Texts

tataḥ samutthitaḥ kālyam āsthāya syandanottamam / (1.1) Par.?

prayayau bharataḥ śīghraṃ rāmadarśanakāṅkṣayā // (1.2) Par.?

agrataḥ prayayus tasya sarve mantripurodhasaḥ / (2.1) Par.?

adhiruhya hayair yuktān rathān sūryarathopamān // (2.2) Par.?

navanāgasahasrāṇi kalpitāni yathāvidhi / (3.1) Par.?

anvayur bharataṃ yāntam ikṣvākukulanandanam // (3.2) Par.?

ṣaṣṭhī rathasahasrāṇi dhanvino vividhāyudhāḥ / (4.1) Par.?

anvayur bharataṃ yāntaṃ rājaputraṃ yaśasvinam // (4.2) Par.?

śataṃ sahasrāṇy aśvānāṃ samārūḍhāni rāghavam / (5.1) Par.?

anvayur bharataṃ yāntaṃ rājaputraṃ yaśasvinam // (5.2) Par.?

kaikeyī ca sumitrā ca kausalyā ca yaśasvinī / (6.1) Par.?

rāmānayanasaṃhṛṣṭā yayur yānena bhāsvatā // (6.2) Par.?

prayātāś cāryasaṃghātā rāmaṃ draṣṭuṃ salakṣmaṇam / (7.1) Par.?

tasyaiva ca kathāś citrāḥ kurvāṇā hṛṣṭamānasāḥ // (7.2) Par.?

meghaśyāmaṃ mahābāhuṃ sthirasattvaṃ dṛḍhavratam / (8.1) Par.?

kadā drakṣyāmahe rāmaṃ jagataḥ śokanāśanam // (8.2) Par.?

dṛṣṭa eva hi naḥ śokam apaneṣyati rāghavaḥ / (9.1) Par.?

tamaḥ sarvasya lokasya samudyann iva bhāskaraḥ // (9.2) Par.?

ity evaṃ kathayantas te samprahṛṣṭāḥ kathāḥ śubhāḥ / (10.1) Par.?

pariṣvajānāś cānyonyaṃ yayur nāgarikās tadā // (10.2) Par.?

ye ca tatrāpare sarve saṃmatā ye ca naigamāḥ / (11.1) Par.?

rāmaṃ prati yayur hṛṣṭāḥ sarvāḥ prakṛtayas tadā // (11.2) Par.?

maṇikārāś ca ye kecit kumbhakārāś ca śobhanāḥ / (12.1) Par.?

sūtrakarmakṛtaś caiva ye ca śastropajīvinaḥ // (12.2) Par.?

māyūrakāḥ krākacikā rocakā vedhakās tathā / (13.1) Par.?

dantakārāḥ sudhākārās tathā gandhopajīvinaḥ // (13.2) Par.?

suvarṇakārāḥ prakhyātās tathā kambaladhāvakāḥ / (14.1) Par.?

snāpakācchādakā vaidyā dhūpakāḥ śauṇḍikās tathā // (14.2) Par.?

rajakās tunnavāyāś ca grāmaghoṣamahattarāḥ / (15.1) Par.?

śailūṣāś ca saha strībhir yānti kaivartakās tathā // (15.2) Par.?

samāhitā vedavido brāhmaṇā vṛttasaṃmatāḥ / (16.1) Par.?

gorathair bharataṃ yāntam anujagmuḥ sahasraśaḥ // (16.2) Par.?

suveṣāḥ śuddhavasanās tāmramṛṣṭānulepanāḥ / (17.1) Par.?

sarve te vividhair yānaiḥ śanair bharatam anvayuḥ // (17.2) Par.?

prahṛṣṭamuditā senā sānvayāt kaikayīsutam / (18.1) Par.?

vyavātiṣṭhata sā senā bharatasyānuyāyinī // (18.2) Par.?

nirīkṣyānugatāṃ senāṃ tāṃ ca gaṅgāṃ śivodakām / (19.1) Par.?

bharataḥ sacivān sarvān abravīd vākyakovidaḥ // (19.2) Par.?

niveśayata me sainyam abhiprāyeṇa sarvaśaḥ / (20.1) Par.?

viśrāntāḥ pratariṣyāmaḥ śva idānīṃ mahānadīm // (20.2) Par.?

dātuṃ ca tāvad icchāmi svargatasya mahīpateḥ / (21.1) Par.?

aurdhvadehanimittārtham avatīryodakaṃ nadīm // (21.2) Par.?

tasyaivaṃ bruvato 'mātyās tathety uktvā samāhitāḥ / (22.1) Par.?

nyaveśayaṃs tāṃś chandena svena svena pṛthakpṛthak // (22.2) Par.?

niveśya gaṅgām anu tāṃ mahānadīṃ camūṃ vidhānaiḥ paribarhaśobhinīm / (23.1) Par.?

uvāsa rāmasya tadā mahātmano vicintayāno bharato nivartanam // (23.2) Par.?