Texts

pārada iti // (1) Par.?

bhavasindhoḥ pāraṃ dadātīti pāradaḥ // (2) Par.?

ata eva rasapraśaṃsāyāmuktam / (3.1) Par.?

tejo mṛgāṅkamauleḥ soḍhaṃ svenaiva tejasāṃ puñjaiḥ / (3.2) Par.?

ajarāmaratvavitaraṇakalpataruṃ taṃ raseśvaraṃ vande // (3.3) Par.?

aparamapi / (4.1) Par.?

aṇimādyaṣṭaguṇairvibhūtidoṣaṃ na saṃsāramapārapāradaḥ / (4.2) Par.?

muktvaikaṃ rasarājaṃ ko'nyo'thāste jarāpaho hyaparaḥ / (4.3) Par.?

iti // (4.4) Par.?

īdṛk pāradaḥ sudine sādhitaḥ // (5) Par.?

sa ca dehalohayoḥ siddhiṃ kuryāditi tātparyārthaḥ // (6) Par.?

dehasiddhirvyādhiharatvena // (7) Par.?

śarīrārogyatā lohasiddhiśca svarṇarajataśodhanakaraṇādikaḥ // (8) Par.?

punaḥ kīdṛśo rasaḥ // (9) Par.?

sarvarogāṇāṃ jetā // (10) Par.?

sarve ca te rogāḥ śarīramano'bhipannā jvaramadamūrchādayaḥ teṣāṃ jetā vināśakara ityarthaḥ // (11) Par.?

punaḥ kimbhūto rasaḥ puṣṭikara iti // (12) Par.?

puṣṭirdhātupoṣaṇaṃ tāṃ karoti iti puṣṭikaraḥ // (13) Par.?

ata eva poṣaṇādvājīkaraṇaśaktyāyamapi vikhyātaḥ // (14) Par.?

sudine iti // (15) Par.?

śobhanadivase jyotiḥśāstroktasaumyatithinakṣatrādiyukte dine ityarthaḥ // (16) Par.?

tathācoktam / (17.1) Par.?

natvā guruṃ bhairavakanyakābaṭuṃ dvīpānanaṃ siddhamamuṣya rakṣitam / (17.2) Par.?

antaḥ sunīlaṃ bahir ujjvalaṃ rasaṃ niveśayet khalvatale śubhe dine // (17.3) Par.?

anyatrāpyuktam / (18.1) Par.?

vijane pavanādivarjite vā deśe saumyadine dinādikāle / (18.2) Par.?

balimatra vidhāya pūjanaṃ ca tadanuvidhiḥ pratimantritaṃ vidhijñaiḥ / (18.3) Par.?

iti // (18.4) Par.?

sādhita iti parimāṇādikena saṃskāritaḥ // (19) Par.?

tadyathā / (20.1) Par.?

raso grāhyaḥ sunakṣatre palānāṃ śatamātrakam / (20.2) Par.?

pañcāśatpañcaviṃśadvā daśapañcaikameva vā // (20.3) Par.?

palānnyūnaṃ na kartavyaṃ rasasaṃskāramuttamam / (21.1) Par.?

tasmāt sūtaviśuddhyarthaṃ sahāyair nipuṇair yutaḥ // (21.2) Par.?

sarvopaskaramādāya rasakarma samārabhet / (22.1) Par.?

ityādi // (22.2) Par.?

saṃsiddhimiti // (23) Par.?

aihikīm āmuṣmikīṃ ca // (24) Par.?

uktaṃ ca / (25.1) Par.?

yataḥ baddhaḥ khecaratāṃ padaṃ nayeddharate vyādhisamūhaṃ mūrchitaḥ / (25.2) Par.?

jārito janmajarāvināśanaḥ krāmito rañjito bhaktimuktidaḥ // (25.3) Par.?

yadi pañcatvagataṃ hi sūtakaṃ bhakṣitaṃ syādamaratvakārakam / (26.1) Par.?

jalaukāranibaddhaḥ sarvajo grathito manmatharasadāyakaḥ // (26.2) Par.?

bhasmākāragataṃ girīśajam asitaṃ bhūcarabhūtisiddhidam / (27.1) Par.?

pārāpāram apārapāradaṃ tasmāt kaḥ karuṇākaro 'paraḥ // (27.2) Par.?

iti // (28) Par.?

dehalohayoriti // (29) Par.?

dehaṃ śarīraṃ tasya siddhir jarāvyādhirāhityaṃ lohaṃ suvarṇādi tasya siddhiḥ saṃskāratvamatra vistarabhayānna likhitam // (30) Par.?