Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 12189
  • Click on a sentence to show its analysis
  • Keep the mouse pointer over a lemma to show its meanings.
yā dvirūpā sā vārtraghnī // (1) Par.?
yat tayā krīṇīyāj jāyukam asya rāṣṭraṃ syāt // (2) Par.?
atha yasya tādṛśy anustaraṇī bhavati tājag eṣām aparaḥ pramīyate // (3) Par.?
yā rohiṇī kṛṣṇākṣī kṛṣṇavālā kṛṣṇaśaphā sā pitṛdevatyā // (4) Par.?
yat tayā krīṇīyāt pramāyuko yajamānaḥ syāt // (5) Par.?
atha yasya tādṛśy anustaraṇī bhavaty ṛtumad eṣām aparaḥ pramīyate // (6) Par.?
yāruṇā babhrulomnī śvetopakāśā śucyadakṣī tat somakrayaṇyā rūpaṃ // (7) Par.?
svenaiva rūpeṇa krīyate // (8) Par.?
kāṇā syād akharvā śroṇā saptaśaphā // (9) Par.?
tathā sarvayā krīyate // (10) Par.?
ekahāyanyākrayyā // (11) Par.?
vāg vai somakrayaṇī // (12) Par.?
tasmāt prajāḥ saṃvatsare vācaṃ vadanti // (13) Par.?
apsu krayyaḥ // (14) Par.?
oṣadhayo vai somaḥ // (15) Par.?
āpā oṣadhīnāṃ rasaḥ // (16) Par.?
tathā sa rasaḥ kriyate // (17) Par.?
kraye vā ahaṃ somasya tṛtīyaṃ savanam avarundhe vedeti ha smāhāruṇa aupaveśiḥ // (18) Par.?
paśavo vai tṛtīyaṃ savanaṃ // (19) Par.?
paśūnāṃ carma // (20) Par.?
yac carmaṇi nivapati tenaiva tṛtīyaṃ savanam avarunddhe // (21) Par.?
rohite nivapati // (22) Par.?
tasmāt paśūnāṃ rohitarūpam // (23) Par.?
ānaḍuhe nivapati // (24) Par.?
anaḍvān vai sarvāṇi vayāṃsi paśūnāṃ // (25) Par.?
sarvāṇy eva vayāṃsi paśūnām āptvāvarunddhe // (26) Par.?
atho bahv eva yajñasyāvarunddhe // (27) Par.?
somaṃ vicinvanti pāpavasīyasasya vyāvṛttyai // (28) Par.?
atho devebhya evainaṃ śundhanti // (29) Par.?
nādhvaryuḥ somaṃ vicinuyān na yajamāno na yajamānasya puruṣāḥ // (30) Par.?
nopadraṣṭāro vicīyamānasya syuḥ // (31) Par.?
yad upadraṣṭāro vicīyamānasya syuḥ kṣudhaṃ prajā nīyuḥ // (32) Par.?
avartir yajamānaṃ gṛhṇīyāt kṣodhuko 'dhvaryuḥ syāt // (33) Par.?
śundha somam āpannaṃ nirasyeti brūyāt // (34) Par.?
grasitaṃ vā etat somasya yad āpannam // (35) Par.?
grasitam ete somasya niṣkhidanti ye somaṃ vicinvanti // (36) Par.?
tasmāt somavikrayiṇo bahu krīṇanto bahu vindamānāḥ kṣodhukāḥ // (37) Par.?
grasitaṃ hy ete somasya niṣkhidanti // (38) Par.?
āsmāko 'sīti // (39) Par.?
abhitsāra evāsyaiṣaḥ // (40) Par.?
śukras te grahā iti śukram evāsya gṛhṇāti // (41) Par.?
abhi tyaṃ devaṃ savitāram iti // (42) Par.?
savitṛprasūta eva gṛhṇāti // (43) Par.?
atichandasā gṛhṇāti // (44) Par.?
sarvāṇi vai chandāṃsy atichandāḥ // (45) Par.?
sarvair evainaṃ chandobhir gṛhṇāti // (46) Par.?
varṣma vā eṣā chandasām // (47) Par.?
varṣmainaṃ samānānāṃ gamayati // (48) Par.?
pañcabhir gṛhṇāti // (49) Par.?
pāṅkto yajñaḥ // (50) Par.?
yāvān eva yajñas tam ālabdha // (51) Par.?
ekaikām utsarjaṃ mimīte // (52) Par.?
ayātayāmnyāyātayāmnyaiva mimīte // (53) Par.?
etāvatī vā āsām ekaikasyā vīryam āpyate // (54) Par.?
tasmād imāḥ kāmaṃ prasārayati kāmaṃ pratyañcati // (55) Par.?
daśakṛtvo mimīte // (56) Par.?
daśākṣarā virāṭ // (57) Par.?
virājam evāpnoti // (58) Par.?
atho vairājāḥ paśavaḥ // (59) Par.?
paśūn evāvarunddhe // (60) Par.?
dvir gṛhṇāti // (61) Par.?
dve hi savane // (62) Par.?
yāvān vai somo gṛhītaḥ sa yajamānasya // (63) Par.?
yam abhyūhati sa sadasyānām // (64) Par.?
prajābhyas tvety abhyūhati // (65) Par.?
gotrād gotrāddhi prasarpanti // (66) Par.?
oṣadhayo vai somaḥ // (67) Par.?
aparimitaṃ jīvanam // (68) Par.?
yat parimitaṃ gṛhṇīyāt parimitaṃ jīvanaṃ syāt // (69) Par.?
atha yad abhyūhaty aparimitasyāvaruddhyai // (70) Par.?
yajamāno vai prajāpatiḥ // (71) Par.?
prajā aṃśavaḥ // (72) Par.?
yat somam upanahyati prajānāṃ vā etat prāṇam upanahyati // (73) Par.?
yad āha prajās tvānuprāṇantv iti prāṇam āsu dādhāra // (74) Par.?
kṣaumam upanahyati // (75) Par.?
auṣadhaṃ vai kṣaumam // (76) Par.?
oṣadhayaḥ somasya yoniḥ // (77) Par.?
sva evainaṃ yonau dadhāti // (78) Par.?
yajño yad agre devānām agacchat taṃ rakṣāṃsy ajighāṃsan // (79) Par.?
sa devatā vyavāsarpat // (80) Par.?
sarvadevatyaṃ vai vāsaḥ // (81) Par.?
yat kṣaumam upanahyati sarvābhir vā etad devatābhir yajñād rakṣāṃsy apahanti // (82) Par.?
atho sarvābhir eva devatābhir yajñaṃ samardhayati // (83) Par.?
Duration=0.18387389183044 secs.