Texts

purodayād astamayāc ca pāvakaṃ prabodhayed gṛhiṇī śuddhahastā / (1.1) Par.?

samatīte saṃdhivarṇe 'tha hāvayet susamiddhe pāvaka āhutīṣahiḥ // (1.2) Par.?

agnaye ca prajāpataye ca rātrāv ādityaś ca divā prajāpatiś ca / (2.1) Par.?

udakaṃ ca samidhaś ca home home puro varam // (2.2) Par.?

homyaiḥ samidbhiḥ payasā sthālīpākena sarpiṣā / (3.1) Par.?

sāyaṃ prātar homa eteṣām ekenāpi sidhyati // (3.2) Par.?

abhyuddhṛto huto 'gniḥ pramādād upaśāmyati / (4.1) Par.?

mathite vyāhṛtīr juhuyāt pūrṇahomau yathartvijau // (4.2) Par.?

vanaspatibhyo vānaspatyebhya oṣadhibhyo vīrudbhyaḥ sarvebhyo devebhyo devajanebhyaḥ puṇyajanebhya iti prācīnaṃ tad udakaṃ ninīyate // (5.1) Par.?

svadhā prapitāmahebhyaḥ svadhā pitāmahebhyaḥ svadhā pitṛbhya iti dakṣiṇataḥ // (6.1) Par.?

tārkṣyāyāriṣṭanemaye 'mṛtaṃ mahyam iti paścāt // (7.1) Par.?

somāya saptarṣibhya iti uttarataḥ // (8.1) Par.?

parimṛṣṭe parilipte ca parvaṇi vrātapataṃ hāvayed annam agnau / (9.1) Par.?

bhūyo dattvā svayam alpaṃ ca bhuktvāparāhṇe vratam upaiti yājñikam // (9.2) Par.?

anaśanaṃ brahmacaryaṃ ca bhūmau śucir agnim upaśete sugandhiḥ // (10.1) Par.?

agnīṣomābhyāṃ darśana indrāgnibhyām adarśane / (11.1) Par.?

āgneyaṃ tu pūrvaṃ nityam anvāhāryaṃ prajāpateḥ // (11.2) Par.?

ardhāhutis tu sauviṣṭakṛtī sarveṣāṃ haviṣāṃ smṛtā / (12.1) Par.?

ānumatī vā bhavati sthālīpākeṣv atharvaṇām // (12.2) Par.?

ubhau ca saṃdhijau yau vaiśvadevau yathartvijau / (13.1) Par.?

varjayitvā sabarhiṣaḥ sājyā yajñāḥ sadakṣiṇāḥ // (13.2) Par.?

yathāśakti yathābalaṃ hutādo 'nye ahutādo 'nye / (14.1) Par.?

vaiśvadevaṃ havir ubhaye saṃcaranti / (14.2) Par.?

te samyañca iha mādayantām iṣam ūrjaṃ yajamānā yam icchata // (14.3) Par.?

viśve devā idaṃ havir ādityāsaḥ saparyata / (15.1) Par.?

asmin yajñe mā vyathiṣy amṛtāya haviṣkṛtam // (15.2) Par.?

vaiśvadevasya haviṣaḥ sāyaṃ prātar juhoti / (16.1) Par.?

sāyamāśaprātarāśau yajñāv etau smṛtāv ubhau // (16.2) Par.?

apratibhuktau śucikāryau ca nityaṃ vaiśvadevau jānatā yajñaśreṣṭhau / (17.1) Par.?

nāśrotriyo nānavaniktapāṇir nāmantravij juhuyān nāvipaścit // (17.2) Par.?

bībhatsavaḥ śucikāmā hi devā nāśraddadhānasya havir juṣante / (18.1) Par.?

brāhmaṇena brahmavidā tu hāvayen na strīhutaṃ śūdrahutaṃ ca devagam // (18.2) Par.?

yas tu vidyād ājyabhāgau yajñān mantraparikramān / (19.1) Par.?

devatājñānam āvṛta āśiṣaś ca karma striyā apratiṣiddham āhuḥ // (19.2) Par.?