Texts

Select a text:
Bibliography

Select a chapter:
1 revision
Show parallels Show headlines
Use dependency labeler

Chapter id: 17511

Sūkta 1

jyeṣṭhaghnyāṃ jāto vicṛtor yamasya māyaṃ hiṃsīt pitarau vardhamānaḥ / (1.1) Par.?

syonau vyāghrā uta te śivau stām ati tvā neṣan duritāni viśvā // (1.2) Par.?

vyāghre ahny ajaniṣṭa vīro nakṣatrajāḥ sarvavīraḥ suvīraḥ / (2.1) Par.?

sa mā hiṃsīḥ pitarau vardhamānas tasya te devāḥ prati gṛhṇantu homam // (2.2) Par.?

yā rohiṇī devatyā pra dhenur iva pinvate / (3.1) Par.?

tatra tisro vyaṣṭakāḥ sarvā adhi bruvantu prajāyai jagate ca vām // (3.2) Par.?

yad ārdrābhyām araṇibhyāṃ devāḥ śakrā amanthan puruṣeṇa puruṣam / (4.1) Par.?

atrā puṣyataṃ mithunā sayonī jīvāṃ prajāṃ jaradaṣṭiṃ sutejasā // (4.2) Par.?

Sūkta 2

hataṃ pataṅgam uta tardam ākhum aśvinā bhintaṃ śiro mṛṇataṃ hanū dataḥ / (5.1) Par.?

yathā naḥ sasyaṃ na ghasan vyadvarā evābhayaṃ kṛṇutaṃ dhānyāya naḥ // (5.2) Par.?

tarda hai pataṅga hai jabhya hā upakvasa / (6.1) Par.?

anadanta idaṃ dhānyam ahiṃsanto apodita // (6.2) Par.?

tardapate vaghāpate tṛṣṭadaṃśmā śṛṇota naḥ / (7.1) Par.?

hotrevāprāśitaṃ havir vṛkṇajihvā upādhvam // (7.2) Par.?

tarda jabhyāpi jihvayā ya imaṃ divyaṃ pīyūṣaṃ prathamas titṛpsāt / (8.1) Par.?

taṃ pratyañcam arciṣā vidhya marman // (8.2) Par.?

Sūkta 3

ye abhrajā ye vātajā ye divas pari jajñire / (9.1) Par.?

marīcyāḥ putrāṇāṃ vayam api nahyāma āsyam // (9.2) Par.?

ye arjunā ye haritā ye kṛṣṇā ye ca rohitāḥ / (10.1) Par.?

kabandhasya praśāsane śalabhāñ jambhayāmasi // (10.2) Par.?

antarikṣeṇa patata mā sasyam abhi paddhvam / (11.1) Par.?

girīṇāṃ sānuṣu sīdata tṛṇaṃ kapālam attana śalabhās tad viśām iva // (11.2) Par.?

Sūkta 4

yathāśvāso yathādhuraṃ yuktā vahanti sādhuyā / (12.1) Par.?

evā mūtra pra bhidyasva vi vaster āsyaṃ sṛja // (12.2) Par.?

viṣitaṃ te vastibilaṃ samudrasyodadher iva / (13.1) Par.?

pra te bhinadmi mehanaṃ vartraṃ veśantyā iva // (13.2) Par.?

yāḥ samudrād uccaranti jaratīr upajihvikāḥ / (14.1) Par.?

pramehaṇasya tā vidur ubhayor mehanasya ca // (14.2) Par.?

Sūkta 5

śīrṣṇo valīr āsno valīr aṅgādaṅgān mukhād valīḥ / (15.1) Par.?

sarvās tā indrāṇī valīr apa mārṣṭv adhi tvacaḥ // (15.2) Par.?

yās tvaci valayo jātā yā jātās tanvas pari / (16.1) Par.?

sarvās tā indrāṇī valīḥ śamīśākhāsv ā sajāt // (16.2) Par.?

ā śamīṃ māmakī valī rurohāti jahāti mām / (17.1) Par.?

etām indrasya jāyā validhānīm akṛṇvata // (17.2) Par.?

Duration=0.19873595237732 secs.