Texts

yathā vai samṛtasomā evaṃ vā ete samṛtayajñā yad darśapūrṇamāsau // (1) Par.?

kasya vāha devā yajñam āgacchanti kasya vā na // (2) Par.?

bahūnāṃ yajamānānāṃ yo vai devatāḥ pūrvaḥ parigṛhṇāti sa enāḥ śvo bhūte yajate // (3) Par.?

etad vai devānām āyatanaṃ yad āhavanīyaḥ // (4) Par.?

antarāgnī paśūnām // (5) Par.?

gārhapatyo manuṣyāṇām // (6) Par.?

anvāhāryapacanaḥ pitṝṇām // (7) Par.?

agniṃ gṛhṇāti // (8) Par.?

sva evāyatane devatāḥ parigṛhṇāti // (9) Par.?

tāḥ śvo bhūte yajate // (10) Par.?

vratena vai medhyo 'gnir vratapatiḥ // (11) Par.?

brāhmaṇo vratabhṛt // (12) Par.?

vratam upaiṣyan brūyād agne vratapate vrataṃ cariṣyāmīti // (13) Par.?

agnir vai devānāṃ vratapatiḥ // (14) Par.?

tasmā eva pratiprocya vratam ālabhate // (15) Par.?

barhiṣā pūrṇamāse vratam upaiti vatsair amāvāsyāyām // (16) Par.?

etaddhy etayor āyatanam // (17) Par.?

upastīryaḥ pūrvaś cāgnir aparaś cety āhuḥ // (18) Par.?

manuṣyā in nvā upastīrṇam icchanti kim u devā yeṣāṃ navāvasānam // (19) Par.?

upāsmiñchvo yakṣyamāṇe devatā vasanti ya evaṃ vidvān agnim upastṛṇāti // (20) Par.?

yajamānena grāmyāś ca paśavo 'varudhyā āraṇyāś cety āhuḥ // (21) Par.?

yad grāmyān upavasati tena grāmyān avarunddhe // (22) Par.?

yad āraṇyasyāśnāti tenāraṇyān // (23) Par.?

yad anāśvān upavaset pitṛdevatyaḥ syāt // (24) Par.?

āraṇyasyāśnāti // (25) Par.?

indriyaṃ vā āraṇyam // (26) Par.?

indriyam evātman dhatte // (27) Par.?

yad anāśvān upavaset kṣodhukaḥ syāt // (28) Par.?

yad aśnīyād rudro 'sya paśūn abhimanyeta // (29) Par.?

apo 'śnāti // (30) Par.?

tan nevāśitaṃ nevānaśitam // (31) Par.?

na kṣodhuko bhavati // (32) Par.?

nāsya rudraḥ paśūn abhimanyate // (33) Par.?

vajro vai yajñaḥ // (34) Par.?

kṣut khalu vai manuṣyasya bhrātṛvyaḥ // (35) Par.?

yad anāśvān upavasati vajreṇaiva sākṣāt kṣudham bhrātṛvyaṃ hanti // (36) Par.?