Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 17464

Click on a sentence to show its analysis
Keep the mouse pointer over a lemma to show its meanings.

janamejaya uvāca / (1.1) Par.?

punar eva mahābāho kṛṣṇasya jagatīpateḥ / (1.2) Par.?

māhātmyaṃ śrotum icchāmi paramaṃ dvijasattama // (1.3) Par.?

na hi me tṛptir astīha śṛṇvatas tasya dhīmataḥ / (2.1) Par.?

karmaṇām anusaṃdhānaṃ purāṇasya mahātmanaḥ // (2.2) Par.?

vaiśaṃpāyana uvāca / (3.1) Par.?

nāntaḥ śakyaṃ prabhāvasya vaktuṃ varṣaśatair api / (3.2) Par.?

govindasya mahārāja śrūyatām idam uttamam // (3.3) Par.?

śaratalpe śayānena bhīṣmeṇa paricoditaḥ / (4.1) Par.?

gāṇḍīvadhanvā bībhatsur māhātmyaṃ keśavasya yat // (4.2) Par.?

rājñāṃ madhye mahārāja jyeṣṭhaṃ bhrātaram abravīt / (5.1) Par.?

yudhiṣṭhiraṃ jitāmitram iti tac chṛṇu kaurava // (5.2) Par.?

arjuna uvāca / (6.1) Par.?

purāhaṃ dvārakāṃ yātaḥ saṃbandhīn avalokakaḥ / (6.2) Par.?

nyavasaṃ pūjitas tatra bhojavṛṣṇyandhakottamaiḥ // (6.3) Par.?

tataḥ kadācid dharmātmā dīkṣito madhusūdanaḥ / (7.1) Par.?

ekāhena mahābāhuḥ śāstradṛṣṭena karmaṇā // (7.2) Par.?

tato dīkṣitam āsīnam abhigamya dvijottamaḥ / (8.1) Par.?

kṛṣṇaṃ vijñāpayāmāsa paritrāhīti cābravīt // (8.2) Par.?

brāhmaṇa uvāca / (9.1) Par.?

rakṣādhikāro bhavataḥ parirakṣasva māṃ vibho / (9.2) Par.?

caturthāṃśaṃ hi dharmasya rakṣitā labhate phalam // (9.3) Par.?

vāsudeva uvāca / (10.1) Par.?

na bhetavyaṃ dvijaśreṣṭha rakṣāmi tvāṃ kuto 'nagha / (10.2) Par.?

brūhi tattvena bhadraṃ te yady api syāt suduṣkaram // (10.3) Par.?

brāhmaṇa uvāca / (11.1) Par.?

jāto jāto mahābāho putro me hriyate vibho / (11.2) Par.?

trayo hṛtāś caturthaṃ tvaṃ kṛṣṇa rakṣitum arhasi // (11.3) Par.?

brāhmaṇyāḥ sūtikālo 'dya tatra rakṣā vidhīyatām / (12.1) Par.?

yathā dhriyed apatyaṃ me tathā kuru janārdana // (12.2) Par.?

arjuna uvāca / (13.1) Par.?

tato mām āha govindo dīkṣito 'smi kratāv iti / (13.2) Par.?

rakṣā ca brāhmaṇe kāryā sarvāvasthāgatair api // (13.3) Par.?

śrutvāham evaṃ kṛṣṇasya tato 'vocaṃ narottama / (14.1) Par.?

māṃ niyojaya govinda rakṣiṣyāmi dvijaṃ bhayāt // (14.2) Par.?

ity uktaḥ sa smitaṃ kṛtvā mām uvāca janārdanaḥ / (15.1) Par.?

rakṣyasīty evam uktas tu vrīḍito 'smi narādhipa // (15.2) Par.?

tato māṃ vrīḍitaṃ jñātvā punar āha janārdanaḥ / (16.1) Par.?

gamyatāṃ kauravaśreṣṭha śakyate yadi rakṣitum // (16.2) Par.?

tvatpurogāś ca gacchantu vṛṣṇyandhakamahārathāḥ / (17.1) Par.?

ṛte rāmaṃ mahābāhuṃ pradyumnaṃ ca mahābalam // (17.2) Par.?

tato 'haṃ vṛṣṇisainyena mahatā parivāritaḥ / (18.1) Par.?

tam agrato dvijaṃ kṛtvā prayātaḥ saha senayā // (18.2) Par.?

Duration=0.26971101760864 secs.