UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1171
- Click on a sentence to show its analysis
- Keep the mouse pointer over a lemma to show its meanings.
atadarhaṃ mahārājaṃ śayānam atathocitam / (1.1) Par.?
yayātim iva puṇyānte devalokāt paricyutam // (1.2)
Par.?
anartharūpā siddhārthā abhītā bhayadarśinī / (2.1)
Par.?
punar ākārayāmāsa tam eva varam aṅganā // (2.2)
Par.?
tvaṃ katthase mahārāja satyavādī dṛḍhavrataḥ / (3.1)
Par.?
mama cemaṃ varaṃ kasmād vidhārayitum icchasi // (3.2)
Par.?
evam uktas tu kaikeyyā rājā daśarathas tadā / (4.1)
Par.?
pratyuvāca tataḥ kruddho muhūrtaṃ vihvalann iva // (4.2)
Par.?
mṛte mayi gate rāme vanaṃ manujapuṃgave / (5.1)
Par.?
hantānārye mamāmitre rāmaḥ pravrājito vanam // (5.2)
Par.?
yadi satyaṃ bravīmy etat tad asatyaṃ bhaviṣyati / (6.1)
Par.?
akīrtir atulā loke dhruvaṃ paribhavaś ca me // (6.2)
Par.?
tathā vilapatas tasya paribhramitacetasaḥ / (7.1)
Par.?
astam abhyagamat sūryo rajanī cābhyavartata // (7.2)
Par.?
sa triyāmā tathārtasya candramaṇḍalamaṇḍitā / (8.1)
Par.?
rājño vilapamānasya na vyabhāsata śarvarī // (8.2)
Par.?
tathaivoṣṇaṃ viniḥśvasya vṛddho daśaratho nṛpaḥ / (9.1)
Par.?
vilalāpārtavad duḥkhaṃ gaganāsaktalocanaḥ // (9.2)
Par.?
na prabhātaṃ tvayecchāmi mayāyaṃ racito 'ñjaliḥ / (10.1)
Par.?
athavā gamyatāṃ śīghraṃ nāham icchāmi nirghṛṇām / (10.2)
Par.?
nṛśaṃsāṃ kaikeyīṃ draṣṭuṃ yatkṛte vyasanaṃ mahat // (10.3)
Par.?
evam uktvā tato rājā kaikeyīṃ saṃyatāñjaliḥ / (11.1)
Par.?
prasādayāmāsa punaḥ kaikeyīṃ cedam abravīt // (11.2)
Par.?
sādhuvṛttasya dīnasya tvadgatasya gatāyuṣaḥ / (12.1)
Par.?
prasādaḥ kriyatāṃ devi bhadre rājño viśeṣataḥ // (12.2)
Par.?
śūnyena khalu suśroṇi mayedaṃ samudāhṛtam / (13.1)
Par.?
kuru sādhu prasādaṃ me bāle sahṛdayā hy asi // (13.2)
Par.?
viśuddhabhāvasya hi duṣṭabhāvā tāmrekṣaṇasyāśrukalasya rājñaḥ / (14.1)
Par.?
śrutvā vicitraṃ karuṇaṃ vilāpaṃ bhartur nṛśaṃsā na cakāra vākyam // (14.2)
Par.?
tataḥ sa rājā punar eva mūrchitaḥ priyām atuṣṭāṃ pratikūlabhāṣiṇīm / (15.1)
Par.?
samīkṣya putrasya vivāsanaṃ prati kṣitau visaṃjño nipapāta duḥkhitaḥ // (15.2)
Par.?
Duration=0.068880081176758 secs.