Texts

agna āyūṃṣy agne pavasvāgne pāvaketi tisṛbhir āśvatthīs tisraḥ samidha ekaikasminn ādhānavad ādadhāty āhavanīye gārhapatye dakṣiṇāgnau sabhyāvasathyayor iti vā sarvakarmasv eṣām evānūpūrvyam // (1) Par.?

samudrād ūrmir vayaṃ nāma catvāri śṛṅgeti tisṛbhis tisraḥ śamīmayīr ghṛtāktāḥ preddho agne dīdihīty audumbarīṃ vidhema ta iti vaikaṅkatīṃ tāṃ savitur vareṇyasyeti śamīmayīṃ // (2) Par.?

tatas tūṣṇīṃ prātar agnihotraṃ juhoti // (3) Par.?

athavājyaṃ saṃskṛtya caturgṛhītenāṣṭagṛhītena vā srucaṃ pūrayitvā dhyāyan nārāyaṇaṃ juhoti // (4) Par.?

sāgnihotrasya sthāne bhavati // (5) Par.?

yajamāno 'pareṇa sarvān agnīṃs tiṣṭhan ye te agne śive tanuvāv iti śivābhis tanūbhir upatiṣṭhate // (6) Par.?

yās te agne ghorās tanuvas tābhiḥ pāpmānaṃ gaccheti yajuṣopasthāya yās te agne ghorās tanuvaḥ kṣuc ca tṛṣṇā ceti ghorābhiś ca // (7) Par.?

atrāmum iti dveṣyasya nāma gṛhṇāti // (8) Par.?

apa upaspṛśati // (9) Par.?

juhūṃ sruvaṃ ca saṃmṛjya pūrvavat srucaṃ pūrayitvā pūrṇāhutī juhoti // (10) Par.?

yajamāno varaṃ dattvā punar ghorābhir upasthāya śivābhir upatiṣṭhate // (11) Par.?

narya prajāṃ me gopāyātharva pituṃ me gopāya śaṃsya paśūn me gopāya sapratha sabhāṃ me gopāyāhe budhnya mantraṃ me gopāyeti pañcabhir virāṭkramaiḥ pañcāgnīn upatiṣṭhate pañcadhāgnīn iti sarvān // (12) Par.?

athāgneyam aṣṭākapālaṃ nirvapet // (13) Par.?

upasanne paridatte haviṣy aprokṣite sabhāmadhye 'dhidevanam uddhatyāvokṣyākṣān opya teṣu hiraṇyaṃ nidhāya niṣasāda dhṛtavrata iti rājanyasya juhoti // (14) Par.?

pra nūnam ity āvasathe pariṣado hiraṇyaṃ nidhāya tasmin juhoti // (15) Par.?