Texts

īśvara uvāca / (1.1) Par.?

athātaḥ sampravakṣyāmi sarvapāpapraṇāśinīm / (1.2) Par.?

sarvakāmapradāṃ ramyāṃ nāmnā mandārasaptamīm // (1.3) Par.?

māghasyāmalapakṣe tu pañcamyāṃ laghubhuṅnaraḥ / (2.1) Par.?

dantakāṣṭhaṃ tataḥ kṛtvā ṣaṣṭhīmupavasedbudhaḥ // (2.2) Par.?

viprān sampūjayitvā tu mandāraṃ prāśayenniśi / (3.1) Par.?

tataḥ prabhāta utthāya kṛtvā snānaṃ punardvijān // (3.2) Par.?

bhojayecchaktitaḥ kṛtvā mandārakusumāṣṭakam / (4.1) Par.?

sauvarṇaṃ puruṣaṃ tadvatpadmahastaṃ suśobhanam // (4.2) Par.?

padmaṃ kṛṣṇatilaiḥ kṛtvā tāmrapātre 'ṣṭapattrakam / (5.1) Par.?

haimamandārakusumairbhāskarāyeti pūrvataḥ // (5.2) Par.?

namaskāreṇa tadvacca sūryāyetyānale dale / (6.1) Par.?

dakṣiṇe tadvadarkāya tathāryamṇe ca nairṛte // (6.2) Par.?

paścime vedadhāmne ca vāyavye caṇḍabhānave / (7.1) Par.?

pūṣṇa ityuttarataḥ pūjyamānandāyetyataḥ param // (7.2) Par.?

karṇikāyāṃ ca puruṣaṃ sarvātmana iti nyaset / (8.1) Par.?

śuklavastraiḥ samāveṣṭya bhakṣyairmālyaphalādibhiḥ // (8.2) Par.?

evamabhyarcya tatsarvaṃ dadyādvedavide punaḥ / (9.1) Par.?

bhuñjītātailalavaṇaṃ vāgyataḥ prāṅmukho gṛhī // (9.2) Par.?

anena vidhinā sarvaṃ saptamyāṃ māsi māsi ca / (10.1) Par.?

kuryātsaṃvatsaraṃ yāvadvittaśāṭhyavivarjitaḥ // (10.2) Par.?

etadeva vratānte tu nidhāya kalaśopari / (11.1) Par.?

gobhirvibhavataḥ sārdhaṃ dātavyaṃ bhūtimicchatā // (11.2) Par.?

namo mandāranāthāya mandārabhavanāya ca / (12.1) Par.?

tvaṃ rave tārayasvāsmānsaṃsārabhayasāgarāt // (12.2) Par.?

anena vidhinā yastu kuryānmandārasaptamīm / (13.1) Par.?

vipāpmā sa sukhī martyaḥ kalpaṃ ca divi modate // (13.2) Par.?

imāmaghaughapaṭalabhīṣaṇadhvāntadīpikām / (14.1) Par.?

gacchanpragṛhya saṃsāre sarvārthāṃśca labhennaraḥ // (14.2) Par.?

mandārasaptamīm etāmīpsitārthaphalapradām / (15.1) Par.?

yaḥ paṭhecchṛṇuyādvāpi sarvapāpaiḥ pramucyate // (15.2) Par.?