Texts

śrīmanmahāgaṇādhipataye namaḥ / (1.1) Par.?

bhavabhayarakṣaṇadakṣaṃ natvā mugdhāvabodhinīṃ tanute / (1.2) Par.?

rasahṛdayasuprayuktāṃ ṭīkāmṛjubhāvagāmāptaḥ // (1.3) Par.?

guṇavāridhikuralakule hariharamiśraḥ pratītamahimākhyaḥ / (2.1) Par.?

tatputro bhuvi mahito maheśa iti nāmavikhyātaḥ // (2.2) Par.?

tadanvaye bhāratībhāvasaṃyutas tadātmajaḥ prastutavāgbhirīśvaraḥ / (3.1) Par.?

caturbhujo bhāvitabhāvamānasaḥ svalokajātasya kulānubhāvataḥ // (3.2) Par.?

jyeṣṭho'bhūd bhuvi pārijātakataruḥ khaṇḍelavālānvaye tatputraḥ kila nāthaballavasudaḥ prāṇair yaśo'rthānvitaḥ / (4.1) Par.?

tatputreṇa ca sāvareṇa patinā bandhasya dharmārthinā gīrvāṇāśu rugoñcajena satataṃ tenātra yatnaḥ kṛtaḥ // (4.2) Par.?

iha śāstrārambhe ācāryaśrīmadgovindapādāḥ śiṣṭasamayaparipālanārthe śāstrasya deśayato gurupādasya bhagavato vastunirdeśarūpaṃ maṅgalam ācaranti jayatītyādi // (5) Par.?

maṅgalalakṣaṇaṃ yathā āśīr namaskriyā vastunirdeśo maṅgala iti // (6) Par.?

vastunirdeśaḥ pañcadhā yathāsti bhāti priyaṃ rūpaṃ nāma cetyaṃśapañcakam // (7) Par.?

ādyaṃ trayaṃ brahmarūpaṃ śaktirūpaṃ tato dvayam iti // (8) Par.?

sa haro jayati sarvotkarṣeṇa vartate // (9) Par.?

akhilaṃ jagat paśyata iti vastunirdeśābjayaddraṣṭā // (10) Par.?

tathā ca śrutiḥ apāṇipādo javano grahītā // (11) Par.?

paśyatyacakṣuḥ sa śṛṇotyakarṇaḥ / (12.1) Par.?

sa vetti vedyaṃ na ca tasya vettā tamāhur agryaṃ puruṣaṃ purāṇam iti // (12.2) Par.?

yasya hṛdayasyaiva rasarūpiṇī karuṇā ghṛṇā jātā prādurbhūtā // (13) Par.?

kiṃbhūtvā galitvā dravitvā galitasya sthānāccyutir iti yuktam // (14) Par.?

eṣā hṛdayasthaiva // (15) Par.?

evāvyayam anyasthānaniṣedhavāci // (16) Par.?

rasarūpiṇīti rasaḥ pāradastatsvarūpaṃ yasyāḥ sā // (17) Par.?

tathā ca vākyam / (18.1) Par.?

raso jalaṃ raso harṣo rasaḥ śṛṅgārapūrvakaḥ / (18.2) Par.?

svādvādiṣu ca niryāse pārade'pi raso viṣe / (18.3) Par.?

ityanekārthaḥ // (18.4) Par.?

sāmānyatastadrūpaṃ dravatvaṃ viśeṣato rasarūpaṃ sarvopakāritvam // (19) Par.?

tathā ca vākyaṃ rasaratnākare / (20.1) Par.?

ājanmapāpakṛtanirdahanaikavahnir dāridryaduḥkhagajavāraṇasiṃharūpaḥ iti // (20.2) Par.?

kiṃbhūtasya harasya dainyagadākulaṃ jagat saṃsāraṃ paśyataḥ dainyayaṃ ca gadāśca tair ākulaṃ vyāptaṃ dainyaṃ dīnabhāvo dāridryaṃ gadā vyādhaya iti // (21) Par.?

akhilamiti sarvavyāpipadam // (22) Par.?

yathā mañjaryā / (23.1) Par.?

yasya rogasya yo yogastenaiva saha dāpayet / (23.2) Par.?

rasendro haro rogānnarakuñjaravājinām // (23.3) Par.?

iti // (24) Par.?

anyanmataṃ ca / (25.1) Par.?

rasabhasma vinā tatra kathyate saṃhitākramaḥ / (25.2) Par.?

anuktamapi vijñeyaṃ tatra tatrāṅgaśāntaye // (25.3) Par.?

iti // (26) Par.?