UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2883
- Click on a sentence to show its analysis
- Keep the mouse pointer over a lemma to show its meanings.
tasminvinihate daitye grasane lokanāyake / (1.1)
Par.?
nirmaryādamayudhyanta hariṇā saha dānavāḥ // (1.2)
Par.?
paṭṭiśairmuśalaiḥ pāśairgadābhiḥ kuṇapairapi / (2.1)
Par.?
tīkṣṇānanaiśca nārācaiścakraiḥ śaktibhireva ca // (2.2)
Par.?
tānastrāndānavairmuktāṃścitrayodhī janārdanaḥ / (3.1)
Par.?
ekaikaṃ śataśaścakre bāṇairagniśikhopamaiḥ // (3.2)
Par.?
tataḥ kṣīṇāyudhaprāṇā dānavā bhrāntacetasaḥ / (4.1)
Par.?
astrāṇyādātumabhavannasamarthā yadā raṇe // (4.2)
Par.?
tadā mṛtairgajairaśvairjanārdanamayodhayan / (5.1)
Par.?
samantātkoṭiśo daityāḥ sarvataḥ pratyayodhayan // (5.2)
Par.?
bahu kṛtvā vapurviṣṇuḥ kiṃcicchāntabhujo'bhavat / (6.1)
Par.?
uvāca ca garutmantaṃ tasminsutumule raṇe // (6.2)
Par.?
garutmankaccidaśrāntastvamasminnapi sāmpratam / (7.1)
Par.?
yadyaśrānto'si tadyāhi mathanasya rathaṃ prati // (7.2)
Par.?
śrānto'syatha muhūrtaṃ tvaṃ raṇādapasṛto bhava / (8.1)
Par.?
ityukto garuḍastena viṣṇunā prabhaviṣṇunā // (8.2)
Par.?
āsasāda raṇe daityaṃ mathanaṃ ghoradarśanam / (9.1)
Par.?
daityastvabhimukhaṃ dṛṣṭvā śaṅkhacakragadādharam // (9.2)
Par.?
jaghāna bhindipālena śitabāṇena vakṣasi / (10.1)
Par.?
tatprahāram acintyaiva viṣṇustasminmahāhave // (10.2)
Par.?
jaghāna pañcabhirbāṇairmārjitaiśca śilāśitaiḥ / (11.1)
Par.?
punardaśabhir aṣṭaistaṃ tatāḍa stanāntare // (11.2)
Par.?
viddho marmasu daityendro haribāṇairakampata / (12.1)
Par.?
sa muhūrtaṃ samāśvāsya jagrāha parighaṃ tadā // (12.2)
Par.?
jaghne janārdanaṃ cāpi parigheṇāgnivarcasā / (13.1)
Par.?
viṣṇustena prahāreṇa kiṃcidāghūrṇito'bhavat // (13.2)
Par.?
tataḥ krodhavivṛttākṣo gadāṃ jagrāha mādhavaḥ / (14.1)
Par.?
mathanaṃ sarathaṃ roṣānniṣpipeṣātha roṣataḥ // (14.2)
Par.?
sa papātātha daityendraḥ kṣayakāle'calo yathā / (15.1)
Par.?
tasminnipatite bhūmau dānave vīryaśālini // (15.2)
Par.?
avasādaṃ yayurdaityāḥ kardame kariṇo yathā / (16.1)
Par.?
tatasteṣu vipanneṣu dānaveṣvatimāniṣu // (16.2)
Par.?
prakopādraktanayano mahiṣo dānaveśvaraḥ / (17.1)
Par.?
pratyudyayau hariṃ raudraḥ svabāhubalamāsthitaḥ // (17.2)
Par.?
tīkṣṇadhāreṇa śūlena mahiṣo harimardayan / (18.1)
Par.?
śaktyā ca garuḍaṃ vīro mahiṣo'bhyahanaddhṛdi // (18.2)
Par.?
tato vyāvṛtya vadanaṃ mahācalaguhānibham / (19.1)
Par.?
grastumaicchadraṇe daityaḥ sa garutmantamacyutam // (19.2)
Par.?
athācyuto'pi vijñāya dānavasya cikīrṣitam / (20.1)
Par.?
vadanaṃ pūrayāmāsa divyairastrairmahābalaḥ // (20.2) Par.?
mahiṣasyātha sasṛje bāṇaughaṃ garuḍadhvajaḥ / (21.1)
Par.?
pidhāya vadanaṃ divyairdivyāstraparimantritaiḥ // (21.2)
Par.?
sa tairbāṇairabhihato mahiṣo'calasaṃnibhaḥ / (22.1)
Par.?
parivartitakāyo'dhaḥ papāta na mamāra ca // (22.2)
Par.?
mahiṣaṃ patitaṃ dṛṣṭvā bhūmau provāca keśavaḥ / (23.1)
Par.?
mahiṣāsura mattastvaṃ vadhaṃ nāstrairihārhasi // (23.2)
Par.?
yoṣidvadhyaḥ purokto'si sākṣātkamalayoninā / (24.1)
Par.?
uttiṣṭha jīvitaṃ rakṣa gacchāsmātsaṃgarāddrutam // (24.2)
Par.?
tasminparāṅmukhe daitye mahiṣe śumbhadānavaḥ / (25.1)
Par.?
saṃdaṣṭauṣṭhapuṭaḥ kopādbhrukuṭīkuṭilānanaḥ // (25.2)
Par.?
nirmathya pāṇinā pāṇiṃ dhanurādāya bhairavam / (26.1)
Par.?
sajyaṃ cakāra sa dhanuḥ śarāṃścāśīviṣopamān // (26.2)
Par.?
sa citrayodhī dṛḍhamuṣṭipātastatastu viṣṇuṃ garuḍaṃ ca daityaḥ / (27.1)
Par.?
bāṇairjvaladvahniśikhānikāśaiḥ kṣiptairasaṃkhyaiḥ parighātahīnaiḥ // (27.2)
Par.?
viṣṇuśca daityendraśarāhato'pi bhuśuṇḍimādāya kṛtāntatulyām / (28.1)
Par.?
tayā bhuśuṇḍyā ca pipeṣa meṣaṃ śumbhasya pattraṃ dharaṇīdharābham // (28.2)
Par.?
tasmādavaplutya hatācca meṣād bhūbhau padātiḥ sa tu daityanāthaḥ / (29.1)
Par.?
tato mahīsthasya hariḥ śaraughānmumoca kālānalatulyabhāsaḥ // (29.2)
Par.?
śaraistribhistasya bhujaṃ bibheda ṣaḍbhiśca śīrṣaṃ daśabhiśca ketum / (30.1)
Par.?
viṣṇurvikṛṣṭaiḥ śravaṇāvasānaṃ daityasya vivyādha vivṛttanetraḥ // (30.2)
Par.?
sa tena viddho vyathito babhūva daityeśvaro visrutaśoṇitaughaḥ / (31.1)
Par.?
tato'sya kiṃcic calitasya dhairyāduvāca śaṅkhāmbujaśārṅgapāṇiḥ // (31.2)
Par.?
kumārivadhyo'si raṇaṃ vimuñca śumbhāsura svalpatarairahobhiḥ / (32.1)
Par.?
vadhaṃ na matto'rhasi ceha mūḍha vṛthaiva kiṃ yuddhasamutsuko'si // (32.2)
Par.?
jambho vaco viṣṇumukhānniśamya nimiśca niṣpeṣṭumiyeṣa viṣṇum / (33.1)
Par.?
gadāmathodyamya nimiḥ pracaṇḍāṃ jaghāna gāḍhāṃ garuḍaṃ śirastaḥ // (33.2)
Par.?
śumbho'pi viṣṇuṃ parigheṇa mūrdhni pramṛṣṭaratnaughavicitrabhāsā / (34.1)
Par.?
tau dānavābhyāṃ viṣamaiḥ prahārairnipetururvyāṃ ghanapāvakābhau // (34.2)
Par.?
tatkarma dṛṣṭvā ditijāstu sarve jagarjuruccaiḥ kṛtasiṃhanādāḥ / (35.1)
Par.?
dhanūṃṣi cāsphoṭya surābhighātairvyadārayanbhūmimapi pracaṇḍāḥ / (35.2)
Par.?
vāsāṃsi caivādudhuvuḥ pare tu dadhmuśca śaṅkhānakagomukhaughān // (35.3)
Par.?
atha saṃjñāmavāpyāśu garuḍo'pi sakeśavaḥ / (36.1)
Par.?
parāṅmukho raṇāttasmāt palāyata mahājavaḥ // (36.2)
Par.?
Duration=0.10683298110962 secs.