Texts

yāgnihotrasya skannasya prāyaścittiḥ sā vratasya // (1.1) Par.?

atinīya sāyamaśanaṃ vrataṃ vratayaty upodayaṃ vātinīya prātaraśanam upāstamayaṃ vā // (2.1) Par.?

nādīkṣito vratayantaṃ paśyet // (3.1) Par.?

agnīñ jyotiṣmataḥ kuru vratam upehi vratyety uktvā dīkṣitasaṃcareṇātihṛtya dakṣiṇata āhavanīyasya kāṃsye camase vā vrataṃ prayacchati // (4.1) Par.?

daivīṃ dhiyaṃ manāmaha iti pāṇī prakṣālayate // (5.1) Par.?

ye devā manujātā manoyuja iti vratayati // (6.1) Par.?

śivāḥ pītā bhavateti nābhideśam ārabhya japati // (7.1) Par.?

paścārdhe patnī vratayati // (8.1) Par.?

upodayaṃ vrataprado vācaṃ yamayati dīkṣita vācaṃ yaccha patni vācaṃ yacchety upāstamayaṃ ca // (9.1) Par.?

dakṣiṇata āhavanīyasyodaṅmukho 'paryāvartamānaḥ prākśirāḥ śayīta // (10.1) Par.?

kāmo haviṣāṃ mandiṣṭhas tvam agne vratapā asīti svapsyañ japet punar manas tvam agne vratapā asīti prabudhyan // (11.1) Par.?

dīkṣito bhṛtiṃ vanvīta // (12.1) Par.?

pūṣā sanīnām iti yācakān vrajato 'numantrayate / (13.1) Par.?

devaḥ saviteti pratyāgatān // (13.2) Par.?

pravatsyann ayaṃ te yonir ṛtviya ity araṇyoḥ samāropayati / (14.1) Par.?

yadi gataśrīḥ sarvān // (14.2) Par.?

bhadrād abhi śreyaḥ prehi bṛhaspatiḥ puraetā te astu / (15.1) Par.?

athem avasya vara ā pṛthivyā āre śatrūn kṛṇuhi sarvavīraḥ / (15.2) Par.?

iti prayāty araṇibhyāṃ saha rathāṅgena ca // (15.3) Par.?

devīr āpo apāṃ napād ity apo 'vagāhamāna ā pārāl loṣṭaṃ mṛdnīyāt // (16.1) Par.?

yadi nāvā tared anyena vāchinnaṃ tantuṃ pṛthivyā anugeṣam ity ā pārālloṣṭaṃ mṛdnīyāt // (17.1) Par.?

udayāstamayau vihārānte syāt // (18.1) Par.?

aparimitā dīkṣās tāsāṃ prathamāṃ jāgarti / (19.1) Par.?

tisra upasado 'parimitā vā trirabhyāsās tāsām prathamāṃ jāgarti śvaḥsutyeti ca // (19.2) Par.?

dīkṣābhya ūrdhvaṃ prāyaṇīyaṃ nirvapaty adityai payasi carum // (20.1) Par.?

siddham ā saṃśāsanāt // (21.1) Par.?

na dīkṣitasya patnīṃ saṃnahyati // (22.1) Par.?

patnīṃ mantreṇopasthāpayati // (23.1) Par.?

nājyabhāgau yajati // (24.1) Par.?

dhrauvasyāvadāya pathyāṃ svastiṃ pūrvārdhe yajaty agniṃ dakṣiṇārdhe somaṃ paścārdhe savitāram uttarārdhe / (25.1) Par.?

caror aditiṃ madhye // (25.2) Par.?

sviṣṭakṛtā pracarati / (26.1) Par.?

dhrauvasyāvadāya caror avadyati dvir abhighārayati // (26.2) Par.?

śaṃyvantā saṃtiṣṭhate // (27.1) Par.?

caruniṣkāṣaṃ mekṣaṇam udayanīyāya nidadhāti // (28.1) Par.?

ājyaprarekaṃ dhruvāyāś caturgṛhītaṃ gṛhṇāti // (29.1) Par.?

āmnātā rājakrayaṇy adhikarṇī ṣoḍaśini // (30.1) Par.?

agreṇa prāgvaṃśam abhiparigṛhya purastāt pratyaṅmukhīm avasthāpayati // (31.1) Par.?

hiraṇyaṃ baddhvā darbheṇocyartim iyaṃ te śukra tanūr iti caturgṛhīte 'vadadhāti // (32.1) Par.?

rājakrayaṇīṃ prekṣamāṇo jūr asīti juhoti // (33.1) Par.?

tasyāṃ punar gṛhītvā śukram asi candram asīti hiraṇyam uddharati // (34.1) Par.?

cid asi manāsi dhīr asīti rājakrayaṇīṃ saṃstauti // (35.1) Par.?

anu tvā mātā manyatām ity anumānayati // (36.1) Par.?

rudras tvāvartayatv iti pradakṣiṇam āvartayati / (37.1) Par.?

prācīṃ prakramayati // (37.2) Par.?

vasvy asītiprabhṛtibhiḥ ṣaṭ padāny anuniṣkrāmati dakṣiṇasya pūrvapadasya // (38.1) Par.?

tūṣṇīṃ saptamaṃ padam abhiparigṛhya bṛhaspatiṣ ṭvā sumne ramṇātv ity abhimṛśati // (39.1) Par.?

tasmin hiraṇyaṃ nidhāya pṛthivyās tvā mūrdhann ājigharmīty abhijuhoti // (40.1) Par.?

sphyena padaṃ parilikhya viṣāṇayānuparilikhati // (41.1) Par.?

yāvadghṛtaṃ padaṃ samuddhṛtyāsme ramasveti carusthālyāṃ padaṃ saṃvapati // (42.1) Par.?

unnambhayeti khāte 'po ninayati // (43.1) Par.?

tava rāya iti yajamānāya padaṃ prayacchaty ananusaṃsṛjaṃs tava tava rāya iti yajamāno 'dhvaryave 'nanusṛjan // (44.1) Par.?

mā rāyaspoṣeṇety ārabhya japati yajamānaḥ // (45.1) Par.?

gṛheṣu padaṃ nidadhāti // (46.1) Par.?

uttareṇa lakṣaṇaṃ parikramya tvaṣṭrimantas tveti patnīṃ rājakrayaṇyā samīkṣayate // (47.1) Par.?

sachadiṣkeṇānasā rājānam acchayanti // (48.1) Par.?

sūryasya cakṣur āruham ity anuvrajato 'dhvaryur yajamānaś ca // (49.1) Par.?

anunayanti rājakrayaṇīm // (50.1) Par.?

uttaravedyante pariśrita uparavāṇāṃ vā somavikrayī kutsaḥ śūdro vā rohite carmaṇy ānaḍuhe prāggrīve lomato rājānaṃ nivapati // (51.1) Par.?

dakṣiṇataḥ prāṅmukham ano vimuñcati // (52.1) Par.?

śundha somam āpannaṃ nirasyeti somavikrayiṇaṃ preṣyati // (53.1) Par.?

nādhvaryuḥ somaṃ vicinuyād iti pratiṣiddhaṃ vicayanaṃ prekṣaṇaṃ ca // (54.1) Par.?