Texts

aditiḥ putrakāmā sādhyebhyo devebhyo brahmaudanam apacat // (1) Par.?

tasyā uccheṣaṇam adaduḥ // (2) Par.?

tat prāśnāt // (3) Par.?

sā reto 'dhatta // (4) Par.?

tasyai catvāra ādityā ajāyanta // (5) Par.?

sā dvitīyam apacat // (6) Par.?

sāmanyatoccheṣaṇān ma ime 'jñata yad agre prāśiṣyāmīto me vasīyāṃso janiṣyanta iti // (7) Par.?

sāgre prāśnāt // (8) Par.?

sā reto 'dhatta // (9) Par.?

tasyai vyṛddham āṇḍam ajāyata // (10) Par.?

sādityebhya eva tṛtīyam apacat // (11) Par.?

bhogāya ma idaṃ śrāntam astv iti // (12) Par.?

te 'bruvan // (13) Par.?

varaṃ vṛṇāmahai // (14) Par.?

yo 'to jāyātā asmākaṃ sa eko 'sat // (15) Par.?

yo 'sya prajāyām ṛdhyātā asmākam bhogāya bhavād iti // (16) Par.?

tato vivasvān ādityo 'jāyata // (17) Par.?

tasya vā iyam prajā yan manuṣyaḥ // (18) Par.?

tāsv eka evarddho yo yajate // (19) Par.?

sa devānām bhogāya bhavati // (20) Par.?

devā vai yajñād rudram antarāyan // (21) Par.?

sa ādityān anvākramata // (22) Par.?

te dvidevatyān prāpadyanta // (23) Par.?

tān na pratiprāyacchan // (24) Par.?

tasmād api vadhyam prapannaṃ na pratiprayacchanti // (25) Par.?

tasmād dvidevatyebhya ādityo nirgṛhyate // (26) Par.?

yad uccheṣaṇād ajāyanta tasmād uccheṣaṇād gṛhyate // (27) Par.?

tisṛbhir ṛgbhir gṛhṇāti // (28) Par.?

mātā pitā putras tad eva tan mithunam // (29) Par.?

ulbaṃ garbho jarāyu tad eva tan mithunam // (30) Par.?

paśavo vā ete yad ādityaḥ // (31) Par.?

ūrg dadhi // (32) Par.?

dadhnā madhyataḥ śrīṇāti // (33) Par.?

ūrjam eva paśūnām madhyato dadhāti śṛtātaṅkyena medhyatvāya // (34) Par.?

tasmād āmā pakvaṃ duhe // (35) Par.?

paśavo vā ete yad ādityaḥ // (36) Par.?

pariśritya gṛhṇāti // (37) Par.?

pratirudhyaivāsmai paśūn gṛhṇāti // (38) Par.?

paśavo vā ete yad ādityaḥ // (39) Par.?

eṣa rudro yad agniḥ // (40) Par.?

pariśritya gṛhṇāti // (41) Par.?

rudrād eva paśūn antardadhāti // (42) Par.?

eṣa vai vivasvān ādityo yad upāṃśusavanaḥ // (43) Par.?

sa etam eva somapītham pariśaya ā tṛtīyasavanāt // (44) Par.?

vivasva ādityaiṣa te somapītha ity āha // (45) Par.?

vivasvantam evādityaṃ somapīthena samardhayati // (46) Par.?

yā divyā vṛṣṭis tayā tvā śrīṇāmīti // (47) Par.?

vṛṣṭikāmasya śrīṇīyāt // (48) Par.?

vṛṣṭim evāvarunddhe // (49) Par.?

yadi tājak praskanded varṣukaḥ parjanyaḥ syāt // (50) Par.?

yadi ciram avarṣukaḥ // (51) Par.?

na sādayati // (52) Par.?

asannāddhi prajāḥ prajāyante // (53) Par.?

nānuvaṣaṭkaroti // (54) Par.?

yad anuvaṣaṭkuryād rudram prajā anvavasṛjet // (55) Par.?

na hutvānvīkṣeta // (56) Par.?

yad anvīkṣeta cakṣur asya pramāyukaṃ syāt // (57) Par.?

tasmān nānvīkṣyaḥ // (58) Par.?