Texts

brahmovāca / (1.1) Par.?

brahman bhādrapade māsi śuklāṣṭamyāmupoṣitaḥ / (1.2) Par.?

dūrvāṃ saurīṃ gaṇeśaṃ ca phalapuṣpaiḥ śivaṃ yajet // (1.3) Par.?

phalavrīhyādibhiḥ sarvaiḥ śambhave namaḥ śivāya ca / (2.1) Par.?

tvaṃ dūrve 'mṛjanmāsi hyaṣṭamī sarvakāmabhāk // (2.2) Par.?

anagnipakvam aśnīyān mucyate brahmahatyayā / (3.1) Par.?

kṛṣṇāṣṭamyāṃ ca rohiṇyām ardharātre 'rcanaṃ hareḥ // (3.2) Par.?

kāryā viddhāpi saptamyā hanti pāpaṃ trijanmanaḥ / (4.1) Par.?

upoṣito 'rcayenmantrais tithibhānte ca pāraṇam // (4.2) Par.?

yogāya yogapataye yogeśvarāya yogasambhavāya govindāya namonamaḥ / (5.1) Par.?

yajñāya yajñeśvarāya yajñapataye govindāya namonamaḥ // (5.2) Par.?

viśvāya viśveśvarāya viśvapataye govindāya namonamaḥ / (6.1) Par.?

sarvāya sarveśvarāya sarvetāya sarvasambhavāya govindāya namonamaḥ // (6.2) Par.?

sthaṇḍile pūjayeddevaṃ sacandrāṃ rohiṇīṃ tathā / (7.1) Par.?

śaṅkhe toyaṃ samādāya sapuṣpaphalacandanam // (7.2) Par.?

jānubhyāmavanīṃ gatvā candrāyārghyaṃ nivedayet / (8.1) Par.?

kṣīrodārṇavasambhūta atrinetrasamudbhava // (8.2) Par.?

gṛhāṇārghyaṃ śaśāṅkeśa rohiṇyā sahito mama / (9.1) Par.?

śriyai ca vasudevāya nandāya ca balāya ca // (9.2) Par.?

yaśodāyai tato dadyādarghyaṃ phalasamanvitam / (10.1) Par.?

anantaṃ vāmanaṃ śauriṃ vaikuṇṭhaṃ puruṣottamam // (10.2) Par.?

vāsudevaṃ hṛṣīkeśaṃ mādhavaṃ madhusūdanam / (11.1) Par.?

varāhaṃ puṇḍarīkākṣaṃ nṛsiṃhaṃ daityasūdanam // (11.2) Par.?

dāmodaraṃ padmanābhaṃ keśavaṃ gāruḍadhvajam / (12.1) Par.?

govindamacyutaṃ devam anantamaparājitam // (12.2) Par.?

adhokṣajaṃ jagadbījaṃ sargasthityantakāraṇam / (13.1) Par.?

anādinidhanaṃ viṣṇuṃ trilokeśaṃ trivikramam // (13.2) Par.?

nārāyaṇaṃ caturbāhuṃ śaṅkhacakragadādharam / (14.1) Par.?

pītāmbaradharaṃ divyaṃ vanamālāvibhūṣitam // (14.2) Par.?

śrīvatsāṅkaṃ jagaddhāma śrīpatiṃ śrīdharaṃ harim / (15.1) Par.?

yaṃ devaṃ devakī devī vasudevādajījanat // (15.2) Par.?

bhaumasya brahmaṇo guptyai tasmai brahmātmane namaḥ / (16.1) Par.?

nāmānyetāni saṃkīrtya gatyarthaṃ prārthayetpunaḥ // (16.2) Par.?

trāhi māṃ devadeveśa hare saṃsārasāgarāt / (17.1) Par.?

trāhi māṃ sarvapāpaghna duḥkhaśokārṇavātprabho // (17.2) Par.?

devakīnandana śrīśa hare saṃsārasāgarāt / (18.1) Par.?

durvṛttāṃstrāyase viṣṇo ye smaranti sakṛtsakṛt // (18.2) Par.?

so 'haṃ devātidurvṛttastrāhi māṃ śokasāgarāt / (19.1) Par.?

puṣkarākṣa nimagno 'haṃ mahatyajñānasāgare // (19.2) Par.?

trāhi māṃ devadeveśa tvāmṛte 'nyo na rakṣitā / (20.1) Par.?

svajanma vāsudevāya gobrāhmaṇahitāya ca // (20.2) Par.?

jagaddhitāya kṛṣṇāya govindāya namonamaḥ / (21.1) Par.?

śāntirastu śivaṃ cāstu dhanavikhyātirājyabhāk // (21.2) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe kṛṣṇāṣṭamīvratanirūpaṇaṃ nāmaikatriṃśaduttaraśatatamo 'dhyāyaḥ // (22.1) Par.?