UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5560
- Click on a sentence to show its analysis
- Keep the mouse pointer over a lemma to show its meanings.
sanatkumāra uvāca / (1.1)
Par.?
punareva mahābuddhe śrotumicchāmi tattvataḥ / (1.2)
Par.?
bahubhirbahudhā śabdaiḥ śabditāni munīśvaraiḥ // (1.3)
Par.?
śailādiruvāca / (2.1)
Par.?
punaḥ punaḥ pravakṣyāmi śivarūpāṇi te mune / (2.2)
Par.?
bahubhirbahudhā śabdaiḥ śabditāni munīśvaraiḥ // (2.3)
Par.?
kṣetrajñaḥ prakṛtirvyaktaṃ kālātmeti munīśvaraiḥ / (3.1)
Par.?
ucyate kaiścidācāryairāgamārṇavapāragaiḥ // (3.2)
Par.?
kṣetrajñaṃ puruṣaṃ prāhuḥ pradhānaṃ prakṛtiṃ budhāḥ / (4.1)
Par.?
vikārajātaṃ niḥśeṣaṃ prakṛtervyaktamityapi // (4.2)
Par.?
pradhānavyaktayoḥ kālaḥ pariṇāmaikakāraṇam / (5.1) Par.?
taccatuṣṭayamīśasya rūpāṇāṃ hi catuṣṭayam // (5.2)
Par.?
hiraṇyagarbhaṃ puruṣaṃ pradhānaṃ vyaktarūpiṇam / (6.1)
Par.?
kathayanti śivaṃ kecidācāryāḥ parameśvaram // (6.2)
Par.?
hiraṇyagarbhaḥ kartāsya bhoktā viśvasya pūruṣaḥ / (7.1)
Par.?
vikārajātaṃ vyaktākhyaṃ pradhānaṃ kāraṇaṃ param // (7.2)
Par.?
teṣāṃ catuṣṭayaṃ buddheḥ śivarūpacatuṣṭayam / (8.1)
Par.?
procyate śaṅkarādanyadasti vastu na kiṃcana // (8.2)
Par.?
piṇḍajātisvarūpī tu kathyate kaiścid īśvaraḥ / (9.1)
Par.?
carācaraśarīrāṇi piṇḍākhyāny akhilāny api // (9.2)
Par.?
sāmānyāni samastāni mahāsāmānyameva ca / (10.1)
Par.?
kathyante jātiśabdena tāni rūpāṇi dhīmataḥ // (10.2)
Par.?
virāṭ hiraṇyagarbhātmā kaiścidīśo nigadyate / (11.1)
Par.?
hiraṇyagarbho lokānāṃ heturlokātmako virāṭ // (11.2)
Par.?
sūtrāvyākṛtarūpaṃ taṃ śivaṃ śaṃsanti kecana / (12.1)
Par.?
avyākṛtaṃ pradhānaṃ hi tadrūpaṃ parameṣṭhinaḥ // (12.2)
Par.?
lokā yenaiva tiṣṭhanti sūtre maṇigaṇā iva / (13.1)
Par.?
tatsūtramiti vijñeyaṃ rūpamadbhutavikramam // (13.2)
Par.?
antaryāmī paraḥ kaiścitkaiścidīśaḥ prakīrtyate / (14.1)
Par.?
svayaṃjyotiḥ svayaṃvedyaḥ śivaḥ śaṃbhurmaheśvaraḥ // (14.2)
Par.?
sarveṣāmeva bhūtānāmantaryāmī śivaḥ smṛtaḥ / (15.1)
Par.?
sarveṣāmeva bhūtānāṃ paratvātpara ucyate // (15.2)
Par.?
paramātmā śivaḥ śaṃbhuḥ śaṅkaraḥ parameśvaraḥ / (16.1)
Par.?
prājñataijasaviśvākhyaṃ tasya rūpatrayaṃ viduḥ // (16.2)
Par.?
suṣuptisvapnajāgrantamavasthātrayameva tat / (17.1)
Par.?
virāṭ hiraṇyagarbhākhyam avyākṛtapadāhvayam // (17.2)
Par.?
turīyasya śivasyāsya avasthātrayagāminaḥ / (18.1)
Par.?
hiraṇyagarbhaḥ puruṣaḥ kāla ity eva kīrtitāḥ // (18.2)
Par.?
tisro 'vasthā jagatsṛṣṭisthitisaṃhārahetavaḥ / (19.1)
Par.?
bhavaviṣṇuviriñcākhyamavasthātrayamīśituḥ // (19.2)
Par.?
ārādhya bhaktyā muktiṃ ca prāpnuvanti śarīriṇaḥ / (20.1)
Par.?
kartā kriyā ca kāryaṃ ca karaṇaṃ ceti sūribhiḥ // (20.2)
Par.?
śaṃbhoścatvāri rūpāṇi kīrtyante parameṣṭhinaḥ / (21.1)
Par.?
pramātā ca pramāṇaṃ ca prameyaṃ pramitistathā // (21.2)
Par.?
catvāryetāni rūpāṇi śivasyaiva na saṃśayaḥ / (22.1)
Par.?
īśvarāvyākṛtaprāṇavirāḍbhūtendriyātmakam // (22.2)
Par.?
śivasyaiva vikāro 'yaṃ samudrasyeva vīcayaḥ / (23.1)
Par.?
īśvaraṃ jagatāmāhurnimittaṃ kāraṇaṃ tathā // (23.2)
Par.?
avyākṛtaṃ pradhānaṃ hi taduktaṃ vedavādibhiḥ / (24.1)
Par.?
hiraṇyagarbhaḥ prāṇākhyo virāṭ lokātmakaḥ smṛtaḥ // (24.2)
Par.?
mahābhūtāni bhūtāni kāryāṇi indriyāṇi ca / (25.1)
Par.?
śivasyaitāni rūpāṇi śaṃsanti munisattamāḥ // (25.2)
Par.?
paramātmā śivādanyo nāstīti kavayo viduḥ / (26.1)
Par.?
śivajātāni tattvāni pañcaviṃśanmanīṣibhiḥ // (26.2)
Par.?
uktāni na tadanyāni salilādūrmivṛndavat / (27.1)
Par.?
pañcaviṃśatpadārthebhyaḥ śivatattvaṃ paraṃ viduḥ // (27.2)
Par.?
tāni tasmādananyāni suvarṇakaṭakādivat / (28.1)
Par.?
sadāśiveśvarādyāni tattvāni śivatattvataḥ // (28.2)
Par.?
jātāni na tadanyāni mṛddravyaṃ kuṃbhabhedavat / (29.1)
Par.?
māyā vidyā kriyā śaktirjñānaśaktiḥ kriyāmayī // (29.2)
Par.?
jātāḥ śivānna saṃdehaḥ kiraṇā iva sūryataḥ / (30.1)
Par.?
sarvātmakaṃ śivaṃ devaṃ sarvāśrayavidhāyinam // (30.2)
Par.?
bhajasva sarvabhāvena śreyaścetprāptumicchasi // (31.1)
Par.?
iti śrīliṅgamahāpurāṇe uttarabhāge ṣoḍaśo 'dhyāyaḥ // (32.1)
Par.?
Duration=0.10739612579346 secs.