṛṣibhyaḥ puruṣarṣabha // (8.2) Par.?

kānicid yāni durgāṇi duṣkṛtāni kṛtāni ca / (9.1) Par.?

taranti caiva pāpmānaṃ dhenuṃ ye dadati prabho // (9.2) Par.?

ekāṃ ca daśagur dadyād daśa dadyācca gośatī / (10.1) Par.?

śataṃ sahasragur dadyāt sarve tulyaphalā hi te // (10.2) Par.?

anāhitāgniḥ śatagur ayajvā ca sahasraguḥ / (11.1) Par.?

samṛddho yaśca kīnāśo nārghyam arhanti te trayaḥ // (11.2) Par.?

kapilāṃ ye prayacchanti savatsāṃ kāṃsyadohanām / (12.1) Par.?

suvratāṃ vastrasaṃvītām ubhau lokau jayanti te // (12.2) Par.?

yuvānam indriyopetaṃ śatena saha yūthapam / (13.1) Par.?

gavendraṃ brāhmaṇendrāya bhūriśṛṅgam alaṃkṛtam // (13.2) Par.?

vṛṣabhaṃ ye prayacchanti śrotriyāya paraṃtapa / (14.1) Par.?

aiśvaryaṃ te 'bhijāyante jāyamānāḥ punaḥ punaḥ // (14.2) Par.?

nākīrtayitvā gāḥ supyānnāsmṛtya punar utpatet / (15.1) Par.?

sāyaṃ prātar namasyecca gāstataḥ puṣṭim āpnuyāt // (15.2) Par.?

gavāṃ mūtrapurīṣasya nodvijeta kadācana / (16.1) Par.?

na cāsāṃ māṃsam aśnīyād gavāṃ vyuṣṭiṃ tathāśnute // (16.2) Par.?

gāśca saṃkīrtayennityaṃ nāvamanyeta gāstathā / (17.1) Par.?

aniṣṭaṃ svapnam ālakṣya gāṃ naraḥ saṃprakīrtayet // (17.2) Par.?

gomayena sadā snāyād gokarīṣe ca saṃviśet / (18.1) Par.?

śleṣmamūtrapurīṣāṇi pratighātaṃ ca varjayet // (18.2) Par.?

sārdracarmaṇi bhuñjīta nirīkṣan vāruṇīṃ diśam / (19.1) Par.?

vāgyataḥ sarpiṣā bhūmau gavāṃ vyuṣṭiṃ tathāśnute // (19.2) Par.?

ghṛtena juhuyād agniṃ ghṛtena svasti vācayet / (20.1) Par.?

ghṛtaṃ dadyād ghṛtaṃ prāśed gavāṃ vyuṣṭiṃ tathāśnute // (20.2) Par.?

gomatyā vidyayā dhenuṃ tilānām abhimantrya yaḥ / (21.1) Par.?

rasaratnamayīṃ dadyānna sa śocet kṛtākṛte // (21.2) Par.?

gāvo mām upatiṣṭhantu hemaśṛṅgāḥ payomucaḥ / (22.1) Par.?

surabhyaḥ saurabheyāśca saritaḥ sāgaraṃ yathā // (22.2) Par.?

gāvaḥ paśyantu māṃ nityaṃ gāvaḥ paśyāmyahaṃ tadā / (23.1) Par.?

gāvo 'smākaṃ vayaṃ tāsāṃ yato gāvastato vayam // (23.2) Par.?

evaṃ rātrau divā caiva sameṣu viṣameṣu ca / (24.1) Par.?

mahābhayeṣu ca naraḥ kīrtayanmucyate bhayāt // (24.2) Par.?

Duration=0.08280611038208 secs.