Texts

Select a text:
Bibliography

Select a chapter:
(no revisions)

Associated topic(s): agnyādhāna, agnyādheya

Show parallels Show headlines
Use dependency labeler

Chapter id: 16769

Click on a sentence to show its analysis
Keep the mouse pointer over a lemma to show its meanings.

athāhitāgner dvādaśarātravratāni // (1) Par.?

na māṃsam aśnāti na striyam upaiti nānṛtaṃ vadaty amṛnmayapāyī svayaṃ pādaśodhy akṣāralavaṇāśy aśamīdhānyaṃ bhuñjāno 'nyatra tilebhyaḥ svayam idhmahāro 'gnyāgāre saṃviśati // (2) Par.?

dvādaśarātram ajasrā asyāgnayaḥ // (3) Par.?

nāsya brāhmaṇo 'nāśvān gṛhe vaset // (4) Par.?

atītāsu dvādaśarātriṣu pavamānahavīṃṣy anunirvapet saṃvatsara ṛtau māse 'rdhamāse caturahe tryahe dvyahe śvobhūte sadyo vā // (5) Par.?

agnaye pavamānāya puroḍāśam aṣṭākapālaṃ nirvaped agnaye pāvakāyāgnaye śucaya iti // (6) Par.?

trīṇi havīṃṣi sākaṃ samasyet // (7) Par.?

pūrvaṃ nirupyottare samasyed vā // (8) Par.?

āgneyenāṣṭākapālena sākam etāni havīṃṣi samasyed ity eke // (9) Par.?

agneḥ pavamānasyāgna āyūṃṣy agne pavasveti yājyānuvākye // (10) Par.?

triṃśanmānaṃ hiraṇyam asya dakṣiṇā // (11) Par.?

agneḥ pāvakasyāgne pāvaka sa naḥ pāvaketi // (12) Par.?

agneḥ śucer agniḥ śucivratatama ud agne śucayas taveti // (13) Par.?

triṃśanmānaṃ hiraṇyaṃ madhyamasya catvāriṃśanmānaṃ hiraṇyam uttamasya // (14) Par.?

aindrāgnam ekādaśakapālam anunirvapaty adityai ghṛte caruṃ // (15) Par.?

saptadaśādityasya sāmidhenyaḥ // (16) Par.?

agninā rayiṃ gayasphāna iti puṣṭimantāv ājyabhāgāv indrāgnī āgataṃ gīrbhir vipra ity aindrāgnasya // (17) Par.?

uta tvām adite mahīm ū ṣu mātaram ity ādityasya preddho agna imo agna iti saṃyājye // (18) Par.?

saṃtiṣṭhate seṣṭyādhānam // (19) Par.?

Duration=0.067528963088989 secs.