Texts

agnir uvāca / (1.1) Par.?

kaśyapasya vede sargamadityādiṣu he mune / (1.2) Par.?

cākṣuṣe tuṣitā devāste 'dityāṃ kaśyapātpunaḥ // (1.3) Par.?

āsan viṣṇuś ca śakraś ca tvaṣṭā dhātā tathāryamā / (2.1) Par.?

pūṣā vivasvān savitā mitro 'tha varuṇo bhagaḥ // (2.2) Par.?

aṃśuś ca dvādaśādityā āsan vaivasvate 'ntare / (3.1) Par.?

ariṣṭanemipatrīnām apatyānīha ṣoḍaśa // (3.2) Par.?

bahuputrastha viduṣaś catasro vidyutaḥ sutāḥ / (4.1) Par.?

pratyaṅgirajāḥ śreṣṭhāḥ kṛśāśvasya surāyudhāḥ // (4.2) Par.?

udayāstamane sūrye tadvadete yuge yuge / (5.1) Par.?

hiraṇyakaśipurdityāṃ hiraṇyākṣaś ca kaśyapāt // (5.2) Par.?

siṃhikā cābhavat kanyā vipracitteḥ parigrahaḥ / (6.1) Par.?

rāhuprabhṛtayastasyāṃ saiṃhikeyā iti śrutāḥ // (6.2) Par.?

hiraṇyakaśipoḥ putrāś catvāraḥ prathitaujasaḥ / (7.1) Par.?

anuhrādaś ca hrādaś ca prahrādaścātivaiṣṇavaḥ // (7.2) Par.?

saṃhrādaś ca caturtho 'bhūt hrādaputro hradas tathā / (8.1) Par.?

hradasya putra āyuṣmān śibir bāskala eva ca // (8.2) Par.?

virocanas tu prāhrādirbalirjajñe virocanāt / (9.1) Par.?

baleḥ putraśataṃ tvāsīd bāṇaśreṣṭhaṃ mahāmune // (9.2) Par.?

purākalpe hi bāṇena prasādyomāpatiṃ varaḥ / (10.1) Par.?

pārśvato vihariṣyāmītyevam prāptaś ca īśvarāt // (10.2) Par.?

hiraṇyākṣasutāḥ pañca śambaraḥ śakunistviti / (11.1) Par.?

dvimūrdhā śaṅkurāryaś ca śatamāsan danoḥ sutāḥ // (11.2) Par.?

svarbhānostu prabhā kanyā pulomnastu śacī smṛtā / (12.1) Par.?

upadānavī hayaśirā śarmiṣṭhā vārṣaparvaṇī // (12.2) Par.?

pulomā kālakā caiva vaiśvānarasute ubhe / (13.1) Par.?

kaśyapasya tu bhārye dve tayoḥ putrāś ca koṭayaḥ // (13.2) Par.?

prahrādasya catuṣkoṭyo nivātakavacāḥ kule / (14.1) Par.?

tāmrāyāḥ ṣaṭ sutāḥ syuś ca kākī śvenī ca bhāsyapi // (14.2) Par.?

gṛdhrikā śuci sugrīvā tābhyaḥ kākādayo 'bhavan / (15.1) Par.?

aśvāścoṣṭrāś ca tāmrāyā aruṇo garuḍas tathā // (15.2) Par.?

vinatāyāḥ sahasraṃ tu sarpāś ca surasābhavāḥ / (16.1) Par.?

kādraveyāḥ sahasraṃ tu śeṣavāsukitakṣakāḥ // (16.2) Par.?

daṃṣṭriṇaḥ krodhavaśajā dharotthāḥ pakṣiṇo jale / (17.1) Par.?

surabhyāṃ gomahiṣyādi irotpannāstṛṇādayaḥ // (17.2) Par.?

svasāyāṃ yakṣarakṣāṃsi muner aśvaraso 'bhavan / (18.1) Par.?

ariṣṭāyāṃ tu gandharvāḥ kaśyapāddhi sthiraṃ caraṃ // (18.2) Par.?

eṣāṃ putrādayo 'saṅkhyā devair vai dānavā jitāḥ / (19.1) Par.?

ditirvinaṣṭaputrā vai toṣayāmāsa kaśyapaṃ // (19.2) Par.?

putramindraprahartāramicchatī prāpa kaśyapāt / (20.1) Par.?

pādāprakṣālanāt suptā tasyā garbhaṃ jaghāna ha // (20.2) Par.?

chidramanviṣya cendrastu te devā maruto 'bhavan / (21.1) Par.?

śakrasyaikonapañcāśatsahāyā dīptatejasaḥ // (21.2) Par.?

etatsarvaṃ harirbrahmā abhiṣicya pṛthuṃ nṛpaṃ / (22.1) Par.?

dadau krameṇa rājyāni anyeṣāmadhipo hariḥ // (22.2) Par.?

dvijauṣadhīnāṃ candraś ca apāṃ tu varuṇo nṛpaḥ / (23.1) Par.?

rājñāṃ vaiśravaṇo rājā sūryāṇāṃ viṣṇorīśvaraḥ // (23.2) Par.?

vasūnāṃ pāvako rājā marutāṃ vāsavaḥ prabhuḥ / (24.1) Par.?

prajāpatīnāṃ dakṣo 'tha prahlādo dānavādhipaḥ // (24.2) Par.?

pitṝṇāṃ ca yamo rājā bhūtādīnāṃ haraḥ prabhuḥ / (25.1) Par.?

himavāṃś caiva śailānāṃ nadīnāṃ sāgaraḥ prabhuḥ // (25.2) Par.?

gāndharvāṇāṃ citraratho nāgānāmatha vāsukiḥ / (26.1) Par.?

sarpāṇāṃ takṣako rājā garuḍaḥ pakṣiṇāmatha // (26.2) Par.?

airāvato gajendrāṇāṃ govṛṣo 'tha gavāmapi / (27.1) Par.?

mṛgāṇām atha śārdūlaḥ plakṣo vanaspatīśvaraḥ // (27.2) Par.?

uccaiḥśravās tathāśvānāṃ sudhanvā pūrvapālakaḥ / (28.1) Par.?

dakṣiṇasyāṃ śaṅkhapadaḥ ketumān pālako jale / (28.2) Par.?

hiraṇyaromakaḥ saumye pratisargo 'yamīritaḥ // (28.3) Par.?

ity ādimahāpurāṇe āgneye pratisargavarṇanaṃ nāma ūnaviṃśatitamo 'dhyāyaḥ // (29.1) Par.?