UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1105
- Click on a sentence to show its analysis
- Keep the mouse pointer over a lemma to show its meanings.
tāṃ kathāṃ kauśiko rāme nivedya madhurākṣaram / (1.1)
Par.?
punar evāparaṃ vākyaṃ kākutstham idam abravīt // (1.2)
Par.?
ayodhyādhipatiḥ śūraḥ pūrvam āsīn narādhipaḥ / (2.1)
Par.?
sagaro nāma dharmātmā prajākāmaḥ sa cāprajaḥ // (2.2)
Par.?
vaidarbhaduhitā rāma keśinī nāma nāmataḥ / (3.1)
Par.?
jyeṣṭhā sagarapatnī sā dharmiṣṭhā satyavādinī // (3.2)
Par.?
ariṣṭanemiduhitā rūpeṇāpratimā bhuvi / (4.1)
Par.?
dvitīyā sagarasyāsīt patnī sumatisaṃjñitā // (4.2)
Par.?
tābhyāṃ saha tadā rājā patnībhyāṃ taptavāṃs tapaḥ / (5.1)
Par.?
himavantaṃ samāsādya bhṛguprasravaṇe girau // (5.2)
Par.?
atha varṣaśate pūrṇe tapasārādhito muniḥ / (6.1)
Par.?
sagarāya varaṃ prādād bhṛguḥ satyavatāṃ varaḥ // (6.2)
Par.?
apatyalābhaḥ sumahān bhaviṣyati tavānagha / (7.1)
Par.?
kīrtiṃ cāpratimāṃ loke prāpsyase puruṣarṣabha // (7.2)
Par.?
ekā janayitā tāta putraṃ vaṃśakaraṃ tava / (8.1)
Par.?
ṣaṣṭiṃ putrasahasrāṇi aparā janayiṣyati // (8.2)
Par.?
bhāṣamāṇaṃ naravyāghraṃ rājapatnyau prasādya tam / (9.1)
Par.?
ūcatuḥ paramaprīte kṛtāñjalipuṭe tadā // (9.2)
Par.?
ekaḥ kasyāḥ suto brahman kā bahūñ janayiṣyati / (10.1)
Par.?
śrotum icchāvahe brahman satyam astu vacas tava // (10.2)
Par.?
tayos tad vacanaṃ śrutvā bhṛguḥ paramadhārmikaḥ / (11.1)
Par.?
uvāca paramāṃ vāṇīṃ svacchando 'tra vidhīyatām // (11.2)
Par.?
eko vaṃśakaro vāstu bahavo vā mahābalāḥ / (12.1) Par.?
kīrtimanto mahotsāhāḥ kā vā kaṃ varam icchati // (12.2)
Par.?
munes tu vacanaṃ śrutvā keśinī raghunandana / (13.1)
Par.?
putraṃ vaṃśakaraṃ rāma jagrāha nṛpasaṃnidhau // (13.2)
Par.?
ṣaṣṭiṃ putrasahasrāṇi suparṇabhaginī tadā / (14.1)
Par.?
mahotsāhān kīrtimato jagrāha sumatiḥ sutān // (14.2)
Par.?
pradakṣiṇam ṛṣiṃ kṛtvā śirasābhipraṇamya ca / (15.1)
Par.?
jagāma svapuraṃ rājā sabhāryo raghunandana // (15.2)
Par.?
atha kāle gate tasmiñ jyeṣṭhā putraṃ vyajāyata / (16.1)
Par.?
asamañja iti khyātaṃ keśinī sagarātmajam // (16.2)
Par.?
sumatis tu naravyāghra garbhatumbaṃ vyajāyata / (17.1)
Par.?
ṣaṣṭiḥ putrasahasrāṇi tumbabhedād viniḥsṛtāḥ // (17.2)
Par.?
ghṛtapūrṇeṣu kumbheṣu dhātryas tān samavardhayan / (18.1)
Par.?
kālena mahatā sarve yauvanaṃ pratipedire // (18.2)
Par.?
atha dīrgheṇa kālena rūpayauvanaśālinaḥ / (19.1)
Par.?
ṣaṣṭiḥ putrasahasrāṇi sagarasyābhavaṃs tadā // (19.2)
Par.?
sa ca jyeṣṭho naraśreṣṭha sagarasyātmasambhavaḥ / (20.1)
Par.?
bālān gṛhītvā tu jale sarayvā raghunandana / (20.2)
Par.?
prakṣipya prahasan nityaṃ majjatas tān nirīkṣya vai // (20.3)
Par.?
evaṃ pāpasamācāraḥ sajjanapratibādhakaḥ / (21.1)
Par.?
paurāṇām ahite yuktaḥ pitrā nirvāsitaḥ purāt // (21.2)
Par.?
tasya putro 'ṃśumān nāma asamañjasya vīryavān / (22.1)
Par.?
saṃmataḥ sarvalokasya sarvasyāpi priyaṃvadaḥ // (22.2)
Par.?
tataḥ kālena mahatā matiḥ samabhijāyata / (23.1)
Par.?
sagarasya naraśreṣṭha yajeyam iti niścitā // (23.2)
Par.?
sa kṛtvā niścayaṃ rājā sopādhyāyagaṇas tadā / (24.1)
Par.?
yajñakarmaṇi vedajño yaṣṭuṃ samupacakrame // (24.2)
Par.?
Duration=0.11953091621399 secs.