Texts

vaiśaṃpāyana uvāca / (1.1) Par.?

tasmin yajñe pravṛtte tu vāgmino hetuvādinaḥ / (1.2) Par.?

hetuvādān bahūn prāhuḥ parasparajigīṣavaḥ // (1.3) Par.?

dadṛśustaṃ nṛpatayo yajñasya vidhim uttamam / (2.1) Par.?

devendrasyeva vihitaṃ bhīmena kurunandana // (2.2) Par.?

dadṛśustoraṇānyatra śātakumbhamayāni te / (3.1) Par.?

śayyāsanavihārāṃśca subahūn ratnabhūṣitān // (3.2) Par.?

ghaṭān pātrīḥ kaṭāhāni kalaśān vardhamānakān / (4.1) Par.?

na hi kiṃcid asauvarṇam apaśyaṃstatra pārthivāḥ // (4.2) Par.?

yūpāṃśca śāstrapaṭhitān dāravān hemabhūṣitān / (5.1) Par.?

upakﾱptān yathākālaṃ vidhivad bhūrivarcasaḥ // (5.2) Par.?

sthalajā jalajā ye ca paśavaḥ kecana prabho / (6.1) Par.?

sarvān eva samānītāṃstān apaśyanta te nṛpāḥ // (6.2) Par.?

gāścaiva mahiṣīścaiva tathā vṛddhāḥ striyo 'pi ca / (7.1) Par.?

audakāni ca sattvāni śvāpadāni vayāṃsi ca // (7.2) Par.?

jarāyujāny aṇḍajāni svedajānyudbhidāni ca / (8.1) Par.?

parvatānūpavanyāni bhūtāni dadṛśuśca te // (8.2) Par.?

evaṃ pramuditaṃ sarvaṃ paśugodhanadhānyataḥ / (9.1) Par.?

yajñavāṭaṃ nṛpā dṛṣṭvā paraṃ vismayam āgaman / (9.2) Par.?

brāhmaṇānāṃ viśāṃ caiva bahumṛṣṭānnam ṛddhimat // (9.3) Par.?

pūrṇe śatasahasre tu viprāṇāṃ tatra bhuñjatām / (10.1) Par.?

dundubhir meghanirghoṣo muhur muhur atāḍyata // (10.2) Par.?

vinanādāsakṛt so 'tha divase divase tadā / (11.1) Par.?

evaṃ sa vavṛte yajño dharmarājasya dhīmataḥ // (11.2) Par.?

annasya bahavo rājann utsargāḥ parvatopamāḥ / (12.1) Par.?

dadhikulyāśca dadṛśuḥ sarpiṣaśca hradāñjanāḥ // (12.2) Par.?

jambūdvīpo hi sakalo nānājanapadāyutaḥ / (13.1) Par.?

rājann adṛśyataikastho rājñastasminmahākratau // (13.2) Par.?

tatra jātisahasrāṇi puruṣāṇāṃ tatastataḥ / (14.1) Par.?

gṛhītvā dhanam ājagmur bahūni bharatarṣabha // (14.2) Par.?

rājānaḥ sragviṇaścāpi sumṛṣṭamaṇikuṇḍalāḥ / (15.1) Par.?

paryaveṣan dvijāgryāṃstāñ śataśo 'tha sahasraśaḥ // (15.2) Par.?

vividhānyannapānāni puruṣā ye 'nuyāyinaḥ / (16.1) Par.?

teṣāṃ nṛpopabhojyāni brāhmaṇebhyo daduḥ sma te // (16.2) Par.?