Texts

prajāpatir vai yat prajā asṛjata tā vai tāntā asṛjata // (1) Par.?

tā hiṃkāreṇaivābhyajighrat // (2) Par.?

tāḥ prajā aśvam āraṃs tad badhyate vā etad yajño yaddhavīṃṣi pacyante yat somaḥ sūyate yat paśur ālabhyate // (3) Par.?

hiṃkāreṇa vā etat prajāpatir hatam abhijighrati yajñasyāhatatāyai yajñasyāptyai yajñasya vīryavattāyā iti // (4) Par.?

tasmād u hiṃkriyate // (5) Par.?

tasmād u ya eva pitā putrāṇāṃ sūrkṣati sa śreṣṭho bhavati // (6) Par.?

prajāpatir hi tam abhijighrati // (7) Par.?

yacchakunir āṇḍam adhyāste yan na sūyate taddhi sāpi hiṃkṛṇoti // (8) Par.?

atho khalv āhur maharṣir vā etad yajñasyāgre geyam apaśyat // (9) Par.?

tad etad yajñasyāgre geyaṃ yaddhiṃkāraḥ // (10) Par.?

taṃ devāś ca ṛṣayaś cābruvan vasiṣṭho 'yam astu yo no yajñasyāgre geyam adrāg iti // (11) Par.?

tad etad yajñasyāgre geyaṃ yaddhiṃkāraḥ // (12) Par.?

tato vai sa devānāṃ śreṣṭho 'bhavat // (13) Par.?

yena vai śreṣṭhas tena vasiṣṭhaḥ // (14) Par.?

tasmād yasmin vāsiṣṭho brāhmaṇaḥ syāt taṃ dakṣiṇāyā nāntarīyāt // (15) Par.?

tathā hāsya prīto hiṃkāro bhavati // (16) Par.?

atha devāś ca ha vā ṛṣayaś ca yad ṛksāme apaśyaṃs te ha smaite apaśyan // (17) Par.?

te yatraite apaśyaṃs tata evainaṃ sarvaṃ doham aduhan // (18) Par.?

te vā ete dugdhe yātayāme ye ṛksāme // (19) Par.?

te hiṃkāreṇaivāpyāyete // (20) Par.?

hiṃkāreṇa vā ṛksāme āpīne yajamānāya dohaṃ duhāte // (21) Par.?

tasmād u hiṃkṛtyādhvaryavaḥ somam abhiṣuṇvanti // (22) Par.?

hiṃkṛtyodgātāraḥ sāmnā stuvanti // (23) Par.?

hiṃkṛtyokthaśa ṛcārtvijyaṃ kurvanti // (24) Par.?

hiṃkṛtyātharvāṇo brahmatvaṃ kurvanti // (25) Par.?

tasmād u hiṃkriyate // (26) Par.?

prajāpatir hi tam abhijighrati // (27) Par.?

atho khalv āhur eko vai prajāpater vrataṃ bibharti gaur eva // (28) Par.?

tad ubhaye paśava upajīvanti ye ca grāmyā ye cāraṇyā iti // (29) Par.?