Texts

jyotir yajñasya pavate madhu ghṛtaṃ pitā devānāṃ janitā vibhūvasuḥ / (1.1) Par.?

tasyādadhātu ratnaṃ svadhayor apīcyaṃ madintamo matsara indriyo rasaḥ / (1.2) Par.?

ity aśvasya grīvāsu rukmaṃ pratimucya śyeno 'si gāyatra iti pavamānānumantraṇenāśvasya puccham anvārabhante // (1.3) Par.?

agnir vṛtrāṇi jaṅghanad iti pavamānaṃ yanty āstāvaṃ prāñcaḥ // (2.1) Par.?

udgātāram aparuṇaddhi udgātar niṣkeṇa tvā śatapalenāparuṇadhmīti // (3.1) Par.?

tam aparudhyartvijo 'parundhanti // (4.1) Par.?

aśvāyoparundhanti vaḍabāḥ // (5.1) Par.?

saṃkrandayaty aśvavaḍabam // (6.1) Par.?

aśvenāstāvam ākramayanti // (7.1) Par.?

aśvākrānta ārciṣyānupayacchanti // (8.1) Par.?

udgātāram upahvayate udgātar niṣkeṇa tvā śatapalenopahvayāmīmāṃ devatām udgāyantīm anūdgāyeti // (9.1) Par.?

stute śatamānam udgātre dadāti // (10.1) Par.?

sopaśayān yūpān saṃmīya paśūn upākaroti // (11.1) Par.?

aśvas tūparo gomṛgas te prājāpatyā agniṣṭhe // (12.1) Par.?

kṛṣṇagrīva āgneyo lalāṭa ity aśve paryaṅgyāḥ // (13.1) Par.?

sauryayāmau śvetaś ca kṛṣṇaś ca pārśvayoḥ // (14.1) Par.?

sauryaṃ śvetam uttarato yāmaṃ kṛṣṇaṃ dakṣiṇataḥ // (15.1) Par.?

vāyavyaḥ śvetaḥ pucchā indrāya svapasyāya vehad vaiṣṇava iti // (16.1) Par.?

babhrur aruṇababhrur ity anuvākair yathādevatam upākaroti jānapadībhiḥ saṃjñābhiḥ pratiyajñāṃśe vatsavatyā iti samāntarān u vaḥ kihā iti vākaināṃ puṃsasṛṣṭā iti vaikathitām utsṛṣṭā // (17.1) Par.?

tryavaya ity ardhahāyanā dityavāha iti dvihāyanā nyaṃ vāhayati bhrāparāgnyavyaya iti trihāyanāḥ // (18.1) Par.?

turyavāha iti caturhāyanāḥ // (19.1) Par.?

paṣṭhavāha iti pañcavarṣāḥ // (20.1) Par.?

dhūmrā vasantāyety anuvākābhyām anvahaṃ paśubandhair iṣṭvā somānām āhareta // (21.1) Par.?

vasantāya kapiñjalān ity ekaviṃśatyanuvākair āraṇyān upākaroti kumbheṣu pannagān īṣajalajarāsu hastinaḥ pañjareṣu nakhino daṃṣṭriṇaś ca // (22.1) Par.?

yūpeṣu grāmyān paśūn niyunakty antarāleṣv āraṇyān dhārayanti // (23.1) Par.?

vetasaśākhayā prājāpatyān upakaroti plakṣaśākhāgreṇetarān // (24.1) Par.?

yuñjanti bradhnamityaśvaṃ yunakti // (25.1) Par.?

yuñjanty asya kāmyeti rathaṃ yunakti // (26.1) Par.?

ketuṃ kṛṇvann iti dhvajam upakarṣati // (27.1) Par.?

jīmūtasyeveti varmādhyūhate // (28.1) Par.?

dhanvanā gā iti dhanur ādatte // (29.1) Par.?

vakṣyantīveti jyām abhimantrayate // (30.1) Par.?

te ācarantīti dhanor ārtnīm // (31.1) Par.?

bahūnāṃ pitetīṣudhim // (32.1) Par.?

rathe tiṣṭhann iti sārathim // (33.1) Par.?

tīvrān ghoṣān ity aśvān // (34.1) Par.?

vanaspate vīḍvaṅga ity ārohati // (35.1) Par.?

svāduṣaṃsada ity āruhya japati // (36.1) Par.?

ahir iveti talaṃ baddhvā japati // (37.1) Par.?

kāśām ādāyārvāsi saptir asīty aśvān saṃkṣipati // (38.1) Par.?

āśvāsayati // (39.1) Par.?

dundubhīn āghnanty āmūr ajeti // (40.1) Par.?

yad vāto 'pa ity aśvenāpo 'vagāheta // (41.1) Par.?

etaṃ stotar ity āvartayati // (42.1) Par.?

vi te muñcāmīti vimuñcati // (43.1) Par.?

patnyo 'bhyañjanti vasavas tvāñjantv iti kāsāmbavena mahiṣī rudrās tvāñjantv iti gaulgulavena vāvātādityās tvāñjantv iti maustaphāṭena parivṛktī // (44.1) Par.?

trisahasraṃ maṇīn lomasv avayaveṣu grathnanti // (45.1) Par.?

bhūr iti haritān mahiṣy abhiṣekārharājaputrāṇāṃ duhitṛśatena saha // (46.1) Par.?

bhuva iti rajatān vāvātā rājñāṃ duhitṛśatena saha // (47.1) Par.?

svar iti śaṅkhamayān parivṛktī sūtagrāmaṇīnāṃ duhitṛśatena saha // (48.1) Par.?

lābhyastvesvenātamāpayati // (49.1) Par.?

hotā ca brahmā ca brahmodyaṃ vadato dakṣiṇata āhavanīyasya brahmottarato hotā // (50.1) Par.?

kaḥ svid ekākī caratīti pṛcchati sūrya ekākī caratīti pratyāha // (51.1) Par.?