Texts

athaitad rājavāhanaṃ subrahmaṇyāya dadyād dakṣiṇāvatsu karmasaṃyogāt // (1) Par.?

ātithyāyāṃ saṃsthitāyāṃ dakṣiṇasya dvārabāhoḥ parastāt tiṣṭhann antarvedideśe 'nvārabdhe yajamāne patnyāṃ ca subrahmaṇyom iti trir uktvā nigadaṃ brūyāt // (2) Par.?

indrāgaccha hariva āgaccha medhātither meṣavṛṣaṇaśvasya mene gaurāvaskandinn ahalyāyai jāra kauśikabrāhmaṇa gautamabruvāṇeti // (3) Par.?

etāvadahe sutyāmiti yāvadahe syāt // (4) Par.?

adyeti samānāhani // (5) Par.?

pūrvayoḥ praṇavāntayorviramet // (6) Par.?

mene bruvāṇeti ca // (7) Par.?

āgneyyāṃ ṣaṇe jāreti ca // (8) Par.?

pṛthagyajatiśabdeṣu ca // (9) Par.?

devā brahmāṇa āgacchatāgacchatāgacchateti gautamaḥ // (10) Par.?

āgaccheti pūrvaṃ devāhvānāddhānaṃjayyaḥ // (11) Par.?

āgaccha maghavannityeke // (12) Par.?

evaṃ trirāhūya patnīyajamānāvupahavamicchamānāvupahūya yathārthaṃ syāt // (13) Par.?

upahūta ityupahavaḥ // (14) Par.?

evaṃ sarveṣūpasadanteṣu // (15) Par.?

yāś cordhvam upasadbhyaḥ // (16) Par.?

utkare tu tatra tiṣṭhan // (17) Par.?

prāk ca sutyādeśānnāmagrāho 'gnīṣomīyavapāyāṃ hutāyāṃ parihṛtāsu vasatīvarīṣu prātaranuvākopakramaṇavelāyāmasau yajata iti // (18) Par.?

pratyekaṃ gṛhṇīyādyajamānanāmadheyāni yāni syuḥ // (19) Par.?

amuṣya putraḥ pautro napteti pūrveṣāṃ // (20) Par.?

athāvareṣāṃ yathājyeṣṭhaṃ strīpuṃsānāṃ ye jīveyuḥ // (21) Par.?

janiṣyamāṇānāmityanta uktvā sutyādeśaprabhṛti samāpayet // (22) Par.?

arthanirvacanam uccāntam // (23) Par.?

vaibhakte ca syādau vaibhaktaścaiva // (24) Par.?

uccācca nīce nīcam // (25) Par.?

janiṣyamāṇānāmiti madhye dve // (26) Par.?

yajeś cādiḥ // (27) Par.?

dakṣiṇāsu codito 'nuvrajan dakṣiṇāḥ sanāmagrāhām āhvayet // (28) Par.?

praṇavanāmāni vā // (29) Par.?

havirdhānapravartanāgnīṣomapraṇayanayośca subrahmaṇyetyeke // (30) Par.?

anāhvānam ācāryāḥ prātaranuvākāntā subrahmaṇyeti // (31) Par.?