Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Shivaism, Śiva, Sāṃkhya
Show parallels Show headlines
Use dependency labeler
Chapter id: 5964
- Click on a sentence to show its analysis
- Keep the mouse pointer over a lemma to show its meanings.
svabhāvam eke kavayo vadanti kālaṃ tathānye parimuhyamānāḥ / (1.1) Par.?
devasyaiṣa mahimā tu loke yenedaṃ bhrāmyate brahmacakram // (1.2) Par.?
yenāvṛtaṃ nityam idaṃ hi sarvaṃ jñaḥ kālakāro guṇī sarvavidyaḥ / (2.1) Par.?
teneśitaṃ karma vivartate ha pṛthivyāptejo'nilakhāni cintyam // (2.2) Par.?
tat karma kṛtvā vinivartya bhūyas tattvasya tattvena sametya yogam / (3.1) Par.?
ekena dvābhyāṃ tribhir aṣṭabhir vā kālena caivātmaguṇaiś ca sūkṣmaiḥ // (3.2) Par.?
ārabhya karmāṇi guṇānvitāni bhāvāṃś ca sarvān viniyojayed yaḥ / (4.1) Par.?
teṣām abhāve kṛtakarmanāśaḥ karmakṣaye yāti sa tattvato 'nyaḥ // (4.2) Par.?
ādiḥ sa saṃyoganimittahetuḥ paras trikālād akalo 'pi dṛṣṭaḥ / (5.1) Par.?
taṃ viśvarūpaṃ bhavabhūtam īḍyaṃ devaṃ svacittastham upāsya pūrvam // (5.2) Par.?
sa vṛkṣakālākṛtibhiḥ paro 'nyo yasmāt prapañcaḥ parivartate 'yaṃ / (6.1) Par.?
dharmāvahaṃ pāpanudaṃ bhageśaṃ jñātvātmastham amṛtaṃ viśvadhāma // (6.2) Par.?
tam īśvarāṇāṃ paramaṃ maheśvaraṃ taṃ devatānāṃ paramaṃ ca daivataṃ / (7.1) Par.?
patiṃ patīnāṃ paramaṃ parastād vidāma devaṃ bhuvaneśam īḍyam // (7.2) Par.?
na tasya kāryaṃ karaṇaṃ ca vidyate na tatsamaś cābhyadhikaś ca dṛśyate / (8.1) Par.?
parāsya śaktir vividhaiva śrūyate svābhāvikī jñānabalakriyā ca // (8.2) Par.?
na tasya kaścit patir asti loke na ceśitā naiva ca tasya liṅgaṃ / (9.1) Par.?
sa kāraṇaṃ karaṇādhipādhipo na cāsya kaścij janitā na cādhipaḥ // (9.2) Par.?
yas tūrṇanābha iva tantubhiḥ pradhānajaiḥ svabhāvataḥ / (10.1) Par.?
deva ekaḥ svam āvṛṇot sa no dadhād brahmāpyayam // (10.2) Par.?
eko devaḥ sarvabhūteṣu gūḍhaḥ sarvavyāpī sarvabhūtāntarātmā / (11.1) Par.?
karmādhyakṣaḥ sarvabhūtādhivāsaḥ sākṣī cetā kevalo nirguṇaś ca // (11.2) Par.?
eko vaśī niṣkriyāṇāṃ bahūṇām ekaṃ bījaṃ bahudhā yaḥ karoti / (12.1) Par.?
tam ātmasthaṃ ye 'nupaśyanti dhīrās teṣāṃ sukhaṃ śāśvataṃ netareṣāṃ // (12.2) Par.?
nityo nityānāṃ cetanaś cetanānām eko bahūnāṃ yo vidadhāti kāmān / (13.1) Par.?
tatkāraṇaṃ sāṃkhyayogādhigamyaṃ jñātvā devaṃ mucyate sarvapāśaiḥ // (13.2) Par.?
na tatra sūryo bhāti na candratārakaṃ nemā vidyuto bhānti kuto 'yam agniḥ / (14.1) Par.?
tam eva bhāntam anubhāti sarvaṃ tasya bhāsā sarvam idaṃ vibhāti // (14.2) Par.?
eko haṃso bhuvanasyāsya madhye sa evāgniḥ salile saṃniviṣṭaḥ / (15.1) Par.?
tam eva viditvāti mṛtyum eti nānyaḥ panthā vidyate 'yanāya // (15.2) Par.?
sa viśvakṛd viśvavid ātmayonir jñaḥ kālakāro guṇī sarvavidyaḥ / (16.1) Par.?
pradhānakṣetrajñapatir guṇeśaḥ saṃsāramokṣasthitibandhahetuḥ // (16.2) Par.?
sa tanmayo hy amṛta īśasaṃstho jñaḥ sarvago bhuvanasyāsya goptā / (17.1) Par.?
sa īśe asya jagato nityam eva nānyo hetur vidyata īśanāya // (17.2) Par.?
yo brahmāṇaṃ vidadhāti pūrvaṃ yo vai vedāṃś ca prahiṇoti tasmai / (18.1) Par.?
taṃ ha devam ātmabuddhiprakāśaṃ mumukṣur vai śaraṇam ahaṃ prapadye // (18.2) Par.?
niṣkalaṃ niṣkriyaṃ śāntaṃ niravadyaṃ nirañjanam / (19.1) Par.?
amṛtasya paraṃ setuṃ dagdhendhanam ivānalam // (19.2) Par.?
yadā carmavad ākāśaṃ veṣṭayiṣyanti mānavāḥ / (20.1) Par.?
tadā devam avijñāya duḥkhasyānto bhaviṣyati // (20.2) Par.?
tapaḥprabhāvād devaprasādāt brahma ha śvetāśvataro 'tha vidvān / (21.1) Par.?
atyāśramibhyaḥ paramaṃ pavitraṃ provāca samyag ṛṣisaṅghajuṣṭam // (21.2) Par.?
vedānte paramaṃ guhyaṃ purākalpe pracoditam / (22.1) Par.?
nāpraśāntāya dātavyaṃ nāputrāyāśiṣyāya vā punaḥ // (22.2) Par.?
yasya deve parā bhaktir yathā deve tathā gurau / (23.1) Par.?
tasyaite kathitā hy arthāḥ prakāśante mahātmanaḥ prakāśante mahātmanaḥ // (23.2) Par.?
Duration=0.11164212226868 secs.