Texts

śoṇitaśukrasaṃbhavaḥ puruṣo bhavati mātāpitṛnimittakaḥ // (1.1) Par.?

tasya pradānavikrayatyāgeṣu mātāpitarau prabhavataḥ // (2.1) Par.?

na tv ekaṃ putraṃ dadyāt pratigṛhṇīyād vā // (3.1) Par.?

sa hi santānāya pūrveṣām // (4.1) Par.?

na strī putraṃ dadyāt pratigṛhṇīyād vānyatrānujñānād bhartuḥ // (5.1) Par.?

putraṃ pratigṛhīṣyan bandhūn āhūya rājani ca nivedya niveśanasya madhye vyāhṛtibhir hutvādūrabāndhavaṃ bandhusaṃnikṛṣṭam eva pratigṛhṇīyāt // (6.1) Par.?

sandehe cotpanne dūrebāndhavaṃ śūdram iva sthāpayet // (7.1) Par.?

vijñāyate hy ekena bahūṃstrāyata iti // (8.1) Par.?

tasmiṃścet pratigṛhīta aurasaḥ putra utpadyeta caturthabhāgabhāgī syād dattakaḥ // (9.1) Par.?

yadi nābhyudayikeṣu yuktaḥ syāt // (10.1) Par.?

vedaviplāvakaḥ śūdrayājaka uttamavarṇavargapatitās teṣāṃ pātraninayanam // (11.1) Par.?

apātrasaṅkarād akṛtsnaṃ pātram ādāya dāso 'savarṇāputro vā bandhur asadṛśo vā guṇahīnaḥ savyena pādena pravṛttāgrān darbhāṃllohitān vopastīrya pūrṇapātram asmai ninayet // (12.1) Par.?

ninetāraṃ cāsya prakīrṇakeśā jñātayo 'nvālabheran // (13.1) Par.?

apasavyaṃ kṛtvā gṛheṣu svairam āpadyeran // (14.1) Par.?

ata ūrdhvaṃ na taṃ dharmayeyuḥ // (15.1) Par.?

taddharmāṇas taṃ dharmayantaḥ // (16.1) Par.?

patitānāṃ tu caritavratānāṃ pratyuddhāraḥ // (17.1) Par.?

athāpy udāharanti / (18.1) Par.?

agre 'bhyuddharatāṃ gacchet krīḍann iva hasann iva / (18.2) Par.?

paścāt pātayatāṃ gacchecchocann iva rudann iveti // (18.3) Par.?

ācāryamātṛpitṛhantāras tatprasādād apayāpyād vā eṣā teṣāṃ pratyāpattiḥ // (19.1) Par.?

puṇyahradāt prasṛtād vā kāñcanaṃ pātraṃ māheyaṃ vā pūrayitvāpohiṣṭhābhir enam adbhir abhiṣiñcanti // (20.1) Par.?

sarva evābhiṣiktasya pratyuddhāraḥ putrajanmanā vyākhyāto vyākhyāta iti // (21.1) Par.?