Texts

athottaram // (1.1) Par.?

upaviṣṭeṣv adhvaryur gharmadughām āhvayati sa saṃpraiṣa uttarasya // (2.1) Par.?

anabhihiṅkṛtya // (3.1) Par.?

upahūya sudughāṃ dhenum etām iti dve abhi tvā deva savitaḥ sam ī vatsaṃ na mātṛbhiḥ saṃ vatsa iva mātṛbhir yas te stanaḥ śaśayo yo mayobhūr gaur amīmed anu vatsaṃ miṣantaṃ namased upasīdata saṃjānānā upasīdann abhijñv ā daśabhir vivasvato duhanti saptaikāṃ samiddho agnir aśvinā tapto vāṃ gharma āgatam / (4.1) Par.?

duhyante gāvo vṛṣaṇeha dhenavo dasrā madanti kāravaḥ / (4.2) Par.?

samiddho agnir vṛṣaṇā ratir divas tapto gharmo duhyate vām iṣe madhu / (4.3) Par.?

vayaṃ hi vāṃ purutamāso aśvinā havāmahe sadhamādeṣu kāravaḥ / (4.4) Par.?

tad u pratyakṣatamam asya karmātmanvan nabho duhyate ghṛtaṃ paya uttiṣṭha brahmaṇaspata ity etām uktvāvatiṣṭhate dugdhāyām adhukṣat pipyuṣīm iṣam ity āhriyamāṇa upadrava payasā godhug oṣam ā gharme siñca paya usriyāyāḥ / (4.5) Par.?

vi nākam akhyat savitā vareṇyo nu dyāvā pṛthivī supraṇītir ity āsicyamāna ā nūnam aśvinor ṛṣir iti gavya ā sute siñcata śriyam ity āja āsiktayoḥ sam u tye mahatīr apa iti / (4.6) Par.?

mahāvīram ādāyottiṣṭhatsūd u ṣya devaḥ savitā hiraṇyayety anūttiṣṭhet praitu brahmaṇaspatir ity anuvrajed gandharva itthā padam asya rakṣatīti kharam avekṣya tam atikramya nāke suparṇam upa yat patantam iti samāpya praṇavenopaviśed anirasya tṛṇaṃ preṣito yajati / (4.7) Par.?

tapto vāṃ gharmo nakṣati svahotā pra vām adhvaryuś carati prayasvān / (4.8) Par.?

madhor dugdhasyāśvinā tanāyā vītaṃ pātaṃ payasa usriyāyāḥ / (4.9) Par.?

ubhā pibatam aśvineti ca ubhābhyām anavānam agne vīhīty anuvaṣaṭkāro gharmasya agne vīhīti vā / (4.10) Par.?

brahmā vaṣaṭkṛte japaty anuvaṣaṭkṛte ca viśvā āśā dakṣiṇasād viśvān devān devān ayāḍ iha / (4.11) Par.?

svāhākṛtasya gharmasya madhvaḥ pibatam aśvinety evam evāparāhṇike / (4.12) Par.?

yad usriyāsv āhutaṃ ghṛtaṃ payo 'yaṃ sa vām aśvinā bhāga āgatam / (4.13) Par.?

mādhvī dhartārā vidathasya satpatī taptaṃ gharmaṃ pibataṃ somyaṃ madhu / (4.14) Par.?

asya pibatam aśvineti cāpreṣito hotā anuvaṣaṭkṛte svāhākṛtaḥ śucir deveṣu gharmo yo aśvinoś camaso devapānaḥ / (4.15) Par.?

tam īṃ viśve amṛtāso juṣāṇā gandharvasya praty āsnā rihanti / (4.16) Par.?

samudrād ūrmim udiyarti veno drapsaḥ samudram abhi yaj jigāti sakhe sakhāyam abhyāvavṛtsvordhva ū ṣu ṇa ūtaya iti dve / (4.17) Par.?

taṃ ghem itthā namasvina iti prāgāthīṃ pūrvāhṇe kāṇvīm aparāhṇe 'nyatarāṃ vātyantaṃ kāṇvīṃ tv eva uttame pāvaka śoce tava hi kṣayaṃ parīty uktvā bhakṣam ākāṅkṣed vājinena bhakṣopāyo hutaṃ havir madhuhavir indratame agnāv aśyāma te deva gharma / (4.18) Par.?

madhumataḥ pitumato vājavato 'ṅgirasvato namas te astu mā mā hiṃsīr iti bhakṣajapaḥ karmiṇo gharmaṃ bhakṣayeyuḥ sarve tu dīkṣitāḥ sarveṣu dīkṣiteṣu gṛhapates tṛtīyottamau bhakṣau saṃpreṣitaḥ śyeno na yoniṃ sadanaṃ dhiyā kṛtam ā yasmin sapta vāsavā rohantu pūrvyā ruhaḥ / (4.19) Par.?

ṛṣir ha dīrghaśruttama indrasya gharmo atithiḥ / (4.20) Par.?

sūyavasād bhagavatī hi bhūyā iti paridadhyāt // (4.21) Par.?

uttame prāguttamāyā havir haviṣmo mahi sadma daivyam ity āvapeta // (5.1) Par.?