UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5108
- Click on a sentence to show its analysis
- Keep the mouse pointer over a lemma to show its meanings.
te dūtā rāmavākyena coditā laghuvikramāḥ / (1.1)
Par.?
prajagmur madhurāṃ śīghraṃ cakrur vāsaṃ na cādhvani // (1.2)
Par.?
tatastribhir ahorātraiḥ samprāpya madhurām atha / (2.1)
Par.?
śatrughnāya yathāvṛttam ācakhyuḥ sarvam eva tat // (2.2)
Par.?
lakṣmaṇasya parityāgaṃ pratijñāṃ rāghavasya ca / (3.1)
Par.?
putrayor abhiṣekaṃ ca paurānugamanaṃ tathā // (3.2)
Par.?
kuśasya nagarī ramyā vindhyaparvatarodhasi / (4.1)
Par.?
kuśāvatīti nāmnā sā kṛtā rāmeṇa dhīmatā // (4.2)
Par.?
śrāvitā ca purī ramyā śrāvatīti lavasya ca / (5.1) Par.?
ayodhyāṃ vijanāṃ caiva bharataṃ rāghavānugam // (5.2)
Par.?
evaṃ sarvaṃ nivedyāśu śatrughnāya mahātmane / (6.1)
Par.?
viremuste tato dūtāstvara rājann iti bruvan // (6.2)
Par.?
śrutvā taṃ ghorasaṃkāśaṃ kulakṣayam upasthitam / (7.1)
Par.?
prakṛtīstu samānīya kāñcanaṃ ca purohitam // (7.2)
Par.?
teṣāṃ sarvaṃ yathāvṛttam ākhyāya raghunandanaḥ / (8.1)
Par.?
ātmanaśca viparyāsaṃ bhaviṣyaṃ bhrātṛbhiḥ saha // (8.2)
Par.?
tataḥ putradvayaṃ vīraḥ so 'bhyaṣiñcannarādhipaḥ / (9.1)
Par.?
subāhur madhurāṃ lebhe śatrughātī ca vaidiśam // (9.2)
Par.?
dvidhākṛtvā tu tāṃ senāṃ mādhurīṃ putrayor dvayoḥ / (10.1)
Par.?
dhanadhānyasamāyuktau sthāpayāmāsa pārthivau // (10.2)
Par.?
tato visṛjya rājānaṃ vaidiśe śatrughātinam / (11.1)
Par.?
jagāma tvarito 'yodhyāṃ rathenaikena rāghavaḥ // (11.2)
Par.?
sa dadarśa mahātmānaṃ jvalantam iva pāvakam / (12.1)
Par.?
kṣaumasūkṣmāmbaradharaṃ munibhiḥ sārdham akṣayaiḥ // (12.2)
Par.?
so 'bhivādya tato rāmaṃ prāñjaliḥ prayatendriyaḥ / (13.1)
Par.?
uvāca vākyaṃ dharmajño dharmam evānucintayan // (13.2)
Par.?
kṛtvābhiṣekaṃ sutayor yuktaṃ rāghavayor dhanaiḥ / (14.1)
Par.?
tavānugamane rājan viddhi māṃ kṛtaniścayam // (14.2)
Par.?
na cānyad atra vaktavyaṃ dustaraṃ tava śāsanam / (15.1)
Par.?
tyaktuṃ nārhasi māṃ vīra bhaktimantaṃ viśeṣataḥ // (15.2)
Par.?
tasya tāṃ buddhim aklībāṃ vijñāya raghunandanaḥ / (16.1)
Par.?
bāḍham ityeva śatrughnaṃ rāmo vacanam abravīt // (16.2)
Par.?
tasya vākyasya vākyānte vānarāḥ kāmarūpiṇaḥ / (17.1)
Par.?
ṛkṣarākṣasasaṃghāśca samāpetur anekaśaḥ // (17.2)
Par.?
devaputrā ṛṣisutā gandharvāṇāṃ sutāstathā / (18.1)
Par.?
rāmakṣayaṃ viditvā te sarva eva samāgatāḥ // (18.2)
Par.?
te rāmam abhivādyāhuḥ sarva eva samāgatāḥ / (19.1)
Par.?
tavānugamane rājan samprāptāḥ sma mahāyaśaḥ // (19.2)
Par.?
yadi rāma vināsmābhir gacchestvaṃ puruṣarṣabha / (20.1)
Par.?
yamadaṇḍam ivodyamya tvayā sma vinipātitāḥ // (20.2)
Par.?
evaṃ teṣāṃ vacaḥ śrutvā ṛkṣavānararakṣasām / (21.1)
Par.?
vibhīṣaṇam athovāca madhuraṃ ślakṣṇayā girā // (21.2)
Par.?
yāvat prajā dhariṣyanti tāvat tvaṃ vai vibhīṣaṇa / (22.1)
Par.?
rākṣasendra mahāvīrya laṅkāsthaḥ svaṃ dhariṣyasi // (22.2)
Par.?
prajāḥ saṃrakṣa dharmeṇa nottaraṃ vaktum arhasi // (23.1)
Par.?
tam evam uktvā kākutstho hanūmantam athābravīt / (24.1)
Par.?
jīvite kṛtabuddhistvaṃ mā pratijñāṃ vilopaya // (24.2)
Par.?
matkathāḥ pracariṣyanti yāvalloke harīśvara / (25.1)
Par.?
tāvat tvaṃ dhārayan prāṇān pratijñām anupālaya // (25.2)
Par.?
tathaivam uktvā kākutsthaḥ sarvāṃstān ṛkṣavānarān / (26.1)
Par.?
mayā sārdhaṃ prayāteti tadā tān rāghavo 'bravīt // (26.2)
Par.?
Duration=0.09404993057251 secs.