Texts

sūta uvāca / (1.1) Par.?

lokāḥ somapathā nāma yatra mārīcanandanāḥ / (1.2) Par.?

vartante deva pitaro devā yānbhāvayantyalam // (1.3) Par.?

agniṣvāttā iti khyātā yajvāno yatra saṃsthitāḥ / (2.1) Par.?

acchodā nāma teṣāṃ tu mānasī kanyakā nadī // (2.2) Par.?

acchodaṃ nāma ca saraḥ pitṛbhirnirmitaṃ purā / (3.1) Par.?

acchodā tu tapaścakre divyaṃ varṣasahasrakam // (3.2) Par.?

ājagmuḥ pitarastuṣṭāḥ kila dātuṃ ca tāṃ varam / (4.1) Par.?

divyarūpadharāḥ sarve divyamālyānulepanāḥ // (4.2) Par.?

sarve yuvāno balinaḥ kusumāyudhasaṃnibhāḥ / (5.1) Par.?

tanmadhye'māvasuṃ nāma pitaraṃ vīkṣya sāṅganā // (5.2) Par.?

vavre varārthinī saṅgaṃ kusumāyudhapīḍitā / (6.1) Par.?

yogādbhraṣṭā tu sā tena vyabhicāreṇa bhāminī // (6.2) Par.?

dharāṃ tu nāspṛśatpūrvaṃ papātātha bhuvastale / (7.1) Par.?

tithāv amāvasur yasyām icchāṃ cakre na tāṃ prati // (7.2) Par.?

dhairyeṇa tasya sā lokairamāvāsyeti viśrutā / (8.1) Par.?

pitṝṇāṃ vallabhā tasmāttasyāmakṣayakārakam // (8.2) Par.?

acchodādhomukhī dīnā lajjitā tapasaḥ kṣayāt / (9.1) Par.?

sā pitṝn prārthayāmāsa pure cātmaprasiddhaye // (9.2) Par.?

vilapyamānā pitṛbhir idamuktā tapasvinī / (10.1) Par.?

bhaviṣyamarthamālokya devakāryaṃ ca te tadā // (10.2) Par.?

idam ūcur mahābhāgāḥ prasādaśubhayā girā / (11.1) Par.?

divi divyaśarīreṇa yat kiṃcit kriyate budhaiḥ // (11.2) Par.?

tenaiva tatkarmaphalaṃ bhujyate varavarṇinī / (12.1) Par.?

sadyaḥ phalanti karmāṇi devatve pretya mānuṣe // (12.2) Par.?

tasmāttvaṃ putri tapasaḥ prāpsyase pretya tatphalam / (13.1) Par.?

aṣṭāviṃśe bhavitrī tvaṃ dvāpare matsyayonijā // (13.2) Par.?

vyatikramātpitṝṇāṃ tvaṃ kaṣṭaṃ kulamavāpsyasi / (14.1) Par.?

tasmādrājño vasoḥ kanyā tvam avaśyaṃ bhaviṣyasi // (14.2) Par.?

kanyā bhūtvā ca lokānsvānpunarāpsyasi durlabhān / (15.1) Par.?

parāśarasya vīryeṇa putramekamavāpsyasi // (15.2) Par.?

dvīpe tu badarīprāye bādarāyaṇamacyutam / (16.1) Par.?

sa vedamekaṃ bahudhā vibhajiṣyati te sutaḥ // (16.2) Par.?

pauravasyātmajau dvau tu samudrāṃśasya śaṃtanoḥ / (17.1) Par.?

vicitravīryastanayastathā citrāṅgado nṛpaḥ // (17.2) Par.?

imāv utpādya tanayau kṣetrajāvasya dhīmataḥ / (18.1) Par.?

prauṣṭhapadyaṣṭakārūpā pitṛloke bhaviṣyasi // (18.2) Par.?

nāmnā satyavatī loke pitṛloke tathāṣṭakā / (19.1) Par.?

āyurārogyadā nityaṃ sarvakāmaphalapradā // (19.2) Par.?

bhaviṣyasi pare kāle nadītvaṃ ca gamiṣyasi / (20.1) Par.?

puṇyatoṣā saricchreṣṭhā loke hy acchodanāmikā // (20.2) Par.?

ityuktvā sa gaṇasteṣāṃ tatraivāntaradhīyata / (21.1) Par.?

sāpyavāpa ca tatsarvaṃ phalaṃ yaduditaṃ purā // (21.2) Par.?