Texts

devā vai rudraṃ svargaṃ lokaṃ gataṃ na vyajānann ādityavarṇaṃ carantam // (1) Par.?

te 'bruvan ko 'sīti // (2) Par.?

ahaṃ rudro 'ham indro 'ham ādityo 'haṃ sarvasyāvayā haraso divyasyeti // (3) Par.?

te 'bruvan nirbhajāmainam iti // (4) Par.?

tān ruvann abhyavadat // (5) Par.?

tān prādhrajat // (6) Par.?

te 'bruvan bhavān sarvam iti // (7) Par.?

yad ruvann abhyavadat tad rudrasya rudratvam // (8) Par.?

yad bhavān iti tad bhavasya bhavatvam // (9) Par.?

yat sarvam iti taccharvasya śarvatvam // (10) Par.?

sa śivo 'bhavat // (11) Par.?

tacchivasya śivatvam // (12) Par.?

tebhyo 'mṛḍata // (13) Par.?

tan mṛḍasya mṛḍatvam // (14) Par.?

taṃ devā abruvan bhavasya bhūtasya bhavyasyādhipatyam iti // (15) Par.?

sarvasyādhipatyaṃ yajamānaṃ gamayati // (16) Par.?

anavadyābhis sam u jagmābhir iti hotrā vā anavadyāḥ // (17) Par.?

tābhir vā eṣa pravargye saṃgacchate // (18) Par.?

tābhir eva pravargyaṃ saṃgamayati // (19) Par.?

samudra āsāṃ sadanaṃ va āhur iti vedā vai samudrāḥ // (20) Par.?

teṣu vā evainam pravargye saṃgamayati // (21) Par.?

[... au3 letterausjhjh] abhriye didyun nakṣatriye yā viśvāvasuṃ gandharvaṃ sacadhve tābhyo namo astu tā no mṛḍayantu tā naś śarma yacchantu taṃ yaṃ dviṣmo yaś ca no dveṣṭi tam āsāṃ jambhe dadhmaḥ // (22) Par.?

[... au3 letterausjhjh] apaśyaṃ gopām anipadyamānam iti [... au3 letterausjhjh] āditya eṣa lokānāṃ goptā // (23) Par.?

naiṣa rātrā na divā saṃviśati // (24) Par.?

ā ca parā ca pathibhiś carantam iti tasmād eṣa sarvān patho 'nusaṃcarati yad dakṣiṇā yad udaṅ // (25) Par.?

sa sadhrīcīs sa viṣūcīr vasāna iti catasro vā etasya diśas sadhrīcīś catasro viṣūcīḥ // (26) Par.?

tā vā eṣa vasāna imāṃllokāṃs tejasāvṛṇoti // (27) Par.?

atra prāvīr madhu mādhvībhyāṃ madhu mādhūcībhyām iti // (28) Par.?

yadā rucito gharma iti // (29) Par.?

madhu madhughaṃ saṃbhariṣyāmīty evaitad āha // (30) Par.?

sam agnir agnināgata saṃ devena savitrā saṃ sūryeṇa rocate svāheti // (31) Par.?

atra vā eṣa etarhy agnir agninā saṃgacchate // (32) Par.?

sam agnis tapasāgata saṃ devena savitrā saṃ sūryeṇārukta // (33) Par.?

dhartā divo rajaso vibhāti // (34) Par.?

dhartoror antarikṣasya dhartā pṛthivyā dhartā devo devānām amartyas tapojā iti // (35) Par.?

asau vā āditya imāṃllokāṃs tejasā dhārayati // (36) Par.?

hṛde tvā manase tvā dive tvā sūryāya tvety amum evainaṃ lokaṃ gamayati // (37) Par.?

ūrdhvam imam adhvaram iti yajño vā adhvaro yajñasyordhvatvāya // (38) Par.?

divi deveṣu hotrā yaccheti // (39) Par.?

hotrābhi [... au1 letterausjhjh] ta garbho devānām pitā matīnām patiḥ prajānām iti // (40) Par.?

garbho hy eṣa devānām pitā matīnām patiḥ prajānām // (41) Par.?

āyurdās tvam asmabhyaṃ gharmāsi varcodāḥ pitā no 'si pitā no bodhīty ātmana evaitām āśiṣam āśāste // (42) Par.?

namas te astu mā mā hiṃsīr ity ātmano 'hiṃsāyai // (43) Par.?

tvaṣṭṛmantas tvā sapemeti // (44) Par.?

ato hīmāḥ prajāḥ prajāyante prajananāya // (45) Par.?

yajñasya vai śiro 'cchidyata // (46) Par.?

tā etarhy aśvinā agharmapau bhiṣajau devānām āstām // (47) Par.?

tau devā abruvan bhiṣajau vai sthaḥ idaṃ yajñasya śiraḥ pratidhattam iti // (48) Par.?

tā abrūtām vāryaṃ vṛṇāvahai āvayor eva pravargyo bhavatv iti // (49) Par.?

tau devā abruvan sarvaṃ vai paryagṛhṇāthām astu no 'trāpīti // (50) Par.?

tā abrūtām āvayor agre duhyatām āvayor agre hūyatām iti // (51) Par.?

tasmād etayor evāgre duhyate 'gre hūyate // (52) Par.?

vāryavṛtaṃ hy enayoḥ // (53) Par.?

tau yajñasya śiraḥ pratyadhattām // (54) Par.?

tato yal lohitaṃ samasravat tata udumbaras samabhavat // (55) Par.?

yad audumbarāṇi pātrāṇi bhavanti yajña evorjaṃ dadhāti // (56) Par.?

yo rasas te muñjāḥ // (57) Par.?

tasmān mauñjaṃ vedaṃ kurvanti // (58) Par.?

pavitra [... au1 letterausjhjh] āhvayaty asā ehīti // (59) Par.?

diva evainām etad āhvayati // (60) Par.?

asā ehīty antarikṣād evainām etad āhvayati // (61) Par.?

asā ehīti pṛthivyā evainām etad āhvayati // (62) Par.?

brahma vā etasyā vatso vedās stanāḥ // (63) Par.?

devā vai brahmaṇā vatsena vācam aduhran paśūṃś cāmṛtaṃ ca // (64) Par.?

yo vai vedānāṃ guhyāni nāmāni veda sarvam āyur eti brahmavarcasī bhavati pratitiṣṭhaty annavān annādo bhavati // (65) Par.?

mayobhūr eko vasuvid ekas sudatra eko viśvapoṣy eka iti etāni vai vedānāṃ guhyāni nāmāni // (66) Par.?

sarvam āyur eti brahmavarcasī bhavati pratitiṣṭhaty annavān annādo bhavati ya evaṃ veda // (67) Par.?

yas te stanaś śaśayo yo mayobhūr yo ratnadhā vasuvid yas sudatraḥ yena viśvā puṣyasi vāryāṇi sarasvati tam iha dhātave kar ity anumantrayate // (68) Par.?

adityā uṣṇīṣam asīty abhidhānyābhidhāya suvratām evaināṃ karoti // (69) Par.?

pūṣā tveti vatsam upāvasṛjati satanūtvāya // (70) Par.?

gharmāya śinkṣvety apavartayati // (71) Par.?

gharma evaṃ gha [... au1 letterausjhjh] gām duhanti // (72) Par.?

hastyauṣṭhya evaināṃ duhaṃ [... au1 letterausjhjh] parāsiñcan yad ajāṃ duhanti // (73) Par.?

gharma eva tad duhati // (74) Par.?

ūrjaṃ vaiṣa tat parāsiñcan yad ajāṃ duhanti // (75) Par.?

gharma evorjaṃ saṃbharataḥ // (76) Par.?

tasmād āhus sahorjo bhāgenopa mehīndrāśvinā madhunas sāraghasya gharmaṃ pāta vasavo yajata vaḍ iti / (76.1) Par.?

mahāvīra ūrjam avanayataḥ // (76.2) Par.?

gharma evorjaṃ samānayataḥ // (77) Par.?

sūryasya tvā raśmaye vṛṣṭivanaye svāhety ūrdhvam utkrāntam anumantrayate // (78) Par.?

yā vā ita āhutir udayate sāmuto vṛṣṭiṃ cyāvayati // (79) Par.?

svayaivāhutyā divo vṛṣṭiṃ ninayati // (80) Par.?

gāyatro 'si traiṣṭubho 'sīti śaphā ādatte // (81) Par.?

jāgato 'sīty upayāmam // (82) Par.?

chandobhir evainam parigṛhṇāti // (83) Par.?

dyāvāpṛthivībhyāṃ tvā parigṛhṇāmīti śaphābhyām mahāvīram parigṛhṇāti // (84) Par.?

ime vai śaphā // (85) Par.?

ābhyām evainam parigṛhṇāti // (86) Par.?

antarikṣeṇa tvopayacchāmīty adhastād upayāmena dhārayati // (87) Par.?

atho antarikṣaṃ vā upayāmaḥ // (88) Par.?

antarikṣa evainaṃ dhārayati // (89) Par.?

devānāṃ tvā pitṝṇām anumato bhartuṃ śakeyam iti // (90) Par.?

[... au1 letterausjhjh] samudrāya tvā vātāya svāheti juhoti // (91) Par.?

yathāyajuḥ yaj juhuyād rudrāya paśūn apidadhyād apaśus syāt // (92) Par.?

yajur eva vadet // (93) Par.?

rudrād eva paśūn parivṛṇakti // (94) Par.?

sarvā vā etarhy etasmin devatā āśaṃsante mahyaṃ hoṣyati mahyaṃ hoṣyatīti // (95) Par.?

devatā evainam abhidhyāyantīḥ // (96) Par.?

tā enam abhāgā īśvarā hiṃstoḥ // (97) Par.?

yad āhāgnaye tvā vasumate svāheti devatā eva bhāginīḥ karoty ātmano 'hiṃsāyai // (98) Par.?

yajurbhājo 'nye devatā āhutibhājo 'nye // (99) Par.?

tān evobhayān prīṇāti // (100) Par.?

divi dhā imaṃ yajñam imaṃ yajñaṃ divi dhā itīme vai lokā diśaś ca gharme 'pitvam aicchanta // (101) Par.?

yad āha divi dhā divaṃ gacchāntarikṣaṃ gaccha pṛthivīṃ gaccha pañca pradiśo gacchetīmān eva lokān diśaś ca gharme tarpayati // (102) Par.?

devān gharmapān gaccheti // (103) Par.?

ya eva devā gharmapās tān evaṃ tad gharme tarpayati // (104) Par.?

devebhyas tvā gharmapebhyas svāhety upayāmena mahāvīre juhoti // (105) Par.?

ya eva devā gharmapās tān eva tad gharme tarpayati // (106) Par.?

devāś ca vā asurāś ca samāvad eva pravargye 'kurvata // (107) Par.?

yad eva devā akurvata tad asurā akurvata // (108) Par.?

te 'surā upāṃśu pravargyeṇācaran // (109) Par.?

sa enān niradahat // (110) Par.?

uccair devāḥ pravargyeṇācaran // (111) Par.?

te devā abhavan // (112) Par.?

te 'surāḥ parābhavan // (113) Par.?

[... au1 letterausjhjh] dvitīyāṃ tad evāsyātmane hutaṃ vaṣaṭkṛtam bhavati // (114) Par.?

gharmam apātam aśvineti yajamānas tṛptim eva tat pṛcchati // (115) Par.?

atho vaṣaṭkṛtam bhavati // (116) Par.?

viśvā āśā dakṣiṇāsad iti brahmā hutam anumantrayate // (117) Par.?

tad evāsyātmane hutam bhavati // (118) Par.?

iṣe pinvasvorje pinvasvetīṣam evorjaṃ yajñe dadhāti // (119) Par.?

asmai brahmaṇe pinvasvāsmai kṣatrāya pinvasvāsyai viśe pinvasveti brahmakṣatre viśaṃ caiva bhāginaḥ karoti // (120) Par.?

asmai sunvate yajamānāya pinvasveti yajamānāyaivaitām āśiṣam āśāste // (121) Par.?

subhūtāya pinvasveti bhūtim evopaiti // (122) Par.?

brahmavarcasāya pinvasveti brahmavarcasī bhavati // (123) Par.?

mahyam āyuṣe varcase jyaiṣṭhyāya rāyaspoṣāya suprajāstvāya pinvasveti ātmana evaitām āśiṣam āśāste // (124) Par.?

tviṣyai tvā dyumnāya tvā bhūtyai tvendriyāya tveti pradakṣiṇam pātram praśrayati // (125) Par.?

diśa eva bhāginīḥ karoty ātmano 'hiṃsāyai // (126) Par.?

dharmāsi sudharmemāny asmai brahmāṇi dhārayeti // (127) Par.?

[... au1 letterausjhjh] rudro vā eṣa yad agniḥ // (128) Par.?

yathāgnaye samavadyaty evam evaitat // (129) Par.?

bhūr bhuvas svar hutaṃ havir madhu havir indratame 'gnau svāhety agnihotravidhiṃ juhoti // (130) Par.?

saṃsthitir evaiṣā svargākṛtiḥ // (131) Par.?

atho anantarhityai manasā prājāpatyā juhoti // (132) Par.?

mana iva vai prajāpatiḥ // (133) Par.?

prājāpatyo yajñaḥ // (134) Par.?

yajñam eva saṃtanoti // (135) Par.?

prāśyā3 na prāśyā3 iti mīmāṃsante // (136) Par.?

yat prāśnīyāt prākārukas syāt // (137) Par.?

yan na prāśnīyād ahavis syāt // (138) Par.?

avajighret // (139) Par.?

ubhayam eva karoti // (140) Par.?

yajamāna eva prāśnāti // (141) Par.?

brahmavarcasam evātman dhatte // (142) Par.?

saṃsādyamānāyānubrūhīty āha // (143) Par.?

pratiṣṭhāyā ahne tvā sūryāya tvā rātryai tvā nakṣatrebhyas tvety ahorātre sūryanakṣatrāṇi caiva bhāginaḥ karoti // (144) Par.?