Texts

yā śyetākṣī kṛṣṇavālā kṛṣṇaśaphā na tayā krīṇīyāt // (1) Par.?

hataṃ vā asyā etat paripiṣṭam // (2) Par.?

pitṛdevatyā sā // (3) Par.?

pramāyukas syāt // (4) Par.?

yā dvirūpā na tayā krīṇīyāt // (5) Par.?

vārtraghnī sā // (6) Par.?

jināti vā jīyate vā // (7) Par.?

uta tayā rājanyasya krīṇīyāt // (8) Par.?

na hi tasyāntarāsti // (9) Par.?

jināti vā hi sa jīyate vā // (10) Par.?

yādhīlodhakarṇī tayā ṣoḍaśinaṃ krīṇīyāt // (11) Par.?

atiriktaṃ vā etad rūpāṇām // (12) Par.?

atiriktaṣ ṣoḍaśī // (13) Par.?

atiriktenaivātiriktam āpnoti // (14) Par.?

yā babhrur ekahāyanī tayā krīṇīyāt // (15) Par.?

vāg vai somakrayaṇī // (16) Par.?

puruṣo vāk // (17) Par.?

yad ekahāyanyā krīṇāti tasmād ekahāyanaḥ puruṣo vācaṃ vadati // (18) Par.?

yaj jyāyasyā krīṇāti tasmāj jyāyān vadati // (19) Par.?

chandāṃsi vā amuṣmāl lokāt somam āharan gāyatrī śyeno bhūtvā // (20) Par.?

taṃ gandharvā antarā paryamuṣṇan viśvāvasuḥ // (21) Par.?

sa tisro rātrīr upahṛto 'vasat // (22) Par.?

tasmāt tisro rātrīs somaḥ krīto vasati // (23) Par.?

taṃ devāḥ punar ayācanta // (24) Par.?

tam ebhyo na punar adaduḥ // (25) Par.?

te 'bruvan gavā niṣkrīṇāmeti // (26) Par.?

te 'manyanta yajñena vikreṣyāmahe yad gavā niṣkreṣyāma iti // (27) Par.?

te 'bruvan strīkāmā vai gandharvā vācaṃ striyaṃ kṛtvā māyām upāvāsṛjan // (28) Par.?

te 'manyanta prajayā vyakreṣmahi ye vācā vyakreṣmahīti // (29) Par.?

te 'nvārtīyanta // (30) Par.?

asmākaṃ somo 'smākaṃ somakrayaṇīti // (31) Par.?

te gandharvā abruvan vihvayāmahā iti // (32) Par.?

te brahma gandharvā avadan // (33) Par.?

agāyan devāḥ // (34) Par.?

sā devān gāyata upāvartata // (35) Par.?

tasmād gāyantaṃ strī kāmayate // (36) Par.?

na brahma vadantam // (37) Par.?

adruhyaddhi sā brahmaṇe // (38) Par.?

tasmād āhur akrītas somo na somakrayaṇy asti // (39) Par.?

devān hi sā punar upāvartateti // (40) Par.?

te 'bruvan strīkāmā vai gandharvāḥ // (41) Par.?

bahu vai gandharveṣu mithunībhavantī sambhavanty acārīḥ // (42) Par.?

praviśyodehīti // (43.1) Par.?

apaḥ tasyā yaddhataṃ paripiṣṭam āsīt taj jaratī kūṭā bhūtvodait // (44) Par.?

te 'bruvan pitṛdevatyā vā iyam iti // (45) Par.?

tasmāt tāṃ pitṛbhyo ghnanti // (46) Par.?

te 'bruvan punaḥ praviśyodehīti // (47) Par.?

sā paṣṭhauhī vārtraghnī dvirūpā bhūtvodait // (48) Par.?

sā tena rūpeṇāpāspṛṇuta // (49) Par.?

tasmāt sā varaḥ // (50) Par.?

ativaro 'nyaḥ // (51) Par.?

nainaṃ varo hinasti ya evaṃ vidvān varaṃ vṛṇīte // (52) Par.?

te 'bruvan punaḥ praviśyodehīti // (53) Par.?

sā babhrur ekahāyanī bhūtvodait // (54) Par.?

tayākrīṇan // (55) Par.?

tasmāt sā somakrayaṇī // (56) Par.?

tad asyā rūpam // (57) Par.?