Texts

āhitāgnir vā eṣa san nāgnihotraṃ juhoti na darśapūrṇamāsau yajate // (1) Par.?

tad yā āhutibhājo devatās tā anudhyāyinīḥ karoti // (2) Par.?

karśayata ātmānam // (3) Par.?

tenaivāsya taddhutaṃ bhavati // (4) Par.?

devā asurān hatvaibhyo lokebhyaḥ prāṇudanta // (5) Par.?

teṣām asavo manuṣyān prāviśan // (6) Par.?

tad idaṃ ripraṃ puruṣe 'ntaḥ // (7) Par.?

atho kṛṣṇam iva cakṣuṣy antaḥ // (8) Par.?

tan nāśnīyāt // (9) Par.?

asuryam evāpahate // (10) Par.?

yadā vai puruṣe na kiṃ canāntar bhavati yadāsya kṛṣṇaṃ cakṣuṣor naśyaty atha medhyaḥ // (11) Par.?

yadi kuryān naktaṃ kuryāt // (12) Par.?

asuryo vai rātriḥ // (13) Par.?

asūryam evāsūryaṃ kriyate // (14) Par.?

vācaṃ vā etad dīkṣayantīti ha smāhāruṇa aupaveśir ya utāñjāno 'bhyañjāno 'tha dīkṣitavādaṃ vadati sa vāva dīkṣita iti // (15) Par.?

sāyaṃ prātar vai manuṣyāṇāṃ devahitam aśanam // (16) Par.?

atinīya sāyamaśanam atinīya prātaraśanaṃ vrataṃ vratayati mānuṣasya vyāvṛttyai // (17) Par.?

adantīti vai gā āhur aśnantīti manuṣyān juhudhīti devebhyaḥ // (18) Par.?

atha vā etam āhur vratam upehi vratyeti // (19) Par.?

vrataṃ hy etasya // (20) Par.?

vratena yajñaḥ saṃtataḥ // (21) Par.?

vratenaiva yajñaṃ saṃtanoti // (22) Par.?

abhyardho vā ṛksāme yajñād āstām // (23) Par.?

tayor yau mahimānā āstāṃ tā apinidhāya yajñam upāvartetām // (24) Par.?

tau mahimānā ahorātre abhavatām // (25) Par.?

tayor vā etad rūpaṃ yat kṛṣṇājinasya // (26) Par.?

yañ śuklaṃ tad ahno rūpam // (27) Par.?

yat kṛṣṇaṃ tad rātreḥ // (28) Par.?

tau vā etan mahimānā anvārabhate saṃpāraṇāya // (29) Par.?

saṃ mā pārayatā iti // (30) Par.?

ahorātre mithunaṃ samabhavatām // (31) Par.?

tayos tejo 'pākrāmat // (32) Par.?

tat kṛṣṇaṃ prāviśat // (33) Par.?

tad vā etad anvārabhate // (34) Par.?

dyāvāpṛthivī mithunaṃ samabhavatām // (35) Par.?

tayor vīryam apākrāmat // (36) Par.?

tat kṛṣṇaṃ prāviśat // (37) Par.?

tad vā etad anvārabhate // (38) Par.?

yathā vā idaṃ nāvaṃ pāraṃ tariṣyann ārohaty evaṃ vā etad ṛksāme ārukṣat // (39) Par.?

te enam ā yajñasyodṛcaḥ saṃpārayataḥ // (40) Par.?

yato vai lomāni kṛṣṇājinasya tato yajñaḥ // (41) Par.?

yato yajñas tato devatāḥ // (42) Par.?

yad bahirlomaṃ paryūrṇuvītāntarhito dīkṣito yajñāt syāt // (43) Par.?

yad antarlomam antarhito yajño devatābhyaḥ // (44) Par.?

dve viṣūcī pratimucye // (45) Par.?

anantarhito dīkṣito yajñād bhavati // (46) Par.?

anantarhito yajño devatābhyaḥ // (47) Par.?

yady ekaṃ syād antaṃ pratibhujet // (48) Par.?

tenaiva tad ubhayam āpnoti // (49) Par.?

havir vai dīkṣitaḥ // (50) Par.?

yad anyatra kṛṣṇājinād āsīta yathā haviḥ skannam evaṃ syāt // (51) Par.?

yathā haviṣe skannāya prāyaścittim icchaty evam asmai prāyaścittim iccheyuḥ // (52) Par.?

chandāṃsi ca vā eṣa devatāś cābhyārohati // (53) Par.?

tāny enam īśvarāṇi pratinudaḥ // (54) Par.?

yad āha namas te astu mā mā hiṃsīr iti // (55) Par.?

namaskāro vā eṣāpratinodāya // (56) Par.?

devatā vai yajñasya śarma yajño yajamānasya // (57) Par.?

yad āha viṣṇoḥ śarmāsi śarma me yaccheti devatā vā etad yajñasya śarmākar yajñaṃ yajamānasya // (58) Par.?

prorṇute // (59) Par.?

prāvṛta iva hi dīkṣitaḥ // (60) Par.?

atho etad iva hi dīkṣitasya rūpaṃ yat prāvṛtam // (61) Par.?

tasmāt prorṇute // (62) Par.?

vāsaḥ paridhatte // (63) Par.?

sarvadevatyaṃ vai vāsaḥ // (64) Par.?

sarvābhir vā etad devatābhir ātmānaṃ pariśrayanti // (65) Par.?