Texts

hariścandro ha vaidhasa aikṣvāko rājāputra āsa / (1.1) Par.?

tasya ha śataṃ jāyā babhūvuḥ / (1.2) Par.?

tāsu ha putraṃ na lebhe / (1.3) Par.?

tasya ha parvatanāradau gṛha ūṣatuḥ / (1.4) Par.?

sa ha nāradaṃ papraccha // (1.5) Par.?

yan nv imaṃ putram icchanti ye ca jānanti ye ca na / (2.1) Par.?

kiṃ svit putreṇa vindate tan naḥ prabrūhi nārada / (2.2) Par.?

iti / (2.3) Par.?

sa ekayā pṛṣṭo daśabhiḥ pratyuvāca // (2.4) Par.?

ṛṇam asmin saṃnayaty amṛtatvaṃ ca vindate / (3.1) Par.?

pitā putrasya jātasya paśyeccet jīvato mukham // (3.2) Par.?

yāvantaḥ pṛthivyāṃ bhogā yāvanto jātavedasi / (4.1) Par.?

yāvanto 'psu prāṇināṃ bhūyān putre pitus tataḥ // (4.2) Par.?

śaśvat putreṇa pitaro 'tyāyan bahulaṃ tamaḥ / (5.1) Par.?

ātmā hi jajña ātmanaḥ sa irāvaty atitāriṇī // (5.2) Par.?

kiṃ nu malam kim ajinam kim u śmaśrūṇi kiṃ tapaḥ / (6.1) Par.?

putraṃ brahmāṇa icchadhvaṃ sa vai loko 'vadāvadaḥ // (6.2) Par.?

annaṃ ha prāṇaḥ śaraṇaṃ ha vāso rūpaṃ hiraṇyaṃ paśavo vivāhāḥ / (7.1) Par.?

sakhā ca jāyā kṛpaṇaṃ ha duhitā jyotir ha putraḥ parame vyoman // (7.2) Par.?

patir jāyāṃ praviśati garbho bhūtvātha mātaram / (8.1) Par.?

tasyāṃ punarṇavo bhūtvā daśame māsi jāyate // (8.2) Par.?

tajjāyā jāyā bhavati yad asyāṃ jāyate punaḥ / (9.1) Par.?

ābhūtir eṣābhūtir bījam etan nidhīyate // (9.2) Par.?

devāś caitāmṛṣayaś ca tejaḥ samabharan mahat / (10.1) Par.?

devā manuṣyān abruvann eṣā vo jananī punaḥ // (10.2) Par.?

eṣa panthā vitato devayāno yenākramante putriṇo ye viśokāḥ / (11.1) Par.?

taṃ paśyanti paśavo vayāṃsi tasmāt te mātrāpi mithunaṃ caranti // (11.2) Par.?

nāputrasya loko 'stīti tat sarve paśavo viduḥ / (12.1) Par.?

tasmāt tu putro mātaraṃ svasāraṃ cādhirohati // (12.2) Par.?