Texts

brahmovāca / (1.1) Par.?

yeyaṃ pretaśilā khyātā gayāyāṃ sā tridhā sthitā / (1.2) Par.?

prabhāse pretakuṇḍe ca gayāsuraśirasyapi // (1.3) Par.?

dharmeṇa dhāritā bhūtyai sarvadevamayī śilā / (2.1) Par.?

pretatvaṃ ye gatā nṝṇāṃ mitrādyā bāndhavādayaḥ // (2.2) Par.?

teṣāmuddharaṇārthāya yataḥ pretaśilā śubhā / (3.1) Par.?

ato 'tra munayo bhūpā rājapatnyādayaḥ sadā // (3.2) Par.?

tasyāṃ śilāyāṃ śrāddhādikartāro brahmalokagāḥ / (4.1) Par.?

gayāsurasya yanmuṇḍaṃ tasya pṛṣṭhe śilā yataḥ // (4.2) Par.?

muṇḍapṛṣṭho giristasmātsarvadevamayo hyayam / (5.1) Par.?

muṇḍapṛṣṭhasya pādeṣu yato brahmasaromukhāḥ // (5.2) Par.?

aravindavanaṃ teṣu tena caivopalakṣitaḥ / (6.1) Par.?

aravindo girirnāma krauñcapādāṅkito yataḥ // (6.2) Par.?

tasmād giriḥ krauñcapādaḥ pitṝṇāṃ brahmalokadaḥ / (7.1) Par.?

gadādharādayo devā ādyā ādau vyavasthitāḥ // (7.2) Par.?

śilārūpeṇa cāvyaktās tasmāddevamayī śilā / (8.1) Par.?

gayā śiraśchādayitvā gurutvādāsthitā śilā // (8.2) Par.?

kālāntareṇa vyaktaścasthita ādigadādharaḥ / (9.1) Par.?

mahārudrādidevaistu anādinidhano hariḥ // (9.2) Par.?

dharmasaṃrakṣaṇārthāya adharmādivinaṣṭaye / (10.1) Par.?

daityarākṣasanāśārthaṃ matsyaḥ pūrvaṃ yathābhavat // (10.2) Par.?

kūrmo varāho nṛharirvāmano rāma ūrjitaḥ / (11.1) Par.?

yathā dāśarathī rāmaḥ kṛṣṇo buddho 'tha kalkyapi // (11.2) Par.?

tathā vyakto 'vyaktarūpī āsīdādirgadādharaḥ / (12.1) Par.?

ādirādau pūjito 'tra devairbrahmādibhiryataḥ // (12.2) Par.?

pādyādyair gandhapuṣpādyairata ādigadādharaḥ / (13.1) Par.?

gadādharaṃ suraiḥ sārdhamādyaṃ gatvā dadāti yaḥ // (13.2) Par.?

arghyaṃ pātraṃ ca pādyaṃ ca gandhapuṣpaṃ ca dhūpakam / (14.1) Par.?

dīpaṃ naivedyam utkṛṣṭaṃ mālyāni vividhāni ca // (14.2) Par.?

vastrāṇi mukuṭaṃ ghaṇṭā cāmaraṃ prekṣaṇīyakam / (15.1) Par.?

alaṅkārādikaṃ piṇḍamannadānādikaṃ tathā // (15.2) Par.?

teṣāṃ tāvaddhanaṃ dhānyam āyur ārogyasampadaḥ / (16.1) Par.?

puttrādisantatiśreyovidyārthaṃ kāma īpsitaḥ // (16.2) Par.?

bhāryā svargādivāsaśca svargādāgatya rājyakam / (17.1) Par.?

kulīnaḥ sattvasampanno raṇe marditaśātravanaḥ // (17.2) Par.?

vadhabandhavinirmuktaścānte mokṣamavāpnuyāt / (18.1) Par.?

śrāddhapiṇḍādikartāraḥ pitṛbhirbrahmalokagāḥ // (18.2) Par.?

jagannāthaṃ ye 'rcayanti subhadrāṃ balabhadrakam / (19.1) Par.?

jñānaṃ prāpya śriyaṃ putrānvrajanti puruṣottamam // (19.2) Par.?

puruṣottamarājasya sūryasya ca gaṇasya ca / (20.1) Par.?

puratastatra piṇḍādi pitṝṇāṃ brahmalokadaḥ // (20.2) Par.?

natvā kapardivighneśaṃ sarvavighnaiḥ pramucyate / (21.1) Par.?

kārtikeyaṃ pūjayitvā brahmalokamavāpnuyāt // (21.2) Par.?

dvādaśādityamabhyarcya sarvarogaiḥ pramucyate / (22.1) Par.?

vaiśvānaraṃ samabhyarcya uttamāṃ dīptimāpnuyāt // (22.2) Par.?

revantaṃ pūjayitvātha aśvānāpnotyanuttamān / (23.1) Par.?

abhyarcyendraṃ mahaiśvaryaṃ gaurīṃ saubhāgyamāpnuyāt // (23.2) Par.?

vidyāṃ sarasvatīṃ prārcya lakṣmīṃ sampūjya ca śriyam / (24.1) Par.?

garuḍaṃ ca samabhyarcya vighnavṛndātpramucyate // (24.2) Par.?

kṣetrapālaṃ samabhyarcya grahavṛndaiḥ pramucyate / (25.1) Par.?

muṇḍapṛṣṭhaṃ samabhyarcya sarvakāmamavāpnuyāt // (25.2) Par.?

nāgāṣṭakaṃ samabhyarcya nāgadaṣṭo vimucyate / (26.1) Par.?

brahmāṇaṃ pūjayitvā ca brahmalokamavāpnuyāt // (26.2) Par.?

balabhadraṃ samabhyarcya balārogyamavāpnuyāt / (27.1) Par.?

subhadrāṃ pūjayitvā tu saubhāgyaṃ paramāpnuyāt // (27.2) Par.?

sarvānkāmānavāpnoti sampūjya puruṣottamam / (28.1) Par.?

nārāyaṇaṃ tu sampūjya narāṇāmadhipo bhavet // (28.2) Par.?

spṛṣṭvā natvā nārasiṃhaṃ saṃgrāme vijayī bhavet / (29.1) Par.?

varāhaṃ pūjayitvā tu bhūmirājyamavāpnuyāt // (29.2) Par.?

mālāvidyādharau spaṣṭvā vidyādharapadaṃ labhet / (30.1) Par.?

sarvānkāmānavāpnoti sampūjyādigadādharam // (30.2) Par.?

somanāthaṃ samabhyarcya śivalokamavāpnuyāt / (31.1) Par.?

rudreśvaraṃ namaskṛtya rudraloke mahīyate // (31.2) Par.?

rāmeśvaraṃ naro natvā rāmavatsupriyo bhavet / (32.1) Par.?

brahmeśvaraṃ naraḥ stutvā brahmalokāya kalpyate // (32.2) Par.?

kāleśvaraṃ samabhyarcya naraḥ kālaṃjayo bhavet / (33.1) Par.?

kedāraṃ pūjayitvā tu śivaloke mahīyate // (33.2) Par.?

siddheśvaraṃ ca sampūjya siddho brahmapuraṃ vrajet / (34.1) Par.?

ādyai rudrādibhiḥ sārdhaṃ dṛṣṭvā hyādigadādharam // (34.2) Par.?

kulānāṃ śatamuddhṛtya nayedbrahmapuraṃ naraḥ / (35.1) Par.?

dharmārthaṃ prāpnuyād dharmamarthārtho cārthamāpnuyāt // (35.2) Par.?

kāmān samprāpnuyāt kāmī mokṣārtho mokṣamāpnuyāt / (36.1) Par.?

rājyārtho rājyamāpnoti śāntyarthaḥ śāntimāpnuyāt // (36.2) Par.?

sarvārthaḥ sarvamāpnoti sampūjyādigadādharam / (37.1) Par.?

putrānputrārthinī strī ca saubhāgyaṃ ca tadarthinī // (37.2) Par.?

vaṃśārthinī ca vaṃśānvai prāpyārcyādigadādharam / (38.1) Par.?

śrāddhena piṇḍadānena annadānena vāridaḥ // (38.2) Par.?

brahmalokamavāpnoti sampūjyādigadādharam / (39.1) Par.?

pṛthivyāṃ sarvatīrthebhyo yathā śreṣṭhā gayā purī // (39.2) Par.?

tathā śilādirūpaśca śreṣṭhaścaiva gadādharaḥ / (40.1) Par.?

tasmindṛṣṭe śilā dṛṣṭā yataḥ sarvaṃ gadādharaḥ // (40.2) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe gayāmāhātmyaṃ nāma ṣaḍaśītitamo 'dhyāyaḥ // (41.1) Par.?