Texts

vasavas tvā gāyatreṇa chandasā nirvapantu / (1.1) Par.?

ūrjam akṣitam akṣīyamāṇam upajīvyāsam iti dātāraṃ vācayati // (1.2) Par.?

rudrās tvā traiṣṭubhena chandasā / (2.1) Par.?

ādityās tvā jāgatena chandasā / (2.2) Par.?

viśve tvā devā ānuṣṭubhena chandasā nirvapantu / (2.3) Par.?

ūrjam akṣitam akṣīyamāṇam upajīvyāsam iti dātāraṃ vācayati // (2.4) Par.?

niruptaṃ sūktenābhimṛśati // (3.1) Par.?

svargabrahmaudanau tantram // (4.1) Par.?

saṃnipāte brahmaudanamitam udakam āsecayed dvibhāgam // (5.1) Par.?

yāvantas taṇḍulāḥ syur nāvasiñcen na pratiṣiñcet // (6.1) Par.?

yadyavasiñcen mayi varco atho yaśa iti brahmā yajamānaṃ vācayati // (7.1) Par.?

atha pratiṣiñcet // (8.1) Par.?

ā pyāyasva saṃ te payāṃsīti dvābhyāṃ pratiṣiñcet // (9.1) Par.?

ā pyāyasva sam etu te viśvataḥ soma vṛṣṇyam / (10.1) Par.?

bhavā vājasya saṃgathe / (10.2) Par.?

saṃ te payāṃsi sam u yantu vājāḥ saṃ vṛṣṇyāny abhimātiṣāhaḥ / (10.3) Par.?

āpyāyamāno amṛtāya soma divi śravāṃsy uttamāni dhiṣveti // (10.4) Par.?

tatra ced upādhimātrāyāṃ nakhena na lavaṇasya kuryāt tenaivāsya tad vṛthānnaṃ sampadyate // (11.1) Par.?

ahataṃ vāso dakṣiṇata upaśete // (12.1) Par.?

tat sahiraṇyam // (13.1) Par.?

tatra dve udapātre nihite bhavataḥ // (14.1) Par.?

dakṣiṇam anyad antaram anyat // (15.1) Par.?

antaraṃ yato 'dhicariṣyan bhavati // (16.1) Par.?

bāhyaṃ jāṅmāyanam // (17.1) Par.?

tata udakam ādāya pātryām ānayati // (18.1) Par.?

darvyā kumbhyām // (19.1) Par.?

darvikṛte tatraiva pratyānayati // (20.1) Par.?

darvyottamam apādāya tatsuhṛd dakṣiṇato 'gner udaṅmukha āsīno dhārayati // (21.1) Par.?

athoddharati // (22.1) Par.?

uddhṛte yad apādāya dhārayati tad uttarārdha ādhāya rasair upasicya pratigrahītre dātopavahati // (23.1) Par.?

tasminn anvārabdhaṃ dātāraṃ vācayati // (24.1) Par.?

tantraṃ sūktaṃ pacchaḥ snātena yau te pakṣau yad atiṣṭhaḥ // (25.1) Par.?

yau te pakṣāv ajarau patatriṇau yābhyāṃ rakṣāṃsy apahaṃsy odana / (26.1) Par.?

tābhyāṃ pathyāsma sukṛtasya lokaṃ yatra ṛṣayaḥ prathamajāḥ purāṇāḥ / (26.2) Par.?

yad atiṣṭho divas pṛṣṭhe vyomann adhy odana / (26.3) Par.?

anvāyan satyadharmāṇo brāhmaṇā rādhasā saha // (26.4) Par.?

kramadhvam agninā nākaṃ pṛṣṭhāt pṛthivyā aham antarikṣam āruhaṃ svar yanto nāpekṣanta uruḥ prathasva mahatā mahimnedaṃ me jyotiḥ satyāya ceti tisraḥ sam agnaya iti sārdham etayā // (27.1) Par.?

ata ūrdhvaṃ vācite hute saṃsthite 'mūṃ te dadāmīti nāmagrāham upaspṛśet // (28.1) Par.?

sadakṣiṇaṃ kāmas tad ity uktam // (29.1) Par.?

ye bhakṣayanta iti purastāddhomāḥ // (30.1) Par.?

agne tvaṃ no antama uta trātā śivo bhavā varūthyaḥ / (31.1) Par.?

taṃ tvā śociṣṭha dīdivaḥ sumnāya nūnam īmahe sakhibhyaḥ / (31.2) Par.?

gayasphāno amīvahā vasuvit puṣṭivardhanaḥ / (31.3) Par.?

sumitraḥ sumano bhavety ājyabhāgau // (31.4) Par.?

pāṇāv udakam ānīyety uktam // (32.1) Par.?

pratimantraṇāntam // (33.1) Par.?

pratimantrite vyavadāyāśnanti // (34.1) Par.?

idāvatsarāyeti vratavisarjanam ājyaṃ juhuyāt // (35.1) Par.?

samidho 'bhyādadhyāt // (36.1) Par.?

tatra ślokau / (37.1) Par.?

yajuṣā mathite agnau yajuṣopasamāhite / (37.2) Par.?

savān dattvā savāgnes tu katham utsarjanaṃ bhavet / (37.3) Par.?

vācayitvā savān sarvān pratigṛhya yathāvidhi / (37.4) Par.?

hutvā saṃnatibhis tatrotsargaṃ kauśiko 'bravīt // (37.5) Par.?

prāñco 'parājitāṃ vā diśam avabhṛthāya vrajanti // (38.1) Par.?

apāṃ sūktair āplutya pradakṣiṇam āvṛtyāpa upaspṛśyānavekṣamāṇāḥ pratyudāvrajanti // (39.1) Par.?

brāhmaṇān bhaktenopepsanti // (40.1) Par.?

yathoktā dakṣiṇā yathoktā dakṣiṇā // (41.1) Par.?