UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5430
- Click on a sentence to show its analysis
- Keep the mouse pointer over a lemma to show its meanings.
etacchrutvā tu munayaḥ punastaṃ saṃśayānvitāḥ / (1.2)
Par.?
papracchuruttaraṃ bhūyastadā te romaharṣaṇam // (1.3)
Par.?
yadetaduktaṃ bhavatā sūteha vadatāṃ vara / (2.2)
Par.?
etadvistarato brūhi jyotiṣāṃ ca vinirṇayam // (2.3)
Par.?
śrutvā tu vacanaṃ teṣāṃ tadā sūtaḥ samāhitaḥ / (3.1)
Par.?
uvāca paramaṃ vākyaṃ teṣāṃ saṃśayanirṇaye // (3.2)
Par.?
asminnarthe mahāprājñairyaduktaṃ śāntabuddhibhiḥ / (4.1)
Par.?
etadvo'haṃ pravakṣyāmi sūryacandramasorgatim // (4.2)
Par.?
fire-water-circle
yathā devagṛhāṇīha sūryacandrādayo grahāḥ / (5.1)
Par.?
ataḥ paraṃ tu trividhamagnervakṣye samudbhavam // (5.2)
Par.?
divyasya bhautikasyāgner atho'gneḥ pārthivasya ca / (6.1)
Par.?
vyuṣṭāyāṃ tu rajanyāṃ ca brahmaṇo 'vyaktajanmanaḥ // (6.2)
Par.?
avyākṛtamidaṃ tvāsīnnaiśena tamasā vṛtam / (7.1)
Par.?
caturbhāgāvaśiṣṭe 'smin loke naṣṭe viśeṣataḥ // (7.2)
Par.?
svayaṃbhūrbhagavāṃstatra lokasarvārthasādhakaḥ / (8.1)
Par.?
khadyotavatsa vyacaradāvirbhāvacikīrṣayā // (8.2)
Par.?
so'gniṃ sṛṣṭvātha lokādau pṛthivījalasaṃśritaḥ / (9.1)
Par.?
saṃhṛtya tatprakāśārthaṃ tridhā vyabhajadīśvaraḥ // (9.2)
Par.?
pavano yastu loke'sminpārthivo vahnirucyate / (10.1)
Par.?
yaścāsau lokādau sūrye śuciragnistu sa smṛtaḥ // (10.2)
Par.?
vaidyuto'bjastu vijñeyasteṣāṃ vakṣye tu lakṣaṇam / (11.1)
Par.?
vaidyuto jāṭharaḥ sauro vārigarbhāstrayo 'gnayaḥ // (11.2)
Par.?
tasmādapaḥ pibansūryo gobhir dīpyatyasau vibhuḥ / (12.1)
Par.?
jale cābjaḥ samāviṣṭo nādbhir agniḥ praśāmyati // (12.2)
Par.?
mānavānāṃ ca kukṣistho nāgniḥ śāmyati pāvakaḥ / (13.1)
Par.?
arciṣmānpavanaḥ so'gnir niṣprabho jāṭharaḥ smṛtaḥ // (13.2)
Par.?
yaścāyaṃ maṇḍalī śuklī nirūṣmā samprajāyate / (14.1)
Par.?
prabhā saurī tu pādena hyastaṃ yāte divākare // (14.2)
Par.?
agnimāviśate rātrau tasmāddūrātprakāśate / (15.1)
Par.?
udyantaṃ ca punaḥ sūryam auṣṇyam agneḥ samāviśet // (15.2)
Par.?
pādena pārthivasyāgnestasmādagnistapatyasau / (16.1)
Par.?
prakāśoṣṇasvarūpe ca saurāgneye tu tejasī // (16.2)
Par.?
parasparānupraveśād āpyāyete parasparam / (17.1)
Par.?
uttare caiva bhūmyardhe tathā hyagniś ca dakṣiṇe // (17.2)
Par.?
uttiṣṭhati punaḥ sūryaḥ punarvai praviśaty apaḥ / (18.1)
Par.?
tasmāttāmrā bhavantyāpo divārātripraveśanāt // (18.2)
Par.?
astaṃ yāti punaḥ sūryo 'harvai praviśaty apaḥ / (19.1)
Par.?
tasmānnaktaṃ punaḥ śuklā āpo dṛśyanti bhāsvarāḥ // (19.2)
Par.?
etena kramayogena bhūmyardhe dakṣiṇottare / (20.1) Par.?
udayāstamane nityamahorātraṃ viśaty apaḥ // (20.2)
Par.?
yaścāsau tapate sūryaḥ pibannaṃbho gabhastibhiḥ / (21.1)
Par.?
pārthivāgnivimiśro 'sau divyaḥ śuciriti smṛtaḥ // (21.2)
Par.?
sahasrapādasau vahnirvṛttakumbhanibhaḥ smṛtaḥ / (22.1)
Par.?
ādatte sa tu nāḍīnāṃ sahasreṇa samantataḥ // (22.2)
Par.?
nādeyīścaiva sāmudrīḥ kūpāścaiva tathā ghanāḥ / (23.1)
Par.?
sthāvarā jaṅgamāścaiva vāpīkulyādikā apaḥ // (23.2)
Par.?
classes of sunrays
tasya raśmisahasraṃ tacchītavarṣoṣṇaniḥsravam / (24.1)
Par.?
tāsāṃ catuḥśatā nāḍyo varṣante citramūrtayaḥ // (24.2)
Par.?
bhajanāścaiva mālyāś ca ketanāḥ patanās tathā / (25.1)
Par.?
amṛtā nāmataḥ sarvā raśmayo vṛṣṭisarjanāḥ // (25.2)
Par.?
himodvahāś ca tā nāḍyo raśmayas triśatāḥ punaḥ / (26.1)
Par.?
reśā meghāś ca vātsyāś ca hlādinyo himasarjanāḥ // (26.2)
Par.?
candrabhā nāmataḥ sarvā pītābhāś ca gabhastayaḥ / (27.1)
Par.?
śuklāś ca kakubhāścaiva gāvo viśvabhṛtas tathā // (27.2)
Par.?
śuklāstā nāmataḥ sarvāstriśatīrgharmasarjanāḥ / (28.1)
Par.?
somo bibharti tābhistu manuṣyapitṛdevatāḥ // (28.2)
Par.?
manuṣyānauṣadheneha svadhayā ca pitṝnapi / (29.1)
Par.?
amṛtena surān sarvāṃstisṛbhis tarpayatyasau // (29.2)
Par.?
vasante caiva grīṣme ca śataiḥ sa tapate tribhiḥ / (30.1)
Par.?
varṣāsvatho śaradi ca caturbhiḥ saṃpravarṣati // (30.2)
Par.?
hemante śiśire caiva himamutsṛjate tribhiḥ / (31.1)
Par.?
Gtter in der Sonne
indro dhātā bhagaḥ pūṣā mitro'tha varuṇo'ryamā // (31.2)
Par.?
aṃśur vivasvāṃstvaṣṭā ca parjanyo viṣṇureva ca / (32.1)
Par.?
varuṇo māghamāse tu sūrya eva tu phālgune // (32.2)
Par.?
caitre māsi bhavedaṃśurdhātā vaiśākhatāpanaḥ / (33.1)
Par.?
jyeṣṭhe māsi bhavedindra āṣāḍhe cāryamā raviḥ // (33.2)
Par.?
vivasvān śrāvaṇe māsi prauṣṭhapade bhagaḥ smṛtaḥ / (34.1)
Par.?
parjanyo'śvayuje māsi tvaṣṭā vai kārtike raviḥ // (34.2)
Par.?
mārgaśīrṣe bhavenmitraḥ pauṣe viṣṇuḥ sanātanaḥ / (35.1)
Par.?
pañcaraśmisahasrāṇi varuṇasyārkakarmaṇi // (35.2)
Par.?
ṣaḍbhiḥ sahasraiḥ pūṣā tu devo'ṃśuḥ saptabhis tathā / (36.1)
Par.?
dhātāṣṭabhiḥ sahasraistu navabhistu śatakratuḥ // (36.2)
Par.?
vivasvān daśabhir yāti yātyekādaśabhir bhagaḥ / (37.1)
Par.?
saptabhistapate mitrastvaṣṭā caivāṣṭabhiḥ smṛtaḥ // (37.2)
Par.?
aryamā daśabhir yāti parjanyo navabhis tathā / (38.1)
Par.?
ṣaḍbhī raśmisahasraistu viṣṇustapati medinīm // (38.2)
Par.?
vasaṃte kapilaḥ sūryo grīṣme kāñcanasaprabhaḥ / (39.1)
Par.?
śveto varṣāsu varṇena pāṇḍuḥ śaradi bhāskaraḥ // (39.2)
Par.?
hemante tāmravarṇastu śiśire lohito raviḥ / (40.1)
Par.?
iti varṇāḥ samākhyātā mayā sūryasamudbhavāḥ // (40.2)
Par.?
oṣadhīṣu balaṃ dhatte svadhayā ca pitṛṣvapi / (41.1)
Par.?
sūryo 'mareṣvapyamṛtaṃ trayaṃ triṣu niyacchati // (41.2)
Par.?
evaṃ raśmisahasraṃ tatsauraṃ lokārthasādhakam / (42.1)
Par.?
bhidyate lokamāsādya jalaśītoṣṇaniḥsravam // (42.2)
Par.?
ityetanmaṇḍalaṃ śuklaṃ bhāsvaraṃ sūryasaṃjñitam / (43.1)
Par.?
nakṣatragrahasomānāṃ pratiṣṭhāyonireva ca // (43.2)
Par.?
candrarkṣagrahāḥ sarve vijñeyāḥ sūryasaṃbhavāḥ / (44.1)
Par.?
nakṣatrādhipatiḥ somo nayanaṃ vāmamīśituḥ // (44.2)
Par.?
nayanaṃ caivam īśasya dakṣiṇaṃ bhāskaraḥ svayam / (45.1)
Par.?
teṣāṃ janānāṃ loke'sminnayanaṃ nayate yataḥ // (45.2)
Par.?
iti śrīliṅgamahāpurāṇe pūrvabhāge sūryaraśmisvarūpakathanaṃ nāmaikonaṣaṣṭitamo 'dhyāyaḥ // (46.1)
Par.?
Duration=0.23558712005615 secs.