UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3927
- Click on a sentence to show its analysis
- Keep the mouse pointer over a lemma to show its meanings.
śrīmārkaṇḍeya uvāca / (1.1)
Par.?
sa dānavo varaṃ labdhvā jagāma svapuraṃ prati / (1.2)
Par.?
dadarśa svapuraṃ rājañchobhitaṃ citracatvaraiḥ // (1.3)
Par.?
udyānaiścaiva vividhaiḥ kadalīkhaṇḍamaṇḍitaiḥ / (2.1)
Par.?
panasairbakulaiścaivāmrātairāmraiśca campakaiḥ // (2.2)
Par.?
aśokairnālikeraiśca mātuliṅgaiḥ sadāḍimaiḥ / (3.1)
Par.?
nānāvṛkṣaiśca śobhāḍhyaṃ taḍāgairupaśobhitam // (3.2)
Par.?
devatāyatanair divyair dhvajamālāsuśobhitaiḥ / (4.1)
Par.?
vedādhyayananirghoṣair maṅgalādyair vināditam // (4.2)
Par.?
prāviśadbhavane divye kāñcane rukmamālini / (5.1)
Par.?
apaśyatsa sutān bhāryām amātyān dāsabhṛtyakān // (5.2)
Par.?
tato jayapradān sarvān itaścetaśca dhāvataḥ / (6.1)
Par.?
hṛcchobhāṃ ca prakurvāṇān vai jayantībhiruccakaiḥ // (6.2)
Par.?
kecit toraṇam ābadhya kecit puṣpāṇyavākiran / (7.1)
Par.?
mātuliṅgakarāścānye dhāvanti hyandhakaṃ prati // (7.2)
Par.?
pure janāśca dṛśyante bhājanairannapūritaiḥ / (8.1)
Par.?
pūrṇahastāḥ pradṛśyante tatraiva bahavo janāḥ // (8.2)
Par.?
sākṣatair bhājanais tatra śatasāhasrayoṣitaḥ / (9.1)
Par.?
mantrān paṭhanti viprāśca maṅgalānyapi yoṣitaḥ // (9.2) Par.?
amātyāścaiva bhṛtyāśca gajāṃścāḍhaukayanti ca / (10.1)
Par.?
vardhāpayanti te sarve ye kecit puravāsinaḥ // (10.2)
Par.?
hṛṣṭastuṣṭo 'vasattatra sacivaiḥ saha so 'ndhakaḥ / (11.1)
Par.?
dadarśa sa jagatsarvaṃ turaṅgāṃśca padātikān // (11.2)
Par.?
tathaiva vividhān kośāṃs tatra kāñcanapūritān / (12.1)
Par.?
mahiṣīrgā vṛṣāṃścaivāpaśyacchatrāṇyanekadhā // (12.2)
Par.?
sa evamandhakas tatra kiyantaṃ kālamāvasat / (13.1)
Par.?
hṛṣṭastuṣṭo vasan martye sa surair nābhyabhūyata // (13.2)
Par.?
varaṃ labdhaṃ tu taṃ jñātvā śaṅkitāḥ svargavāsinaḥ / (14.1)
Par.?
ekībhūtāśca te sarve vāsavaṃ śaraṇaṃ gatāḥ // (14.2)
Par.?
śakra uvāca / (15.1)
Par.?
kathamāgamanaṃ vo 'tra sarveṣām api nākinām / (15.2)
Par.?
kasmādvo bhayamutpannamāgatāḥ śaraṇaṃ katham // (15.3)
Par.?
tataste hyamarāḥ sarve śakram etad vaco 'bruvan // (16.1)
Par.?
suranāthāndhako nāma daityaḥ śambhuvarorjitaḥ / (17.2)
Par.?
ajeyaḥ sarvadevānāṃ kiṃ nu kāryamataḥ param // (17.3)
Par.?
tattvaṃ cintaya deveśa ka upāyo vidhīyatām / (18.1)
Par.?
itthaṃ vadanti te devāḥ śakrāgre mantraṇodyatāḥ // (18.2)
Par.?
mantrayanti ca yāvad vai tāvaccāramukheritam / (19.1)
Par.?
jñātvā tatra sa devaughaṃ dānavo nirgato gṛhāt // (19.2)
Par.?
ekākī syandanārūḍha āyurdhaibahubhir vṛtaḥ / (20.1)
Par.?
durgamaṃ merupṛṣṭhaṃ sa līlayaiva gato nṛpa // (20.2)
Par.?
svarṇaprākārasaṃyuktaṃ śobhitaṃ vividhāśramaiḥ / (21.1)
Par.?
durgamaṃ śatruvargasya tadā pārthivasattama // (21.2)
Par.?
praviveśāsurastatra līlayā svagṛhe yathā / (22.1)
Par.?
vṛtrahā bhayamāpannaḥ svakīyaṃ cāsanaṃ dadau // (22.2)
Par.?
upaviṣṭo 'ndhakastatra śakrasyaivāsane śubhe / (23.1)
Par.?
āsthānaṃ kalayāmāsa sarvatastridaśāvṛtam // (23.2)
Par.?
śakra uvāca / (24.1)
Par.?
kiṃ tavāgamanaṃ cātra kiṃ kāryaṃ kathayasva me / (24.2)
Par.?
yadasmadīyaṃ vittaṃ hi tatte dāsyāmi dānava // (24.3)
Par.?
andhaka uvāca / (25.1)
Par.?
nāhaṃ vai kāmaye kośaṃ na gajāṃśca sureśvara / (25.2)
Par.?
svakīyaṃ darśayasvādya svargaśṛṅgārabhūṣitam // (25.3)
Par.?
airāvataṃ mahānāgaṃ taṃ caivoccaiḥśravohayam / (26.1)
Par.?
urvaśyādīni ratnāni mama darśaya gopate // (26.2)
Par.?
pārijātakapuṣpāṇi vṛkṣajātīnanekaśaḥ / (27.1)
Par.?
vāditrāṇi ca sarvāṇi darśayasva śacīpate // (27.2)
Par.?
tasya tadvacanaṃ śrutvā śakraś cintitavān idam / (28.1)
Par.?
yo 'muṃ nihanti pāpmānaṃ na taṃ paśyāmi karhicit // (28.2)
Par.?
nāsti rakṣāpradaḥ kaścitsvargalokasya duḥkhinaḥ / (29.1)
Par.?
bhayatrasto dadāvanyadvāditrādyapsarogaṇaiḥ // (29.2)
Par.?
raṅgabhūmāvupāviśya kārayāmāsa tāṇḍavam / (30.1)
Par.?
upaviṣṭāḥ surāḥ sarve yamamārutakinnarāḥ // (30.2)
Par.?
urvaśyādyā apsaraso gītavāditrayogataḥ / (31.1)
Par.?
nanṛtuḥ puratastasya sarvā ekaikaśo nṛpa // (31.2)
Par.?
na vyaśrāmyata taccittaṃ dṛṣṭvā cāpsarasastadā / (32.1)
Par.?
śacīṃ prati manastasya sakāmamabhavannṛpa // (32.2)
Par.?
gṛhītvā śakrabhāryāṃ sa prasthitaḥ svapuraṃ prati / (33.1)
Par.?
tataḥ pravavṛte yuddhamandhakasya suraiḥ saha // (33.2)
Par.?
tena devagaṇāḥ sarve dhvastāḥ pārthivasattama / (34.1)
Par.?
saṃgrāme vividhaiḥ śastraiś cakravajrādibhirghanaiḥ // (34.2)
Par.?
saṃtāpitāḥ surāḥ sarve kṣayaṃ nītā hyanekaśaḥ / (35.1)
Par.?
sarve 'pi marutastena bhagnāḥ saṃgrāmamūrdhani // (35.2)
Par.?
yathā siṃhogajān sarvān vicitya vicared vanam / (36.1)
Par.?
tadvad ekena te devā jitāḥ sarve parāṅmukhāḥ // (36.2)
Par.?
bālo 'dhipo yathā grāme svecchayā pīḍayejjanān / (37.1)
Par.?
svairamākramya gṛhṇāti kośavāsāṃsi cāsakṛt // (37.2)
Par.?
gataṃ na paśyaty ātmānaṃ prajāsaṃtāpanena ca / (38.1)
Par.?
gṛhītvā śakrabhāryāṃ sa gato vai dānavottamaḥ // (38.2)
Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe śūlabhedamāhātmye śacīharaṇavarṇanaṃ nāma ṣaṭcatvāriṃśo 'dhyāyaḥ // (39.1)
Par.?
Duration=0.13216686248779 secs.